Yelemiya 10:9 - Amazwi Yakwe Leza 2013

⁹ Tuluwi twao yatupomela siluva ukufuma ku Tasyisyi na zaabu ukufuma ku Ufazi. Vyonsi vivyo vikapangwa sile kuli yafundi na yamusyanyi. Nupya yavizwika insalu ziyenzulukile ni ziyenzu, zino zyapikulwa ningo kuli yakapikula

Yelemiya 10:9 ပူးပေါင်းရင်းမြစ်များ

1 Yamwene 10:22

Umwene wakweti ivyombo pali yemba ivyapitanga pamwi ni vyombo vyakwe Hilamu. Cila kupita kwa myaka itatu, vyene vyawelanga vila visenzile zaabu, siluva na mino ya nzovu, na yasokomuntu nga na matumbi.

2 Milandu 9:21

Umwene Solomoni wakweti ivyombo ivyayanga uku Tasyisyi vila vikutungululwa na aomvi yakwe Hilamu. Lyonsi apacisila ca myaka itatu yawelanga, iyafuma yalonka zaabu, siluva na mino ya nzovu ukwika penepo na yakolwe ya myamba alino na amu misitu kwene.

Masamu 115:4

Yene tuleza twao utuluwi twakwe siluva nu twakwe zaabu, tuto utwapangwa ni minwe ya antu.

Masamu 72:10

Yamwene aku Tasyisyi, na yaya aikala lwa mu vilila yalukuleta amawila kunoli. Yamwene aku Syeba na aku Seba nayo yalukuleta ivya mawila kunoli.

Ezaya 23:6

Pomolini impooma mwe ina Fonisya! Mwezye ukupukila uku mpanga yaku Tasyisyi!

Ezaya 40:19

Leza wene ataya wa kaluwi kano kangapangwa na yafundi nanti kasula wa vyela wakuti aengululeko zaabu alino nu kumuteeka pa cikalilo cakwe siluva?

Ezekelo 27:12

“Wemo mwacitanga uculuzi na ina Tasyisyi. Pa vyuma vyako ivitaivulila wemo walonkelangapo siluva, icela, na malata nga ni mitovwe.

Ezekelo 27:7

Itanga lyako lyali ilya nsalu ipikolezye yakwe bafuta. Yene yafumile ku Eguputo, nupya yali ungati ili mendela yako. Itaalu lyako lya kuuwamo lyapangilwe ni nsalu zya cifungo ni ziyenzulukile, izyafumile ku nkumba yakwe Elisyaa.

Danieli 10:5

Insanzula amanso nga ndola umuntu umwi ala azwite insalu isuma itelepelele nga nu musipi wakwe zaabu.

Oseya 8:6

Kawaza uwamu Izlaeli aliwe uwapanzile unkolanya uo, asi Leza awe. Unkolanya waku Samaliya ulaputolwa mu tupimfya.

Yona 1:3

Lelo Yona autuka ukufuma ukwali Yawe nga alungama ku Tasyisyi. Alino atentemukila ku Yopa, kuno waile azana icombo icali palwendo lwakuya ku Tasyisyi. Lyene akala itikiti nga akwela mu combo cici, alino apita kulungama ku Tasyisyi kuti autuke Yawe.

Habakuku 2:19

Kalanda ku muntu wino akanena umuti ati, ‘Zyuka!’ Nanti iciliwe ati, ‘Katuka!’ Uzye akaluwi nako kangamunena icakucita? Nanti angala antu yangakapomela siluva na zaabu, lelo musi umi muno kali.