Yelemiya 10:4 - Amazwi Yakwe Leza 2013

⁴ Alino yaemvya iciwaze kuli siluva na zaabu. Alino yacipampamila ningo ku nondo ni nsunga apakuti vilemane ningo.

Yelemiya 10:4 ပူးပေါင်းရင်းမြစ်များ

Masamu 115:4

Yene tuleza twao utuluwi twakwe siluva nu twakwe zaabu, tuto utwapangwa ni minwe ya antu.

Masamu 135:15

Tuleza tuluwi utwa mitundu yuze ya antu twapangilwa sile kuli siluva na zaabu, twapangwa uku makasa ya antu.

Ezaya 44:12

Musyanyi, kasula wa vyela akatola icipandwa ca cela nu kucivukuta uku muwa. Ikasa lyakwe ilyamaka alino ilitola inondo nu kusula akaluwi umu musango uno akulonda kayele mwenemo. Inzala nu lusala ivisuka vimutonsya pamulandu wakuti atamwile amanzi nu kulya.

Ezaya 46:6

Antu yamwi yakasapula imifuko yao nga yafukumulamo zaabu, nga yapima siluva pa masikelo. Alino yalemba musyanyi umwi incito, nga nawe ayapangila tuleza utuluwi. Lyene nayo yatufukamila nu kutupepa.

Ezaya 46:7

Yene yakatukatusya apa viye vyao, nga yatusenda. Alino yaya yatwika pamwi nu kwikala yikala papo kwene, pano tutange twezye nu kuisezya penepo. Nanti angala wenga pano yali angapapata uli kunotuli, awe cumi tutange twasuke nupya tutange tumupususye foo.

Oseya 13:2

Na ndakai kwene yacili yakutwalilila ukwifya. Yakaipangila utuluwi twakwe siluva, amaunkolanya ya vyela yano yapangwa ningo, yano antu yetetwile nu kupanga na makasa yao. Lyene yavwanga yati, “Pelini impolelwa kunoyali, tonsolini utuluwi tuu utwaya mu musango wakwe yacipambasi.”

Habakuku 2:19

Kalanda ku muntu wino akanena umuti ati, ‘Zyuka!’ Nanti iciliwe ati, ‘Katuka!’ Uzye akaluwi nako kangamunena icakucita? Nanti angala antu yangakapomela siluva na zaabu, lelo musi umi muno kali.