Yelemiya 10:22 - Amazwi Yakwe Leza 2013

²² Uvwini kuno! Malamulo asuma yiza! Icongo cikalamba cuvwika ukufuma ku katutu! Ivita vyakweco vilasangula imisumba yaku Yuda iye ulwanga, iye uwikalo wakwe yankusa.”

Yelemiya 10:22 ပူးပေါင်းရင်းမြစ်များ

Ezaya 34:13

Umu masano monsi mulamelelwa imyunga, yalwenya na yankololwe. Mulasanguka icifulo cakwe yankusa, nu wikalo wakwe yasinsimwe.

Yelemiya 1:14

Lyene avwanga kunondi ati, “Umupamba wafuma ku kayeya nu kwiza ponela aikazi yonsi muno nsi.

Yelemiya 1:15

Pano nasya mpunde imitundu yonsi ino ikateekwa kuli yamwene aku kayeya. Yaliza yonsi pyu. Nacila wenga aliza aike icilimba cakwe ca wene apa mpongolo zyakwe Yelusalemu, na pa malinga yonsi yano yauzinguluka. Alino nu kunzi ya misumba yonsi yakwe Yuda.

Yelemiya 2:15

Antu ya mitundu yuze yakumung'anzila wakwe cisama? Yatiyasangula impanga inu ungati ulwanga. Imisumba inu yationgoloka, nga musi na antu akwikala mwenemo.

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Yelemiya 4:15

Pano izwi likulaizya ukufuma kuli Dani, likuvwika lya ulanda. Lyene likufuma ku myamba yakwe Efulemu nga likusowela ukononwa.

Yelemiya 4:6

Tumpulini cimanyililo cakulanga ukuya ku Zioni. Simulini muipususye, ukwaula kuzingota! Pano nasya ndete uzanzo ukufuma ku kayeya, nu uononyi uwipe wakwe cimwi.

Yelemiya 49:33

Hazoli alasanguka incende yakwe yankusa, ulwanga lwa pee. Mutalatala mwikale umuntu nanti wenga. Kusi nupya nanti wenga wino alakuula mu cifulo cao.”

Yelemiya 5:15

Yawe walanda wati, “Ala mwine mwe ina Izlaeli, anene nemuno nkuleta antu ukufuma ku luko ulwa kutali kuti yize yamulwisye. Yene uluko lumwi ulukome, nupya mwemo mutamanya icilimi cao.

Yelemiya 6:1

Mwe antu yakwe Benjamini, utukini! Mupuuke mu Yelusalemu! Lizini intandala mu Tekoa. Imikini imendela yakusonta ku Beti Hakelemu. Uzanzo nu uononesi vyasya vize ukufuma ku katutu.

Yelemiya 6:22

Yawe wavwanga wati, “Lolini, impuka ya vita ilafuma ku katutu. Uluko lwamaka ukufuma ukutali lukuiteyanya ku kulwa inkondo.

Yelemiya 9:11

Yawe nawe avwanga ati, “Umusumba wa Yelusalemu namausangula amatongwa. Umaya uwikalo wakwe yankusa. Imisumba yamu Yuda ilaya wa lwanga, incende umusiikala umuntu nanti wenga.”

Nyimbo zya ndosya 1:4

Kusi nanti wenga wino akuya nupya ku Ng'anda ikulu yakwe Leza ku kupepa umu manda amuzilo. Akazyana yano iimbilanga inyimbo pasi pakucula. Yasimapepo nao yakuteta. Impongolo zya musumba zili pwanku. Icumi kwene Zioni ali umu ucuzi.

Ezekelo 12:19

Unene aikala mpanga ilya uti, ‘Avino Yawe Simwandalali walanda pamulandu wa ikazi amu Yelusalemu pamwi na amu mpanga ya Izlaeli. Uyanene ndi vino yene yalalya icakulya cao ni sakamika ilikulu. Nupya yalakanka sile uku ntete pa nsita ino yakumwa amanzi. Umu mpanga inu mutalasyala kantu nanti kamwi, pamulandu wa umpulamasunde wakwe yayo yonsi aikala mwenemo.

Malaki 1:3

Lelo nakana Esau kumwi na amu mupanda wakwe, nga naleka kuti impanga yao ya myamba iye itongwa. Nupya kusi umwi akaikala mwenemo, suka sile yankusa.”