Yelemiya 1:14 - Amazwi Yakwe Leza 2013

¹⁴ Lyene avwanga kunondi ati, “Umupamba wafuma ku kayeya nu kwiza ponela aikazi yonsi muno nsi.

Yelemiya 1:14 ပူးပေါင်းရင်းမြစ်များ

Ezaya 14:31

Pongomoka, we mpongolo! Laizini tutuulwe mwe misumba yamu Filisti! Ukwi kasa limani kulafuma icunsi, ca vita, musi nanti acantete mu vifulo vyao.

Ezaya 41:25

Nemo nakatusya umuntu umwi, wino akaikala uku ufumondaka. Ndamuleta akize akazanze ukutandikila sile lwaku katutu. Wene alafulula yakateeka kwati akukandila indaka, nanti wakwe nakamata wino akumumunga imbulo.

Yelemiya 10:22

Uvwini kuno! Malamulo asuma yiza! Icongo cikalamba cuvwika ukufuma ku katutu! Ivita vyakweco vilasangula imisumba yaku Yuda iye ulwanga, iye uwikalo wakwe yankusa.”

Yelemiya 11:17

“Anene kwene ne Yawe Wamaka yonsi nalemile Ayuda na ina Izlaeli wa mutingi. Apilelo pene namayazanza. Aeneco kwene yamailetetela pamulandu nu uyi wao, pano alio kwene yalenzile kuti insoke pamulandu wakutuula Baali impolelwa.”

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Yelemiya 31:8

Silola, ndayawezya ukufuma ku kayeya, ndayakolonganika kufuma ku mpela zya pano nsi. Yonsi pyu impafu ni vilema, umwanaci anyomelile na wino ali pakulela, yonsi yalaweluluka kuno wi umba lino litaikulila.

Yelemiya 4:6

Tumpulini cimanyililo cakulanga ukuya ku Zioni. Simulini muipususye, ukwaula kuzingota! Pano nasya ndete uzanzo ukufuma ku kayeya, nu uononyi uwipe wakwe cimwi.

Yelemiya 46:20

“Eguputo ali wa kana ka ng'ombe, akandama akayembe. Lelo icizyembele caku kayeya camwizila.

Yelemiya 47:2

Wene wavwanzile ati, “Lolini vino amanzi yatumbalala ukufuma ku kayeya. Yali kwati uluzi ulwati luzula, yakuunzya impanga kumwi na vyonsi ivyayamo, imisumba na ikazi ya mwenemo. Antu yakupunda, na ikalansi yonsi yakulila ulanda.

Yelemiya 50:41

Lola! Antu ayayo yakufuma uku kayeya, nupya yene antu amutundu umwi uwa maka. Yali na yamwene avule, ukufuma kumwi kuno kutaitalimpila. Yizile ku kulwa inkondo.

Yelemiya 50:9

Pano nemo ndaleta ivita vya mitundu ikalamba ivilalwisya Babiloni. Vilafuma ku ntunga ya kukayeya. Vilatantama nu kumulwisya ukufuma ku kayeya vilamupokolola. Inceto zyao zyaya wa vita ivicenjelesye, vino visiwela minwe.

Yelemiya 6:1

Mwe antu yakwe Benjamini, utukini! Mupuuke mu Yelusalemu! Lizini intandala mu Tekoa. Imikini imendela yakusonta ku Beti Hakelemu. Uzanzo nu uononesi vyasya vize ukufuma ku katutu.

Yelemiya 6:22

Yawe wavwanga wati, “Lolini, impuka ya vita ilafuma ku katutu. Uluko lwamaka ukufuma ukutali lukuiteyanya ku kulwa inkondo.

Ezekelo 1:4

Awe indolekesya nga ndola icipupu ukufuma ku katutu, caleta ikumbi likalamba ilizingulwikwe nu luswepo, nu moto umwafumanga kumyantula kwa mvula.

Ezekelo 24:3

Nena yacisanguka ipinda lii lino nayumile ne Yawe uti, ‘Teka umupika pa moto, nga wauteka witilemo na manzi.

Yowelo 2:20

Ndafumya anisi aku katutu kuti yaye ukutali namwe, nupya ndayazingila uku lwanga. Ankolelo yene ndayazingila kuli yemba uwaku uwondaka. Acisila nayo ndayazingila kuli yemba uwaku ufumondaka. Lyene ivyala vyao vilaola nu kutandika ukununka.” Icumi kwene Yawe alacita ivikulu.

Zakaliya 6:6

Iceleta lilya ilili ni mfwalasi zitifi, likuya ku lusansa lwaku kayeya ka mpanga ya Babiloni, na lili ilili ni mfwalasi zitiswe lilungime ku mpanga yaku uwondaka, na lino lili ni mfwalasi ziyenzu lilungime ku mpanga yaku ufumondaka, na lino lili ni mfwalasi zya maalamaala lilungime ku mpanga yaku katutu.