Yakobo 5:7 - Amazwi Yakwe Leza 2013

⁷ Inane, lyene tekini myenzo kufika lino Umwene aliiza. Lolini vino mulimi akateeka mwenzo lino acili akulolela kuti vilimwa vya mpomvu vice mu calo cakwe. Wene akalolela nu kuteeka mwenzo kuti vipokelele mvula ya pa miundo ni yamu koolo.

Yakobo 5:7 ပူးပေါင်းရင်းမြစ်များ

Yelemiya 5:24

Yasitala yelenganya mu myenzo yao yati, ‘Katoope Yawe Leza witu, wiyo akatupeela imvula ya mooko na coola mu nsita zyaiko nu kutupela insita ya uzombozi cila mwaka.

Oseya 6:3

Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”

Yowelo 2:23

“Mwe ina Zioni, zangini nu kusansamuka pamulandu wa vintu vino Yeona watamucitila. Wene watamuyela amizu apakumupeela imvula muli zuwazuwa nupya ivulisye cuze, ukufuma ku miundo mpaka uku mwela, ndi vino cali uku mpiti.

Zakaliya 10:1

Mwauzya imvula ya mooko kuli Yawe. A Yawe aliwe akaleta amakumbi ni mvula kwene, nu kumezya ivintu mu vyalo vya muntu ali wensi.

Mateo 16:27

Pano Mwana wa Muntu aliiza pali pamwi na angeli yakwe mu lulumbi lwakwe Isi. Lyene alalambula nanti kuvunuka cila muntu kulingana ni vicitwa vyakwe.

Mateo 16:28

Cumi namunena vino, apano yali yamwi pano atalafwa kufika lino yalalola Mwana wa Muntu akwiza mu wene wakwe.”

Mateo 24:27

Pano ukwiza kwa Mwana wa Muntu kulakolana wa nkuwa ino ikamyansya kucilinganya ulwelele lonsi kufuma ku ufumondaka nu kufika ku uwondaka.

Mateo 24:44

Caleka namwe kwene mulinzile muiteyanye, pano Mwana wa Muntu aliza pa nsita ino mutenekile.

Luka 18:8

Awe! Namunena vino wene alayavwangila zuwa. Lelo lino Mwana wa Muntu aliza uzye alazana utailo mu nsi?”

Luka 21:27

Alino Mwana wa Muntu alaloleka, akwiza mwi kumbi na maka akulu nu lulumbi.

Luka 8:15

Imbezu izyaponile pa musili uvunde, ayao yano ndi yuvwa mazwi yakwe Leza, yayapokelela nu mwenzo usuma uwakuyela. Caleka yaposya kufika lino yaseeka vizao.”

Yoane 21:22

Yesu amwaasuka ati, “Ndi nkasi kuti alali kufika na lino ndiza, uzye cikupazi? Wemo ndondela.”

Yoane 21:23

Caleka mpwelo isalangana konsi mu alondezi yakwe Yesu ukuti wii wene atalafwa. Lelo Yesu atavwanzile vino wii wene atalafwa. Wene wavwanzile ati, “Ndi nkasi kuti alali kufika na lino ndiza, uzye cikupazi?”

Loma 15:4

Vyonsi ivyalembwa mu malembelo vyalemvilwe ukutusambilizya, pakuti tuye nu upaalilo kupitila mu kutekeziwa nu kukomeleziwa kuno malembelo yakutupela.

Loma 2:7

Antu aya nu mute wakucita visuma, ayano Leza alapeela umi wape umwaya lulumbi nu mucinzi.

1 Kolinto 1:7

cakuti kusi uwila nanti onga uwa mupasi uno mulilwa, lino mucili mukulolela Mwene witu Yesu Klistu kuti asokololwe.

Galatiya 5:5

Lelo swemo, upaalilo witu uwakuti Leza alatucita kuya aololoke pa manso yakwe. Na cii, acino tukulolela nu kusininkizya mukuomba kwakwe Mupasi Wamuzilo mu utailo witu.

Galatiya 6:9

Acino mutatonta mu kwazwana. Pano ndi musikutonta, lyene muli nu kupelwa cilambu lino nsita ilafika.

Malango 11:14

Ndi mwacita cii, ale lyene ndaleka imvula itonye pa mpanga inu pa nsita ino ikaizila penepo, iya pa kuwela kwa mvula ni ya pa mwela, pakuti muce mukwate uzombozi wa mbezu, mukwate na waini na mafuta ya miolivi.

Kolose 1:11

Mukomeleke mu maka yonsi yakwe Leza alulumbi, pakuti muposye nu kuteeka myenzo mu vintu vyonsi. Mu nsansa

1 Tesalonika 1:3

Pano tukaiusya kunena Leza Tata pa utailo winu nu mulimo uwa kutemwa nga na pa upaalilo winu ukome mu Mwene Yesu Klistu.

1 Tesalonika 2:19

Pano amwemwe kusi nayauze, mwe muno tukapaalilamo nu luzango, nu kwiza pokelela penepo cilambu cino tulailumbanyizizya penepo pali Yesu Mwene witu lino aliza nupya.

1 Tesalonika 3:13

Mu musango ndi uu, wene alamukomelezya, nga namwe mulaya afumaluke nupya amuzilo pa manso yakwe Leza Tata, lilyo lino Mwene witu Yesu aliiza nupya pamwi na akwakwe yonsi amuzilo.

Ayebulai 6:15

Abulaamu watesile mwenzo, acino wapokelile na vino Leza wamulavile.

Yakobo 4:11

Mutapelana milandu, inane. Wino wensi akapeela mwina Klistu muze mulandu nanti kumupingula, ala wene akusula masunde nu kwezya kuyapingula.

Yakobo 5:10

Inane, iusyini yakasema yano avwanzile mazwi lino Umwene wayatumile. Lekini kuteeka kwa myenzo kuno yakweti na macuzi yao viye cilangililo kunomuli.

Yakobo 5:3

Zaabu pamwi na siluva winu kwene vyonsi vikweti ngalawa, nga ngalawa kwene zii zilaya a kambone wa kumusinila nu konona mili inu ndi vino moto ukaonona. Mwemo mwaitulikila cuma mu manda kwene yaa a mpelelekezyo.

2 Petulo 3:4

nga nu kuuzya yati, “Uzye wene atalavile ukuti aliiza? Uzye ali kwi? Vikolwe vitu vyafwa mpiti, lelo vintu vyonsi vicili vili vimwi ndi vino vyali kufuma lino Leza waumvile insi!”