Yakobo 5:6 - Amazwi Yakwe Leza 2013

⁶ Mwemo mwapingula nu kukoma antu akaele, yano atezizye kulwisya mwemwe.

Yakobo 5:6 ပူးပေါင်းရင်းမြစ်များ

Ezaya 5:23

Kalanda kunomuli mwemuno mukapoka amafukakanwa uku antu amilandu. Umulungami, asi nu mulandu wene imumufyenga.

Ezaya 53:7

“Yamutakanyanga, ala yakumucuzya. Lelo wene atatazile azyansye, wayelanga sile, atatazile amamule akanwa. Wali wa mwana wa mfwele wino yakutwala ku kufyula ungati imfwele ino yakupela amavumbu, isiasamula akanwa.

Mateo 21:38

Lelo lino alimi yalola mwana, yalanda yati, ‘Wii, ali mwana wakwe aalatoola icuma. Tuini tumukome nga tutoole icalo.’

Mateo 27:20

Alino yasimapepo akalamba na ikolo yatunkola iumba kuti lilenge Pilato kuti ayasapwile Balaba, lelo Yesu wene akomwe.

Mateo 5:39

Lelo nemo namunena nati, mutacita cilanduzi ku muntu mwipe. Muntu umwi ndi wakuuma pi tama lilunji, musenwile ni limani kwene, kuti aumepo.

Milimo 22:14

Alino avwanga ati, ‘Leza wa vikolwe vitu watakusola kuti umanye ukulonda kwakwe, nu kulola umuomvi wakwe Umololoke, uuvwe ni zwi lyakwe.

Milimo 7:52

Uzye kwali kasema umwi wino vikolwe vinu vitazunyizye? Awe! Vyakomile inkombe, izyasowile ukwiza kwa muomvi wakwe mololoke wiya. Ndakai mwamukoopela ku anisi yakwe yamukoma.

Milimo 8:32

Iciputulwa ca malembelo pano wawelenganga cikati, “Wakoline wa mfwele iyasenzilwe ku kukomwa, wa kana ka mfwele akasiikavya lino yakukasenya amavumbu. Avino atamamwile mulomo.

Ayebulai 10:38

Lelo antu yane, aololoke, yalaya nu umi pa utailo wao. Lelo ndi umwi uvwa intete wamfutatila, nemo ntalazangila muli aliwe.”

Yakobo 2:6

Lelo mwemo mukasaalula apina! Uzye asi akama akamucuzya nu kumutintanya yamutwala ku vilye vya milandu?

Yakobo 4:2

Mukalonda kukwata vintu vino mutakweti. Acino mukacita cili consi, nanti kukoma kwene, pakuti mukwate. Mukalondesya kukwata vintu, lelo mukaposiwa kuvikwata. Caleka mukalemanila nu kulwa. Musyakwata vino mukalonda pamulandu wakuti musyalenga Leza.

1 Petulo 4:18

Cili ndi vino calembwa mu malembelo cati, “Ndi antu akacita vyawololoke cilayatalila kutuulwa, uzye lyene cilaya uli ku antu akaifya nupya asyacindika Leza?”