Yakobo 5:4 - Amazwi Yakwe Leza 2013

⁴ Mutacili mulipile aomvi malipilo yao, yano onsi akuomba mu vyalo vinu. Uvwini kuilizyanya kwao! Kulilizika kwakwe yao akakonganika vino yakamuzombwela kwati kuvwika kuli Leza, uwa maka onsi.

Yakobo 5:4 ပူးပေါင်းရင်းမြစ်များ

Utandiko 4:10

Alino Yawe amuuzya ati, “Uzye pacani cino wacita icintu cii ciipisye? Uwazi wa munyonko ukulila kunondi ukufuma mu musili, wi zwi ilikulilila cilanduzi.

Yobo 34:28

Apa mulandu wakuti yapatikizye alanda ukupunda, kuli Leza, nawe fwandi ali pakuvwa ukulaizya kwao, nu kuyaasuka wayaasuka.

Yobo 7:2

Ndi vino caya umuomvi akakumbwa ukwikala umu cisao, ala akulolela ukufola amalipilo yakwe,

Masamu 9:12

Wene akaiusya yao akucula, atange ailile uku mpooma zyao, nupya aliwe akayalandwila kuli yano yakayaifya.

Kufuma 22:27

pamulandu wakuti cili icakuvimbala sile cino mupina akweti ca kumucingilila ku mpepo usiku. Uzye nacuze icani cino angavimbala? Ndi wene walilila kunondi ukuti mwazwe, ndamwasuka pano nene wa mizu.

Kufuma 3:9

Cumi natinuvwa inkuta ya antu yane, nupya natindola kukalala kuno aina Eguputo yakucita pa antu yane.

Ezaya 1:9

Yawe Wamaka yonsi akana ukusya antu yamwi apuma, awe cumi Yelusalemu ngano ononeka ntanzi ntanzi, vivi kwene sile vino cali kuli Sodoma na Gomola.

Ezaya 5:7

Aina Izlaeli ali calo ca matingi cakwe Yawe Wamaka yonsi, nga Ayuda nayo ali matingi kwene yano wene walima. Wene walolelanga kuti alole ndi cakuti yamacita ivilungame. Lelo yene yatandika ukukomola antu! Walolelanga kuti alole kuno yamacita ivilungame. Lelo wene uvwanga sile impoma zya antu yauze yano yafyengelekezyanga!

Ezaya 5:9

Ali cino lyene Yawe Wamaka yonsi wasuka walapa, ala nkuyuvwila na matwi yane ati, “Amang'anda avule yalononeka. Yalaya amatongwa.

Yelemiya 22:13

Kalanda ku muntu wino akakuula ing'anda yakwe umu kuntacita vyaulungami, ni miputule yakwe kwene yapapela ukwaula ulungami, wiyo wino akaomvya auze lutu, nupya wene asiyalipila apa milimo yao.

Aina Levi 19:13

“Utacenjezya umuntu nanti umwi, nanti kumwiila vintu vyakwe. Utalengezya malipilo ya muomvi wako nanti uwanda onga.

Habakuku 2:11

Ni ngelwa zya ciumba ca ng'anda yako nazyo kwene zikukulilila nga ni nsondo zyonsi nazyo kwene zikutolelela.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Mateo 9:37

Alino anena alondezi yakwe ati, “Uzombozi uukulu cuze, lelo aomvi yati yacepa.

Luka 18:7

Uzye Leza atangaputwila asololwe yakwe milandu ningo, yano akamulilila umusanya nu usiku? Uzye wene alayatazyela?

Loma 9:29

Ezaya nupya wavwanzile ati, “Ndi mwene Wamaka yonsi wange alovye vizikulula vitu, twange tulowe wa misumba ya Sodoma na Gomola.”

Malango 15:9

Mutakezye kukana ukukongwesya umwi icintu cimwi, pamulandu wakuti umwaka wakusuula inkongole wapalama. Mutakezye ukwelenganya ukwipe ukwa musango uu kuye mu myenzo inu. Ndi cakuti mwakana ku kongwesya umunyonko, ale lyene wene alailizyanya kuli ne Yawe, nga namwe mulaya nu mulandu.

Kolose 4:1

Mwe yasambazi, mutaya nu lufyengo ku yaomvi inu nupya muye acumi kunoyali. Mutailila ukuti namwe kwene mukweti musambazi mwiyulu.