Yakobo 5:3 - Amazwi Yakwe Leza 2013

³ Zaabu pamwi na siluva winu kwene vyonsi vikweti ngalawa, nga ngalawa kwene zii zilaya a kambone wa kumusinila nu konona mili inu ndi vino moto ukaonona. Mwemo mwaitulikila cuma mu manda kwene yaa a mpelelekezyo.

Yakobo 5:3 ပူးပေါင်းရင်းမြစ်များ

Utandiko 31:48

Labani anena Yakobo ati, “Mutumba wa mawe ya cili ciusizyo pakasi kakwe wewe nani.” Uli mulandu uno cifulo cii yacitemile izina yati, Galeedi.

Utandiko 31:52

Umutumba uu nga ni iwe lya ciusizyo vyoili vimatwiusyanga. Ntalapuzya amawe ya nu kwiza kulwisya, nanti awewe utakapuzye iwe lya ciusizyo nu kwiza ndwisya.

Utandiko 49:1

Yakobo atuma umwi kuti aame ana yakwe onsi, nga lino yiiza ayanena ati, “Palamilini kunondi muleke munene vino cilamucitikila mu manda akwiza:”

Yobo 16:8

Wemo watumfyambata. Wewe mwanisi wane! Natinsyala sile amakwankwa yatupu. Na antu yonsi yakuti cico kwene ali cisinilo.

Ezaya 2:2

“Limwi umu manda akusyalikizya umwamba apa kuulilwa Ng'anda ikulu yakwe Leza iya kumpepelamo, ali lino ulatalimpisya ukuluta imyamba yuze yonsi. Na antu ya mitundu yuze ali kuno yalaomokela.”

Yelemiya 19:9

Anisi yao yano yalazinguluka umusumba nu kwezya kukoma antu aikazi yamwenemo. Yalalizizya umusumba cakuti antu ali mukasi kauko yalaalya auze kumwi na ana yao kwene.’ ”

Mika 3:3

Mwacita kwati mukalya antu yane, nu kuyafuwa impapa, nu kukontola amafupa yao, nga nu kuyaputolela mu ntendo ungati inyama.

Mika 4:1

Mu manda akwiza, umwamba apa kuulwa Ng'anda ikulu yakwe Yawe ulaya uutali ukuluta imyamba yonsi, usanzuke ukuluta imilundu yonsi. Antu amu nko zivule yalasimwilila kuno uli.

Milimo 2:17

‘Umu manda yampelelekezyo ndapongolwela Mupasi wane pa antu onsi. Ana inu aonsi na anaci yalasema, ana inu alumendo yalalola vilolwa, na ikolo yalalota viloto.

Loma 2:5

Lelo wakoma umwenzo, nupya usyalonda kuzenzuka. Caleka ukaitulikila sile ukali wakwe Leza uno alalanga pa Wanda wa upinguzi wakwe wa cumi.

2 Timoti 2:17

Kusambilizya kwa musango uu, kukoline wa mpofya itangapoziwa. Antu yaili yano akasambilizya vintu vya musango uu a Himenaesi na Filetusi.

Yoswa 24:27

Yoswa anena antu yonsi ati, “Lolini, iwe lii lilaya akambone uwakutusinila. Pano lyene lyatilyuvwa amazwi yonsi yano Yawe watavwanga kunotuli. Lyene lilaya akambone uwakumusinila ndi cakuti mwaca mwasangukila Leza winu.”

2 Petulo 3:3

Cankolelo, mulinzile kumanya ukuti mu manda yaa akusyalikizya antu yamwi yalaloleka yano umi wao ukatungululwa ni nsuna zyao. Yene yalamusoweka

Umbwilo 17:16

Mpembe ikumi zino wali walola ni cilyanyi vilapata cizelele. Vilamupoka vyonsi vino wakwata nu kumusya tupu. Vilalya munyefu wakwe nu kumoca mu moto.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”