Yakobo 5:20 - Amazwi Yakwe Leza 2013

²⁰ Iusyini ukuti wino wensi uwawezya kaifya kufuma ku viponge vyakwe ala wene alamutuula kufuma ku mfwa nga nu kuleka kuti aelelwe maifyo yakwe aingi.

Yakobo 5:20 ပူးပေါင်းရင်းမြစ်များ

Masamu 32:1

Wasyuka umuntu wiyo wino amaifyo yakwe yafumiziwa, wino inkota zyakwe zyelelwa.

Mapinda 10:12

Ulupato lukakatusya ivikanza, lelo ulukundo lukaleta ukwelelwa kwa maifyo yonsi.

Mapinda 10:2

Icuma cakulonkela umu ucenjenzi cisituula, lelo uololoke wene ukatuula ukufuma ku mfwa.

Mapinda 11:30

Ukwikala umi wa mpomvu kukapela umi wape, lelo ukukana malango ukulovya uumi.

Mapinda 11:4

Vyuma vitalakucitila nanti cimwi pa wanda wa ukali wakwe Leza, lelo ukucita vyaololoke kungakutuula.

Mapinda 17:9

Akasuula uku viipe ala wakomya icitemwiko. Lelo wiyo akaiusya pamulandu, ala watanya yacuza.

Yoane 5:24

“Cumi namunena vino, wensi wino akuuvwa mazwi yane, nu kutaila wino uwantumile, wene akweti umi wape, wene atalapingulwa, lelo wene watafuma ku mfwa aya ku umi.

Loma 11:14

Limwi mungaleka antu amu mutundu wane yuvwe uzuwa pakuti yamwi yatuulwe.

1 Kolinto 1:21

Pano Leza mu mano yakwe walenzile ukuti citacitika ukuti antu yamumanye kupitila mu mano yao. Lelo camuzipile ukuti antu ataila yatuulwe kupitila mwi Landwe lino tukakosola, ilikauvwika lya uwelewele ku antu yamwi.

1 Kolinto 9:22

Lino ndi pakasi ka antu yano utailo wao utonte, nani kwene nkaikala ndi vino yaya, pakuti njalonke. Caleka nkacita consi cingacitwa pakuti ntuule yamwi munoyali.

1 Timoti 4:16

Uisunge nupya ucenjele mu kusambilizya kwako. Utwalilile kucita vintu vii, pano ndi wacita cii, ale lyene ulaituula wemwisikulu nga na yao akukuvwa.

Filimoni 1:19

Nene nalemba kwi kasa lyane nemwisikulu ukuti ne Paulo ndakulipa (lelo utailila ukuti umi wako inkongole kunondi).

Yakobo 1:15

Lyene kulonda kwakwe kwa nkota kulamulenga kwifya. Kwifya nako ndi kwakoma kulaleta imfwa.

Yakobo 1:21

Acino lekini kucita vya winyi nu ukakasi onsi. Tontelini Leza nu kuzumila mazwi yano akaika mu myenzo inu, yano angamutuula.

Yakobo 5:15

Ndi yataila lino yapepa ale mulwale alapoziwa. Mwene alamukatusya, nga nu kumwelela maifyo yano wacita.

Yakobo 5:19

Inane, umwi uwa munomuli ndi wasya inzila ya cumi muze alinzile kumuwezya nupya.

1 Petulo 4:8

Kuluta pali vyonsi, mutemwane nu mwenzo onsi, pano kutemwa kukalenga kwelelana maifyo aingi.

Umbwilo 20:6

Alongo nupya apolelelwe cuze ayao alakumako ku kuzyukuka kuu kwa nkolelo. Imfwa yakwe ciili italaya na maka pano yali. Yene yalaya yasimapepo yakwe Leza na yakwe Yesu Klistu, nupya yalateeka pamwi na Klistu kulingana ni myaka izimbi lyonga.