Yakobo 5:2 - Amazwi Yakwe Leza 2013

² Vyuma vinu vyati viola mpiti, nga uwonyi nao walya insalu zinu.

Yakobo 5:2 ပူးပေါင်းရင်းမြစ်များ

Yobo 13:28

Lyene nemo nasila nu kulokota wi leka lyaku muti, kwati ikoti lino yatulola uku mpenzu.”

Masamu 39:11

Ukakalipila umuntu umukumusinkola apa uyi wakwe, alino nupya ukasyunola vyonsi vino wakwata wa kazizi. Acino fwandi, umuntu wensi pano wapeela waya sile wa cipunga camuza.

Ezaya 50:9

Yawe Simwandalali aliwe akangazwa. Uzye lyene aweni angampeela umulandu? Yonsi kwene yalasila wa nsalu. Yalalowa wa cizwalo cino vipepelya vyalya.

Ezaya 51:8

Pano akazizi kalayalya wa nsalu, kalalya ungati amavumbu ya mfwele. Lelo ulungami wane wene ulaelelela pee nu ufyusi wane umwalondenkanila inkulo.”

Yelemiya 17:11

Umuntu wino akalonka icuma mu ucenjezi wakolana ni nkwale ikaulola amayayi yano itatiile. Pakasi na nkasi ka umi wakwe ali nu kuponzya vyuma vyakwe, na pakusyalikizya pasi vino alaya, lelo alasyala iciwila.

Oseya 5:12

Pamulandu wakwe cii ndonona Efulemu, wakwe vino ivipepelya vikaonona insalu, ndaya wa mpofya ku antu aku Yuda.

Luka 12:33

Kazyini vyonsi vino mukweti, mupele impiya ku apina. Ilondelini vikwama visyapunguka. Nu kusunga vyuma vinu mwiyulu muno vitalatala vipunguke, pano aiivi yatangafikako nu kwiya, nu wonyi nao utangalya vyuma vivyo.

Yakobo 2:2

Ndi cali muntu mukama wino azwite mbalaminwe iyapangwa kuli zaabu nga ni nsalu ziyembe cuze wiza mu ukongano winu, nga nu mupina nawe kwene aiize, ale azwite vinyanko.

1 Petulo 1:4

Caleka tukulolela kupokelela ukama wa upolelelo uno Leza wasungila antu yakwe. Kupolelelwa kuu konsi kwasungwa na aliwe mwiyulu, nupya kutangaola nanti kononeka nanti kulowa.