Yakobo 5:16 - Amazwi Yakwe Leza 2013

¹⁶ Caleka, lyene mwailongwela maifyo inu wenga nu muze, nu kupepelana kuti mupoziwe. Ipepo lya muntu wino akacita vyawololoke lyakwata maka cuze.

Yakobo 5:16 ပူးပေါင်းရင်းမြစ်များ

Utandiko 19:29

Lelo lino Leza wononyile imisumba ilya yamu cifoloma, wiwisye kupapata kwakwe Abulaamu kuti Loti apusuke.

Utandiko 20:17

Lyene Abulaamu wapepile Abimeleki na Yawe amupozya, nga apozya nu muci na azya yakwe akazyana pakuti lyene yakwata ana.

Utandiko 20:7

Acino ndakai swilizya mama wiyo kuli iya. Iya a kasema amakupepela kuti utafwa. Lelo ndi utaswilizye mama wi kuli iya nakusoka ukuti umafwa, wewe na antu yako onsi.”

Utandiko 32:28

Lyene umuntu wilya ati, “Izina lyako litalaya nupya Yakobo, pano watulwisyanya na Leza na antu, nga watucimvya. Caleka izina lyako ndakai waya Izlaeli.

2 Samueli 19:19

nga amunena ati, “We mwene wakwisaci, napapata unjelele pa kwifya kuno nifizye pa wanda uno wafumile umu Yelusalemu. Utampeela umulandu nanti ukwika icintu cii umu mwenzo wako nupya.

1 Yamwene 13:6

Umwene nawe pali pakunena kasema wakwe Leza ati, “Mpapatila kweneko kuli Yawe Leza wako pakuti inje namaka akuwezya ikasa lyane.” Awe kasema wakwe Yawe amupapatila kuli Yawe ni kasa lyakwe liya vino lyali mpiti.

2 Milandu 30:20

Yawe nawe auvwa ipepo lyakwe Hezekiya nga aelela antu yaya.

Yobo 42:8

Ali cino mwemo, yangini mukatole yacipambasi ya ng'ombe cinimbali, na yasuuku nayo kwene cinimbali. Muye nayo uku muonvi wane Yobo. Muye mukayocele apa kuyapela wa mpolelwa iyakuipapatila kweneko mwe eneco. Alino apa nsita kwene iyo, umuomvi wane Yobo amaya akamupapatile, pano wene ali wino ninguvwa ipepo lyakwe. Ndi caya vivyo, ale lyene ningasuula ukukuponga kwinu kuno mwaifizye, icakukana vwanga ivyampomvu kuli nene wakwe vino Yobo avwanzile.”

Masamu 34:15

Yawe aliwe ali kalinda wa ana asuma, nupya wene akauvwa ni nkuta zyao.

Kufuma 17:11

Walanga kula Mose watumpula makasa yakwe papela, aina Izlaeli yacimvya mu nkondo. Lelo ndi wawisya makasa yakwe aina Amaleke iyatandika kucimvya.

Kufuma 9:33

Lyene Mose afumako kuli Falao, afuma mu musumba, nga akatusya makasa yakwe apepa kuli Yawe. Kupangalansya, na mawe ya mvula, nga ni mvula vyonsi vita.

Mapinda 15:29

Umwenzo wa muntu mulungami ukaelenganya ukucita ivisuma. Akanwa ka ntalanganyi kene kakalanda ivyaukakasi.

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Mapinda 28:9

Ndi umwi akakana ukuvwa isunde, ni pepo lyakwe kwene lyapatwa.

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Yelemiya 33:3

We Yelemiya, ndaizya sile nani namakwasuka, namakunena ni milandu ikulu nupya iyankama ino wemo utamanya.

Yelemiya 42:2

Yamunena yati, “Twapapata, uvwa vino tukulenga. Utupapatileko kuli Yawe Leza wako. Swe antu twali nyanya, lyene tusile sile incepelwa, ndivino nawe kwene ungailolela we mweneco.

Mpendwa 11:2

Antu nayo iyalaizya kuli Mose, nga nawe ayapapatila kuli Yawe. Alino umoto iuzima.

Mateo 21:22

Na consi cino mwalenga mwi pepo, ndi mwataila mulapokelela.”

Mateo 3:6

Yene yailongwelanga maifyo yao, nga nawe ayawatizya mu luzi lwa Yodani.

Mako 1:5

Antu aingi afumanga mu muputule wa mpanga ya Yudeya mu Yelusalemu yaile kunoli. Yene yailongwelanga maifyo yao, nga nawe ayawatizya mu luzi lwa Yodani.

Luka 9:6

Alino alondezi yapita mu mizi, ala yakukosola Ilandwe Lisuma nu kupozya alwale konsi.

Yoane 9:31

Twamanya vino Leza asyauvwa yakaifya. Wene akauvwa antu yano akamucindika nu kucita kulonda kwakwe.

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Milimo 19:18

Yano ataile aingi iiza yazumila nu kuilongwela paswe vino yacisile.

Milimo 8:24

Simoni anena Petulo na Yoane ati, “Napapata mumpepele ku Mwene, pakuti cimwi ica mu vintu vino mwavwanga citancitikila.”

Loma 3:10

Ndi vino malembelo yakati, “Kusi umuntu nanti wenga mololoke!

Loma 5:19

Ndi vino antu aingi yaya akaifya pamulandu wa kuntayela Leza kwa muntu wenga, mu musango uli onga kwene antu aingi yalacitwa kuya aololoke pa manso yakwe Leza pamulandu wa kuyela kwa muntu wenga.

Kolose 1:9

Pamulandu kwene uu swemo tukamupepela, kufuma pa wanda uno tuvwile vya pali mwemwe. Tukulenga Leza kuti amupeelesye umanyililo wa kucita kulonda kwakwe, mu mano yonsi nu kuvwikisya vino Mupasi Wamuzilo akapela.

1 Tesalonika 5:17

pepini nsita zyonsi,

1 Tesalonika 5:23

Leza wino akapeela mutende, amucite kuya amuzilo umu nzila zyonsi. Nupya aliwe asunge myenzo inu, mipasi nga ni mili inu, kuti muce muye antungwa ku ndema zyonsi pa kwiza kwa Mwene witu Yesu Klistu.

1 Tesalonika 5:25

Mwe ina itu, naswe kwene mwatupepelako.

Ayebulai 11:4

Mu utailo amuno Abeli wapile impolelwa isuma kuli Leza kuluta ino Kaini wapile. Mu utailo amuno Leza wavwangile Abeli visuma ukuti wene umololoke, pano Leza umwisikulu uwamucitile umboni pakupokelela uwila wakwe. Mu utailo wakwe Abeli acili akuvwanga nanti angala wene wafwa.

Ayebulai 11:7

Utailo uwalenzile kuti Nowa auvwe kusokwa kwakwe Leza pa vintu vino vyali nu kwiza, vino atatazile alola. Wene wayelile Leza nu kupanga cange muno aliwe na amu ng'anda yakwe yatuuzilwe. Cii calenzile kuti antu amu nsi yavunukwe, nga Nowa nawe apokelele uwila wa wololoke uno ukapelwa kuli yao ataila.

Ayebulai 12:13

Twalililini kupita umu nzila zyololoke, pakuti ingazo izikasinta zitalemala lelo zipoziwe.

Ayebulai 13:18

Mutwalilile kutupepela. Swemo twasininkizya ukuti myenzo itu ili ningo pano tukalondesya kucita cisuma nsita zyonsi.

Yoswa 10:12

Pa wanda uno Yawe wapile aina Amoli mu makasa ya ina Izlaeli, Yoswa wavwanzile kuli Yawe. Pa manso ya ina Izlaeli avwanga ati, “We lanzi, imilila papela ka Gibyoni, na we mwezi, imilila papela ka Cifoloma ca Aiyaloni.”

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

1 Yoane 3:22

Wene akatupeela cili consi cino tukalenga, pano tukayela masunde yakwe nu kucita vintu vino vikamuzanzya.

1 Samueli 1:12

Alino Hana atwalilila ukupepa kuli Yawe. Eli nawe ala akumulolekesya ku kanwa.

1 Samueli 12:17

Uzye ndakai asi insita iyakuzombola ingano? Fwandi lyene namalaizya kuli Yawe pakuti atume ukupangalansya ni mvula. Namwe alino mumamanya ukuti mwifya sana kuli Yawe apakuilengela umwene.”

1 Samueli 12:18

Icaleka Samueli apepa kuli Yawe, nga uwanda kwene ulya Yawe atuma ukupangalansya ni mvula. Acino antu yonsi pasi pakuvwa intete sana pamulandu na Yawe nga na Samueli.