Yakobo 5:11 - Amazwi Yakwe Leza 2013

¹¹ Yaa, ayano tukati alongo pano yene yaposizye. Muuvwa vino Yobo watesile mwenzo, nga mwamanya na vino pacisila Umwene wamwazwilizye. Pano Umwene wakwatisya mizu nu luse.

Yakobo 5:11 ပူးပေါင်းရင်းမြစ်များ

1 Milandu 21:13

Alino Davidi anena Gadi ati, “Nemo nkunyunguluka sana umu mwenzo pali ndakai. Ntangatemwa antu yamvunuke awe. Lelo cingazipa kuti Yawe aliwe amvunuke pamulandu wakuti wene uwa mizu.”

2 Milandu 30:9

Nga cakuti umucumi mwaweluluka kunoli, ale lyene alalenga kuti yayo alayasenda uku uzya yayele anyonko na ana inu alamulondela apa nsizi, uluse na mizu nu kuyawezezya kumwao. Yawe Leza winu uwa luse ni cikuku. Ndi mwawela kunoli, wene alamupokelela.”

Neemiya 9:17

Ivikana ukuyela, iviilila ni vinjelengwe vino wacisile apakasi kao. Vyumalala imyenzo nu kusolola intunguluzi yakuyaswilizya mu uzya ku Eguputo. Lelo wewe Leza wa luse, uwa cikuku na mizu, asisoka zuwa. Amizu yako akulu. Acino wemo utayatazyezile.

Neemiya 9:31

Nga lelo apamulandu sile wamizu yako yakulisya, utatazile uyatazyele nanti ukuyonona foo. Wewe mwene Leza wa cikuku na mizu.

Yobo 1:1

Mu mpanga ya Uzi mwikalanga umuntu umwi wino izina lyakwe wali a Yobo. Umuntu wi wali uwaula umulandu nupya akacita ivisuma. Umuntu wi woopanga Leza nu kuleuka inkota.

Yobo 1:2

Wene wakweti ana aonsi cinimbali na ana anaci yatatu.

Yobo 2:10

Lelo Yobo wene aasuka umuci ati, “Wemo ukulanda wa mwanaci ciwelewele. Lino Leza watutumila icisuma, tukacipokelela. Uzye lyene tungailizyanya uli lino wene watutumila ulanda?” Icaleka fwandi muli vii vyonsi vino Yobo wacululukanga, wene atatazile avwange iviipe nanti vimwi kuli Leza.

Yobo 23:10

Lelo kwene Leza wamanya imipitile yane yonsi. Ndi cakuti angatemwa ukumvukuta umwi lungu, awe cumi angalola sile kuno niza nafuma mpee, wakwe zaabu.

Masamu 103:13

Vino isi akakwatila ana uluse, ali vino Umwene akakwata uluse uku antu amukwatila icoopo.

Masamu 103:8

Ala Yawe uwaluse uwa cikuku, asisoka zuwa, wavulisya ulukundo.

Masamu 116:5

Yawe waya ni nkumbu nupya umusuma, ala Leza witu waya nu luse wakwe cimwi.

Masamu 119:132

Futatukila kunondi, nu kundola luse luse, ndi vino ukacita kuli yonsi yao akutemwa.

Masamu 145:8

Yawe uwakutemwa nupya wazula amizu. Akalengela ukusoka nga wakwatisya amizu.

Masamu 37:37

Mwalolekesya umuntu musuma, mucecete umololoke umwenzo. Pano umuntu walongo awiyo akasya impyanyi zyakwe pano nsi.

Masamu 51:1

Njeleko uluse we Leza pano wewe waluse uluvule. Mfumizye iviipe vyane vyonsi, pano wemo wakwatisya amizu.

Masamu 78:38

Nga lelo Leza wene wayayelelanga uluse. Wene wafutanga uyi wao nga atayalovizye foo. Amaila sile aingi, wasokolokanga nu kuwezya umwenzo.

Masamu 86:15

Nga lelo pano we Mwene wakwatisya uluse, nupya wewe Leza wakutemwa wino asisoka zuwa, lyonsi waya nu kutemwa ukwa muntaputuka, nupya wewe wakutailwa lyonsi.

Masamu 86:5

We Yawe, wemo wewe musuma, nupya ukayelela uluse, wakwatisya nu luse kuli yonsi akakupepa.

Masamu 94:12

We Yawe, walongo umuntu wino ukasambilizya, wiyo wino ukalondolwela amasunde yako.

Kufuma 34:6

Apita ku nkolelo yakwe Mose nga apunda ati, “Nene Yawe, Yawe, Leza wa luse na mizu, asisoka zuwa, uwazula nu kutemwa kwa manda pe, uwatailwa na antu yakwe.

Kasambilizya 7:8

Impelelekezyo ya cintu yazipa ukuluta utandiko wakweco Ukuteeka umwenzo kwaluta ukuya ni cilumba.

Ezaya 63:7

Nemo namatakolanga ivyaya uluse lwakwe Yawe pee. Namamulumbanyanga pa vintu vyonsi vyakuzunguka vino wacita kunotuli. Watupolelela wakwe cimwi swe antu yakwe aina Izlaeli, pano wakwatisya uluse na mizu amuntaputuka.

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Nyimbo zya ndosya 3:22

Ulukundo lwakwe Yawe lusisila. Amizu yakwe amuntaputuka.

Danieli 9:9

Wemo waya na mizu nupya ukatwelela uluse, nanti angala twakusangukila.

Yowelo 2:13

Si imyenzo inu ilange ulanda kunondi, asi kulepula sile vizwalo vinu awe. “Swililini kuli Yawe Leza winu, pano wene wazipa umwenzo nupya uwa luse. Wene asisoka zuwa nga ukutemwa kwakwe kusifutuka. Insita zyonsi wene akaelela.

Yona 4:2

Acino Yona apepa kuli Yawe ati, “Iye, we Yawe, uzye ntalanzile vikwene lino nali kumwitu? Uli mulandu uno nacincile ukuutukila ku Tasisyi. Namanyile vino wewe Leza wa mizu nu wa luse, wino asisoka zuwa nupya akatemwa wakwe cimwi, Leza asisimwilila ku kuponya ivilumbelo.

Mika 7:18

Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Mpendwa 14:18

‘Ne Yawe nsisoka zuwa, nga nakwatisya ukutemwa ni cumi. Nupya nkaelela antu amaifyo na ucisanguka wao. Lelo ntalapanya ana na izikulu pa maifyo yakwe ya isi ukufika nu ku nkulo yakwe citatu na cini.’

Mateo 10:22

Onsi yalamupata pamulandu wane. Lelo wino wensi alaposya kufika nu ku mpelelekezyo, wene alatuulwa.

Luka 1:50

Kufuma ku nkulo yonga kufika ku yuze akalanga mizu kuli yano akamucindika.

Luka 11:10

Pano wensi akalenga akapelwa, na wino akalonda akazana, nga na wino akakonkonsya akayulilwa.

Luka 6:36

Muye na mizu wakwe vino So uwa mwiyulu waya na mizu.

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

Efeso 1:6

Lekini tulumbanye Leza pa cikuku cakwe ca lulumbi, na pa wila uno watupeela mu Mwana wakwe mukundwe!

Efeso 2:4

Lelo luse lwakwe Leza lwavulisya cuze, nga nu kutemwa kuno watutemwa nako ukukulu cuze,

Ayebulai 10:39

Swemo tusi antu yano akamufutatila nu kulowa. Lelo tukweti utailo ukuti twatuulwa.

Ayebulai 3:14

Pano tukaya yacuza yakwe Klistu ndi cakuti twalemelela ku upaalilo witu kufika nu ku mpelelekezyo, uwo uno twakweti pa kutandika.

Ayebulai 3:6

Lelo Klistu u Mwana uwakutailwa wino akaangalila ng'anda yakwe Leza. Sweswe tuli ng'anda yakwe, ndi twalemasya kuposya nu kutaila muli vino tukapaalila.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

Yakobo 1:2

Inane, mwelenganye ukuti mwemwe yasyuke lino kweziwa kwa misango yonsi kwiza pakasi kinu.

1 Petulo 1:13

Caleka, muye aiteyanye. Mwapempula nupya mwapaalila cuze mu kupolelelwa kuno mulapolelelwa lino Yesu Klistu alasokololwa.

1 Petulo 3:14

Lelo muli nu longo nanti mungacula pamulandu wakucita visuma! Mutoopa umuntu umwi, nupya mutasakamikwa.

2 Petulo 2:9

Cii cikalanga ukuti Leza wamanya ivya kutuula antu asuma ku kweziwa kwao, nga ni vya kuvunuka antu aipe lino yacili yakulolela Wanda wa upinguzi.