Yakobo 4:3 - Amazwi Yakwe Leza 2013

³ Nupya lino mukamulenga musyapeelwa, pano mapange inu aipe. Mwemo mukalenga vintu vya kuizanzya mweisikulu.

Yakobo 4:3 ပူးပေါင်းရင်းမြစ်များ

1 Yamwene 3:11

Acino Leza amunena ati, “Pamulandu wakuti walenga cico, utailengile amanda avule, nanti ukama nanti ukuti inkupeele amaka akukoma anisi yako, lelo wemo walenga amano akulungika mu kuputula imilandu,

Yobo 35:12

Ndi antu yamwi yalaizya uwazwilizyo, Leza wene asiyaasuka apamulandu sile wa cilumba ca antu aipe.

Masamu 18:41

Nanti yangapunda ukutuulwa, lelo kutange kuye uwakuyatuula. Yangapunda Yawe, lelo atange ayaasuke foo.

Mapinda 1:28

Ali lino mulangama lelo ntalamwasuka. Mulandondelezya lelo mutalanzana.

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Mapinda 21:13

Wiyo akafundika umu matwi lino alanda yakumulilila, nawe kwene kusi alamusakamala lino alapunda inkuta, ati, “Tutulwe!”

Mapinda 21:27

Yawe wapata impolelwa ya antu aipe, makamaka ndi yaipelela apamulandu umwi uwipe.

Yelemiya 11:11

Caleka lyene ne Yawe nkuyasoka ukuti namayaletela uononyi, nupya yene yatalutuka awe. Yamatangi ndi yalaizya tutulwe, nemo nsikwikangako amano.

Yelemiya 11:14

Alino cino fwandi wemo we Yelemiya utezya ukupapatilako antu yayo. Utanguzya nanti cimwi cakuti njacitile. Lelo yamaculanga nemo ntakusumbanga kweneko amano nanti yangalaizya uli tutulwe.”

Yelemiya 14:12

Pasi pano nanti yangata ukulya, nemo ntange nuvwe inkuuta zyao. Nupya nanti yangandetela amawila yakoca na mawila ya mbezu, nemo ntalazangila munoyali awe. Lelo ndayakomola ku lupanga, ku cipowe nu ku ndwala.”

Mika 3:4

“Ala insita iliza lino mulakuuta kuli Yawe kuti amwazwe, lelo wene atalamwasuka. Pa nsita kwene iyo wene ataluvwa inkuuta inu pamulandu wa nkota zinu.”

Zakaliya 7:13

Yawe Pali pakuvwanga ukuti antu yakwe ndi yasikuvwa vino akulanda, awe cumi nawe atalauvwa vino yalamupapata.

Mateo 20:22

Lelo Yesu ayanena ati, “Mutamanyile cino mukulenga. Uzye mungamwa mu lwako lwa ucuzi luno nasya imwemo?” Nao yaasuka yati, “Tungacita.”

Mako 10:38

Lelo Yesu ayanena ati, “Mutamanyile cino mukulenga. Uzye mungamwa mu lwako lwa ucuzi luno indi nu kumwelamo? Uzye mungawatiziwa umu nzila ino ndinzile kuwatiziwilwamo?”

Luka 11:10

Pano wensi akalenga akapelwa, na wino akalonda akazana, nga na wino akakonkonsya akayulilwa.

Luka 15:13

Apacisila ca manda yanono, umuto wakazizye vyuma vyakwe, asenda impiya apita ku mpanga ya kutali, kuko kuno waile asumba vyuma vyakwe vyonsi mu uwelewele wakwe.

Luka 15:30

Lelo umwana wako wii wasumba vyuma vyako vyonsi muli yacizelele, na lino watawela pa mulyango, wemo wamukomela kacipambasi akiine!’

Yakobo 4:1

Uzye pacani mukalwisyanya nu kupazyanya? Uzye asi pamulandu wakuti mukweti vilondwa vyakuitemwa vino vikalwisya kutungulula mili inu?

1 Yoane 3:22

Wene akatupeela cili consi cino tukalenga, pano tukayela masunde yakwe nu kucita vintu vino vikamuzanzya.

1 Yoane 5:14

Swemo tukaposya pa manso yakwe Leza, pano twasininkizya ukuti ndi twamulenga wene akatuvwa nu kutwasuka pali consi cino twalenga kulingana nu kulonda kwakwe.