Yakobo 4:2 - Amazwi Yakwe Leza 2013

² Mukalonda kukwata vintu vino mutakweti. Acino mukacita cili consi, nanti kukoma kwene, pakuti mukwate. Mukalondesya kukwata vintu, lelo mukaposiwa kuvikwata. Caleka mukalemanila nu kulwa. Musyakwata vino mukalonda pamulandu wakuti musyalenga Leza.

Yakobo 4:2 ပူးပေါင်းရင်းမြစ်များ

1 Yamwene 21:6

Nawe amwaasuka ati, “Apamulandu wakuti nalinanena Naboti umwina Yezileele kunkazya icalo cakwe ca matingi, nanti ndakasi, imupele icalo cuze ca matingi. Lelo wene wali wavwanga wati, ‘Nemo ntange nezye ku kupeela calo cane ca matingi.’ ”

Mapinda 1:19

Ilaya ali mpela yakwe yayo akalondelela ivyuma vyalufyengo, ivikaponzya umi wakwe yayo akavikwata.

Kasambilizya 4:8

Silolini umuntu wino wikala wenga. Wene atakwata umwana nanti umwina, lelo wene akaomba pe, nga atiikuta ni cuma cino walonka. Uzye aweni wino umuntu wi akakaililwa nu kuikanya ukusansamuka? Camusango uu naco kwene icasilesile, nupya icaulanda mu wikazi wa muntu.

Ezaya 7:12

Lelo Aazi wene pano ali papa, aasuka sile ati, “Awe icumi, nemo nakana. Intange ndenge icimanyililo. Nemo nsyakulonda ukwezya Yawe.”

Habakuku 2:5

Ndi vino umuntu uwatakoleka uwengwa akavulungana, ali vino na wensi akaitukumula atakwata iteko. Avino na antu a lwiswa yakolana ni mfwa itiikuta. Yene yakalema antu amitundu yonsi nu kuyakonganika wa antu yao.

Yoane 16:24

Kufika na ndakai mutali mulenge cimwi mwi zina lyane. Lengini nga mulapelwa, kuti muzange cuze.

Yoane 4:10

Yesu nawe amwaasuka ati, “Ndi wamanyile uwila wakwe Leza, na wino akukulenga manzi ya kumwa, nawe wange umulenge, nga wene wange akupeele manzi akapeela umi.”

Yakobo 1:5

Lelo ndi umwi uwa munomuli ulilwa mano, wene alinzile kulenga Leza, nga nawe alamupeela, pano Leza akapeela kuli yonsi kwaula kasoozi.

Yakobo 5:6

Mwemo mwapingula nu kukoma antu akaele, yano atezizye kulwisya mwemwe.

1 Yoane 3:15

Wino wensi uwapata umwina wakwe wene inkomi. Mwamanya ukuti inkomi yene itakwata umi wape mu mwenzo wakweyo.