Yakobo 3:6 - Amazwi Yakwe Leza 2013

⁶ Acino lulimi lukoline wa moto. Lwene amaka yaipe yano yakakowezya mwili nga nu koca umi onsi uwa muntu ku vimbilimbili vino vikafuma kuzimo.

Yakobo 3:6 ပူးပေါင်းရင်းမြစ်များ

2 Samueli 16:20

Abusalomu pali pakunena Aitofeli ati, “Uzye utange utupandeko amano, utunene ivyakuti tucite?”

2 Samueli 19:43

Aina Izlaeli nayo yaasuka yati, “Swemo tukweti insambu amaila ikumi izyakwelenganya pa mwene ukuluta zino mukweti. Ukulunda pali cico swemo tulusile mwemwe. Uzye lyene pacani cino mwatusuula? Mutilila ukuti sweswe twali ankolelo ukwelenganya ivyakuwezya umwene!” Lelo aina Yuda yalandikisye icikalale ukuluta aina Izlaeli.

2 Milandu 13:17

Abiya pamwi na antu yakwe iyakomola aina Izlaeli wakwe cimwi, cakuti aina Izlaeli afwile yali imyanda isano.

Masamu 140:3

Yasongola indimi zyao wa nzoka, yakwata usungu umu tunwa twao wa nondo.

Masamu 64:3

Indimi zyao zyala zyononeka, zyanyolwa wa vipanga. Na mazwi yao aipe yakapontomoka nu kuyavwinta wa nceto.

Mapinda 15:1

Ukwasuka luse luse kukamala icipyu, lelo akasa kakakatusya ukali.

Mapinda 16:27

Iciwelewele ca muntu ali cino cikatukula amasyamo, nga apakanwa kakwe pazuula tupu umoto ukaoca.

Mapinda 6:19

kambone waufi akalanda ivya ntumpu, nga nu muntu wino akasongelekanya akundwe.

Mapinda 7:5

Ivintu vii vilakufuntusya uku mwanaci cizelele, nu ku mwanaci cipitepite uwakwata amazwi akulyongofya.

Ezaya 30:27

Nupya Ezaya avwanga ati, “Mwalola amaka yakwe Leza nu ucindami wakwe! Avivyo vikuloleka akatalamukila! Umoto ni cunsi ali vino vikulanga ukali wakwe. Lino amavwanganga, amazwi yakwe yamalunkumanga sile wa moto.

Ezaya 50:11

Lelo mwemo mwensi, mwemuno mwakozya umoto, nu kusonkelezya ivisonsololwa, lyene ingilini mu cimbilimbili ca moto winu, uwa visonsololwa vino mupembelile. Vii ali vino ikasa lyane lilamucitila. Mulalambalala mu ucuzi utaikulila.

Yelemiya 20:10

Nemo nkuvwa kuno antu aingi yakutotozana, yati, “Ingofyo konsi konsi! Si mulandililini! Lekini tumulandilile!” Nayacuza yane kwene yakulolela kuti nduvyanye cimwi, ala yakuti, “Limwi yangamulyongofya, nga naswe tucite cilanduzi kunoli.”

Yelemiya 28:16

Caleka fwandi Yawe umweneco kwene amakufumya panonsi, umafwa umwaka kwene uu pano watusambilizya antu ivyakutalamila Yawe.”

Aina Levi 24:11

Monsi wii, wino nyina wali mwina Izlaeli, lino yakulwa nu mwina Izlaeli asaalula izina lyakwe Leza, nu kulitipwila. Caleka yamutwala kuli Mose. Nyina wali a Syelomiti, umwana umwanaci wakwe Dibili uwamu mutundu wakwe Dani.

Mpendwa 25:2

Fwandi ale aina Moabu nayo yakwama antu ku kupeela impolelwa zyao kuli tuleza twao.

Mpendwa 31:16

Uzye mutamanyile ukuti yakwene ali yano apakulondela umpandamano wakwe Balamu yalenzile kuti aina Izlaeli yafutuke nu kusangukila Yawe mu mulandu wa pa Peoli, cakuti impungo yizile ipona pa ina Izlaeli.

Mateo 12:24

Lelo lino Afaliseo yuvwa cii, yavwanga yati, Awe! “Kupitila sile muli Belezebu, mwanangwa wa mipasi yankota, amuno akafumizya mipasi yankota.”

Mateo 5:22

Lelo nemo namunena nati wino wensi amasokela mwina wakwe alinzile atwalwe ku cilye. Na wino wensi amanena mwina wakwe ati, ‘Watumpa!’ Wene alinzile atwalwe kwi Tengo. Na wino wensi amavwanga ati, ‘Ciwelewele we,’ alaya mu uzanzo wakuya mu moto uwamu Gehena.

Mako 7:15

Kutaya cikaingila mu muntu kufuma kunzi cingamukowezya. [

Luka 16:24

Lyene alaizya ati, ‘Tata Abulaamu, uye na mizu panondi, untumile Lazalo atimpike insongo ya munwe wakwe mu manzi kuti aiize azusye ululimi lwane. Pano nkucula cuze mu moto uu.’

Milimo 20:30

Insita iliza lino antu yamwi kufuma umwi umba linu yalatumpoka nu kupuulula ataile.

Milimo 5:3

Lelo Petulo amuuzya ati, “We Ananiya, uzye pacani wazumilizya kuti Ciwa akutunke mu mwenzo kuti usombe Mupasi Wamuzilo apa kupaatula impiya zimwi pali zino wakweti lino wakazizye calo?

Milimo 6:13

Lyene yaleta antu yamwi kuti yamutumpwile yati, “Muntu wi lyonsi akuvwanga mazwi ya misuli apa Ng'anda ikulu yakwe Leza yamuzilo na pa masunde yakwe Mose.

Malango 13:6

“Umunyonko umwi nanti umwana wako umonsi nanti umwanaci, nanti umuci wako wino watemwa nanti acuza wako uwapa mwenzo angezya ku kutunkola mu umfisolo kuti wapepa tuleza tuze, tuto tuno ivikolwe vinu vitatazile vipepe.

Tito 1:11

Cili icalondekwa kulesya mvwango yao, pano yene yakuvulunganya amu ng'anda zyonsi apa kusambilizya vintu vino yatalinzile kusambilizya. Yene yakucita vya nsonyi pamulandu wa kulonda impiya.

Yakobo 2:7

Yakwene alio akalandila zina lisuma viipe, zina lya Mwene winu.

Yakobo 3:7

Umuntu angateeka nupya wateekapo viumbwa vyonsi, inyama nga ni vyunyi vya mpanga, ivisela nga ni nswi.

2 Petulo 3:3

Cankolelo, mulinzile kumanya ukuti mu manda yaa akusyalikizya antu yamwi yalaloleka yano umi wao ukatungululwa ni nsuna zyao. Yene yalamusoweka

3 Yoane 1:10

Lyene lino nemo ndiza, ndamwiusya vintu vyonsi vipisye vino wene wavwanzile nga ni ntumpu zino watutumpwila. Asi cii conga cino wene wacisile. Lelo akakana kuzengela aina Klistu yanji lino iiza. Na lino yauze yakulonda kuzengela wene akayalesya nga nu kwezya kuyazinga mwi uvi.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Umbwilo 13:14

Nupya cisomba antu yonsi akaikala pano pa nsi ku vinjelengwe vino cazumiliziwe kucita pa manso ya cilyanyi ca kutandika. Cilyanyi cinena antu kupanga unkolanya kuti yacindikilemo cilyanyi cino yacisa ku lupanga lelo cili nu umi.

Umbwilo 18:23

Munuli mutalatala muloleke luswepo lwi lampi. Munuli mutalatala muvwike izwi lyakwe siwinga na nawinga. Aculuzi yako ayano yali na maka cuze mu nsi yonsi, nu mu malele yako amuno wasombanga antu yonsi amu nsi!”

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.