Yakobo 3:2 - Amazwi Yakwe Leza 2013

² Lili lingi swensi kwene tukaluvyanya. Lelo ndi cakuti muntu umwi asyaluvyanya mu mazwi yano akalanda, ala umuntu wiyo umufumaluke nupya wene ali na maka akukanya mwili wakwe onsi.

Yakobo 3:2 ပူးပေါင်းရင်းမြစ်များ

1 Yamwene 8:46

“Ndi cakuti yiifya kunuli, pano kutaya umuntu nanti wenga wino asitala aifya, nga alino nawe wayasokela nu kuyatazyela, nga na anisi yao yayacimvya yayasenda nu ku uzya ku mpanga yuze, nanti kungala kutalimpe uli,

2 Milandu 6:36

“Antu yako ndi yakwifya, pasi pano kutaya umuntu nanti wenga asiifya, nga nawe wayasokela nu kuyapeela mu makasa ya anisi yao, nga nayo yayasenda umu uzya ku mpanga mbuze ukutali,

Yobo 15:13

Lyene wasuka wasokela Leza, wavwanga na mazwi amuzewanya kunoli.

Masamu 34:13

Tiini fwandi ukulanda iviipe, mute nu kutumpoka intumpu.

Masamu 39:1

Navwanzile inti, “Namatekanyanga umu mipitile yane, apakuti akanwa kane katalanda iviipe. Namalemanga pa kanwa kane insita yonsi, lino antu aipe yali umupipi nani.”

Mapinda 10:19

Ukuvuzya kwa mazwi, musiulwa ukuluvyanya, lelo umuntu wensi akasunda kalomo wene uwamano.

Mapinda 13:3

Yayo akazilizya utunwa twao yakaisungila uumi, lelo yacuma maingwe yene yakayonona aeneco.

Mapinda 20:9

Aweni angavwanga ati, “Nemo nasunga umwenzo wane, nene muswepe, uwaula amaifyo?”

Mapinda 21:23

Umuntu wino akasunga akanwa nu lulimi, asyaponela umu ntazi, awe.

Kasambilizya 7:20

Cumi cumi, mu nsi ii mutaya umuntu nanti umwi akacita vyaololoke lyonsi, nupya kutaya nanti umwi asitala aluvyanya.

Ezaya 64:6

Swensi twali wa antu amifitalila, nu uloloke witu onsi wali wa nsalu iya vikwi. Swensi twali alokote wa mafwa. Amaifyo itu yatusenzile wa muza.

Aina Levi 13:39

simapepo alinzile kuceceta umuntu wiyo. Ndi cakuti indwala iyo yakwe cisongo ikuloleka iiutuluke, ale acisongo sile watamufukuka pa nkanda. Muntu wiyo muswepe.

Mateo 12:34

Mwe ana ya nzoka mwe! Uzye mungavwanga uli vintu visuma lino mwemwe yaipe? Pano mulomo ukavwanga vintu vizile mu mwenzo.

Mateo 12:37

Pano Leza alaomvya mazwi yako kuti asininkizye ndi wewe wakaele nanti uwa mulandu.”

Loma 3:10

Ndi vino malembelo yakati, “Kusi umuntu nanti wenga mololoke!

Loma 7:21

Acino Masunde yakandanga kuomba ukuti, lyonsi lino nkalonda kucita cisuma, icikacitika cakuti iciipe acino nkasolapo kucita.

1 Kolinto 9:27

Nemo nkaomvya mwili wane uluku uluku kuti uye wa muzya wantontela, nkacita vii pakuti ntakasumbwe kunzi pacisila ca kukosola Ilandwe Lisuma kuli yauze, nkaye kwati awiyo watapotwa.

Galatiya 3:22

Lelo calembwa mu malembelo ukuti iifyo lyateeka antu yonsi uzya. Caleka uwila uno Leza walaya uwakwe wino wensi uwataila muli Yesu Klistu

Galatiya 5:17

Pano vintu vino untunze witu ukalonda vyapusana na vino Mupasi Wamuzilo akalonda, nga ni vintu vino Mupasi Wamuzilo akalonda navyo vyapusana na vino untunze ukalonda. Vii vyoili vyaya pa wanisi na cii cikusenula ukuti mutangacita vino mukasi kucita.

Kolose 1:28

Klistu awino tukakosola ku antu onsi. Tukaomvya mano itu yonsi mu kuyasoka nu kuyasambilizya, pakuti alondezi yakwe yonsi yakule muli Klistu.

Kolose 4:12

Epafula cilundwa cuze ca mwi umba linu, nupya muomvi wakwe Klistu Yesu, nawe kwene wamulamuka. Wene akamupepela lyonsi na maka, ala akulenga Leza kuti aleke muye akomeleke wa ina Klistu atumpuluke nupya afumaluke mukuyela kulonda kwakwe Leza.

Ayebulai 13:21

Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.

Yakobo 1:26

Uzye muntu umwi akaelenganya vino wene umupefi wakwe Leza? Ndi cakuti wene asyapindulula lulimi lwakwe, ale nu upefi wakwe uwasilesile nupya akaisomba umwisikulu.

Yakobo 1:4

Musininkizye ukuti utailo winu watwalilila kwaula kutonta, pakuti mukule, muye afumaluke, antu atulilwa cimwi.

Yakobo 2:10

Wino wensi uwakana kuyela isunde lyonga wene ali nu mulandu uwa kuntayela masunde yonsi.

1 Petulo 3:10

Cili ndi vino calembwa mu malembelo cati, “Wino wensi akalonda kuilyokezya nu umi nga nu tusita twa nsansa, wene alinzile kufuma kukulanda viipe. Nupya alinzile ate kutumpoka.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.