Yakobo 3:17 - Amazwi Yakwe Leza 2013

¹⁷ Lelo mano yano yakafuma kwiyulu nkolelo yakatwazwa kuya asanguluke, acuvwano, mutembo nu kuyelezyanya. Yene yakatulenga kukwatisya mizu nga nu kucita vicitwa visuma. Yene yakatulenga kuntakwata vikanza nanti usomvi.

Yakobo 3:17 ပူးပေါင်းရင်းမြစ်များ

1 Yamwene 3:12

Nani namacita cino watulenga. Namakupeela umwenzo wa mano nu kwiluka, uwakuti kutalatala kuye umuntu uwakulingana nawe, nupya pacisila cako kutalatala kuye umwi.

1 Yamwene 3:28

Lino antu yonsi amu Izlaeli yuvwa upinguzi uno umwene wapingwile, iyatandika ukoopa umwene, pamulandu wakuti yaweni ukuti akweti amano ukufuma kuli Leza akulungika umu kuputula kwa milandu.

1 Yamwene 3:9

Acino mpekwini ne muomvi winu amano akuteekelamo antu inu, pakuti namanya ivyakupusanya pakasi ka visuma ni viipe. Ndi cisi vivyo uzye aweni angateeka antu inu avule wakwe cimwi?”

1 Milandu 22:12

Si Yawe akupeele ukwiluka na mano, pakuti wateeka aina Izlaeli ukulingana na masunde yakwe Yawe Leza wako.

1 Milandu 22:9

Lelo ulakwata umwana umonsi wino alateeka mu mutende, pamulandu wakuti nemo ndamupeela umutende pakasi ka anisi yakwe yonsi ali umu mbali zyonsi. Izina lyakwe lilaamwa ukuti Solomoni, pamulandu wakuti mu manda ya utesi wakwe ndapeela aina Izlaeli umutende nu ucingililo.

Yobo 28:12

Amano kwene yayo, uzye tungati aukwi kuno yafuma? Aukwi kuno tungafumya amano yakwiluka?

Yobo 28:23

“Leza wenga mpo, aliwe wamanya inzila iyalungama ukwaya amano. Aliwe wene wamanya intulo apakafuma amano.

Yobo 28:28

Fwandi lyene ali vino wanenyile nu muntunze ukuti, ukuya ni coopo kuli Leza ali kukwata amano, nu kufuntuka uku kucita iviipe, ali kwiluka.”

Kufuma 36:2

Lilyo kwene Mose aama Bezalele, Ooliyabu na yonsi amanya imilimo yano Yawe wapeezile amano nupya na yonsi aiteinye kwazwilizya.

Mapinda 2:6

Pano Yawe aliwe akapeela amano, aliwe kwene ali ntulo ya kumanya nu kwiluka

Ezaya 2:4

Alapingwila imitundu yonsi iya antu, nupya aliwe alakaulula imitundu ivule wakwe cimwi, yace yasuke yatole ivipeni nu kusulamo amase, nga na masumo yao nayo yakasulemo ivikwakwa. Kutalatala nupya kuyeko umutundu ulakatukila uuze, nanti ukusambilila ivyankondo.

Ezaya 32:6

Pano iciwelewele ca muntu cikalanda ivyauwelewele, nu kwelenganya ukucita ivintu viipe. Ivintu vino cikacita na vino cikaelenganya, vyonsi ivyakusaalula sile Leza. Nupya citange citale cipeele ali ni nzala icakulya nanti amanzi kuli yayo ali nu lusala, awe.

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

Danieli 1:17

Caleka Leza apeela alumendo yaa yani amano nu kwiluka kwa misango yonsi ya vyalembwa na masambililo. Ukulunda pali cico, apeela Danieli amaka akulondolola ivilolwa ni viloto vya misango yonsi muno viile.

Malaki 2:9

Acino nani, pakumuswilizizya cico, ndaleka aina Izlaeli yamusuule pamulandu wakuti mutakuyela vino nkalonda kuti mwacita, nga nupya mukafyenga antu pa kuyaputwila imilandu na kasoozi.’ ”

Malaki 3:3

Wene aliza ku kupingula wa muntu akaswefya zaabu. Wene alasangulula nu kuswefya aina Levi ndi vino umuntu akaswefya zaabu na siluva. Alino lyene yalaleta amawila asuma kuli Yawe.

Mateo 23:28

Mu musango uli onga, namwe kunzi mukaloleka ku antu kwati mwemwe ololoke, lelo mukasi ka myenzo inu mwazulamo usomvi ni nkota.

Mateo 5:8

Alongo antu amyenzo iswepe. Pano yalalola Leza.

Mateo 5:9

Alongo antu akaelezyanya. Pano yalaamwa ana yakwe Leza.

Luka 21:15

pano ndamupeela mazwi nga na mano kuti patakaye nanti wenga uwamu anisi inu alakana nanti kupilika vino mulavwanga.

Luka 6:36

Muye na mizu wakwe vino So uwa mwiyulu waya na mizu.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Yoane 1:47

Lino Yesu walola Natanaeli akwiza kunoli, avwanga pamulandu wakwe ati, “Lolini wii ali mwina Izlaeli wa cumi, nupya munoli musi usomvi.”

Milimo 11:24

Banaba wali umuntu musuma, uwazuziwe na Mupasi Wamuzilo, nga nu utailo. Antu aingi yataile mu Mwene.

Milimo 9:36

Mu Yopa mwali mulondezi umwanaci izina lyakwe a Tabita (Izina lyakwe mu Cigiliki a Dokasi, cikusenula mpombo). Wasumvile insita yakwe yonsi mu kuomba milimo isuma nu kukumbusuka apina.

Loma 12:18

Citini vyonsi vingacitwa pakuti mwikale mu mutende na antu onsi.

Loma 12:9

Kutemwa kutayamo usomvi. Musule vintu viipe vyonsi. Lemasyini visuma vyonsi.

Loma 15:14

Inane nemwisikulu nkusininkizya ndi vino mwensi mwemwe yasuma cuze, nu kuti mukweti kumanya konsi, nga na maka akusambilizyanya.

1 Kolinto 12:8

Mupasi Wamuzilo akapeela umuntu umwi maka akulanda vya mano, nga Mupasi Wamuzilo ali umwi kwene akapeela umuntu muze maka akulanda mazwi akusambilizya.

2 Kolinto 10:1

Ne Paulo, nkumupapata, ne muno antu yakati nene cantete lino ndi namwe, lelo mupame lino nsi namwe. Kupitila mu ufuke nga nu luse lwakwe Klistu nkumupapata

2 Kolinto 6:6

Tukailanga nupya ukuya aomvi yakwe Leza mu kuswepa kwa myenzo itu, mukumanya vya cumi, mu kuteeka myenzo, nu mukuya nu luse na Mupasi Wamuzilo, nga nu kutemwa kuno twakwata ukwa cumi,

2 Kolinto 7:11

Mulole vino Leza wacita pa ulanda kwene uu, wamulenga kuya amukozya, nu kulenga musininkizye ukuti mwemwe yakaele, wamulenga kusoka, wamulenga kuvwa intete nu kulondesya kundola, wamulenga kuti muvunuke muntu pa kuluvyanya kwakwe. Vii vyonsi vikulanga paswe kuti mwemwe yakaele.

2 Kolinto 9:10

Leza wino akapela imbezu ku alimi nga ni vyakulya vyakuti yalye. Wene alamupeela imbezu zyonsi azisandulule nu kuvuzya uzombozi kuli yao aulilwa.

Efeso 5:9

nga nu kuleka luswepo lwinu lulete uzombozi ukulu cuze uwa micitile isuma, uwololoke, nga ni cumi.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

Filipi 4:8

Mukumalila, inane lekini myenzo inu izulemo kwelengenya vintu visuma vilinzile kutasiwa, ivya cumi, ivya mpomvu, visanguluke, viyembe, nga ni vyakucindikwa.

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

1 Tesalonika 2:7

nanti cingaya ukuti twange tulenge uwazwilizyo kufuma kunomuli pamulandu wakuti sweswe atumwa yakwe Klistu. Lelo twali afuke pakasi kinu ndi vino nyina wa ana akasunga ana yakwe ningo.

1 Timoti 5:21

Pa manso yakwe Leza na Klistu Yesu, nga na angeli yamuzilo nkukonkomezya wewe kuti uyele vyonsi vino nakutungulula kwaula kuya ni vikanza nanti kuwila kuli umwi muli vyonsi vino ukucita.

2 Timoti 2:24

Muomvi wa Mwene atalinzile kulemanila. Wene alinzile kuya uwa luse kuli onsi, nupya aye kasambilizya musuma akateeka mwenzo.

Tito 1:15

Vintu vyonsi ivisanguluke kuli yao akwata myenzo isanguluke. Lelo kusi cimwi icisanguluke kuli yao akowela nupya atataila. Yene yakwata kwelengenya kukowele ni myenzo yao yakowela.

Tito 3:2

Uyanene yatavwangila umuntu umwi viipe, lelo yacita vya kuleta mutende nu kuyelezyanya. Nupya lyonsi yalinzile kufukila umuntu ali wensi.

Ayebulai 12:11

Lino tukasundwa cikaloleka kwati icintu cakutuletela ulanda, asi nsansa. Lelo pacisila, yao akasundwa mu musango ndi uwo yakaya nu umi uwa mutende nupya wakucita vyawololoke.

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

Yakobo 1:5

Lelo ndi umwi uwa munomuli ulilwa mano, wene alinzile kulenga Leza, nga nawe alamupeela, pano Leza akapeela kuli yonsi kwaula kasoozi.

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

Yakobo 2:4

ale lyene muli nu mulandu wakucita upinguzi uno wimikwa pa kwelenganya kwipe.

Yakobo 3:15

Mano amusango uu yasyafuma kuli Leza. Yene amano yamu nsi auntunze nupya yakwe Ciwa umwisikulu.

Yakobo 4:8

Mupalame kuli Leza, nga nawe amapalama kunomuli. Mwe yakaifya, namwe fulalini minwe inu! Mwe asomvi, namwe swefini myenzo inu!

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

1 Petulo 2:1

Lyene fumini viipe vyonsi munomuli. Mutatumpoka, mutacita usomvi, kuya nu uzuwa, nanti kutukana.

1 Petulo 2:18

Mwe aomvi mulinzile kutontela asambazi inu nu kuyalanga mucinzi umalilike. Mulinzile kucita cii ku asambazi inu onsi, yao aya nu luse nupya afuke kunomuli, nga na atale kwene.

1 Yoane 3:18

Mwe ana yane mwe, kutemwa kwitu kutaya sile mukulanda. Kwene kulinzile kuya ukwa cumi nupya kwaloleka mu milimo.

1 Yoane 3:3

Muntu ali wensi wino uwakwata upaalilo uu muli Klistu, ala wene akaikala mu muzilo ndi vino Klistu wikala.