Yakobo 3:1 - Amazwi Yakwe Leza 2013

¹ Inane, aingi munomuli yatalinzile kuya yakasambilizya. Mwamanya ukuti swe yakasambilizya tulapingulwa nu kucecetwa cuze kuluta yauze.

Yakobo 3:1 ပူးပေါင်းရင်းမြစ်များ

Aina Levi 10:3

Lyene Mose anena Aaloni ati, “Walola! Vii, avili vino Yawe wavwanzile lino watile, ‘Onsi yano yakuntumikila yalinzile kucindika muzilo wane. Ndasokolola ululumbi ku antu yane.’ ” Lelo Aaloni aimilila myaa!

Malaki 2:12

Si Yawe asukule umuntu ali wensi uwacita icamusango uu ukufuma mu mutundu wa ina Izlaeli. Nanti angala umuntu wiyo akapeela impolelwa kuli Yawe Wamaka yonsi, wene atalinzile kutwalilila kucita cico.

Mateo 10:24

“Kasambilila ataluta kasambilizya wakwe, nanti muomvi ataluta mwene wakwe.

Mateo 23:13

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [

Mateo 23:14

Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukaliila yamukamfwilwa vyuma mu ucenjezi nu kuyasomba pa kuyapepela mapepo atali. Caleka mwemo kuvunukwa kwinu kulaya kukulu cuze.]

Mateo 9:11

Lino Afaliseo yacilola, yuzya alondezi yakwe yati, “Uzye pacani cino kasambilizya winu akalila pamwi na yakasonkesya na yakaifya?”

Luka 16:2

Caleka aama kangalila amunena ati, ‘Icani cii, cino nkuuvwa pali wewe? Leta tuvwe ndole vyalembwa pamulandu wa wangalizi wako, pano nupya utangaya kangalila.’

Luka 6:37

“Mutapingula auzo, nga Leza nawe atalamupingula. Mutavunuka auzo, Leza nawe atalamuvunuka. Mwaelela auzo, namwe Leza alamwelela.

Yoane 3:10

Yesu amunena ati, “Wewe kasambilizya mukalamba uwa ina Izlaeli, uzye utamanyile vintu vii?

Milimo 13:1

Mwi uvi lyaku Antioki mwali yakasema na yakasambilizya yaa: Banaba, Simeoni (uwamwangwa mutifi), Lukio (uwafumile ku Kuleni), Manaeni (uwakuzile pamwi nu mulasi Helodi), nga na Saulo.

1 Kolinto 12:28

Mwi uvi Leza wika antu yaa, nkolelo atumwa, yakwe ciili akasema, nga yakwe citatu akasambilizya. Alino wika na yao akacita vinjelengwe, nga palondelela yao apelwa maka akupozya nanti kwazwa yauze nanti kuyatungulula nanti kulandila mu ndimi zyuze zitamanyika.

2 Kolinto 5:10

Pano swensi kwene tulimilila nkolelo yakwe Klistu, kuti atupingule. Cila muntu alapokelela viine ni milimo ino wacita muno nsi, iipe nanti isuma.

Efeso 4:11

Wene uwapile mawila ku antu onsi. Wasolwile yamwi kuti yaye atumwa, yamwi kuti yaye akasema, yamwi akakosola, yamwi akacema nga na yamwi akasambilizya.

1 Timoti 1:7

Yene yakalonda kuya yakasambilizya ya Masunde yakwe Leza, lelo yatamanya vino yakalandapo nanti cumi pano iimilila.

1 Timoti 2:7

Acino wene wantumile kuya mutumwa nupya kasambilizya wa Akulukuwa, kuti nakosola ilandwe ilya kulenga antu yataile cumi. Nemo nsyakutumpoka. Lelo nkulanda cumi!

2 Timoti 1:11

Leza wansolola kuti inje kakosola, mutumwa na kasambilizya wi Landwe Lisuma.

Ayebulai 13:17

Mwayela intunguluzi zinu nu kulondela malamulo yao. Yene yakasopa umi winu kwaula kupuza, pasi pano yalalondolola kuli Leza pa kutumikila kwao. Ndi mukuyayela lyene yamaombanga milimo yao ni nsansa. Lelo ndi musyakuyayela, yamaombanga milimo yao nu ulanda nga namwe citangaya cakumwazwa.

Yakobo 1:16

Inane mutasombwa!

Yakobo 1:19

Mwe inane yakundwe, iusyini cii! Muntu wensi alinzile kuuvwa zuwa, lelo atekele kulanda nu kusoka.

Yakobo 3:10

Ntaizyo nga ni ntipu zikafuma mu mulomo uli umwi kwene. Inane cii citalinzile kucitika!

1 Petulo 5:3

Mutaezya kukulizya yao yano mukasunga, lelo muye cilangililo pakasi ki uvi.