Yakobo 2:20 - Amazwi Yakwe Leza 2013

²⁰ Ciwelewele we! Uzye ukulonda kuti yakulange vino utailo uno usyatungulula ku kucita milimo isuma ala wene uwasilesile?

Yakobo 2:20 ပူးပေါင်းရင်းမြစ်များ

Mapinda 12:11

Wiyo akaomba umu calo cakwe nu muzonda akazana ivyakulya ivingi, lelo muselela kukaye wene atakwata amano.

Yelemiya 2:5

Vii avino Yawe akulanda ati, “Uzye ukuluvyanya cii kuno ivikolwe vinu vyazanyile munondi, apakuti vinsangukile? Vyene vyalondelile ukupepa utuluwi twasilesile, nga aisikulu yasanguka yaya asilesile.

Loma 1:21

Nanti angala Leza yamumanya, lelo yakana kumulumbanya nanti kumutaizya. Amelenganyo yao yaseleukila ku vya uwelewele ni myenzo yao yazulamo mfinzi.

Loma 3:28

Pano twasininkizya ukuti Leza akacita umuntu kuya mololoke pa manso yakwe kupitila sile mu utailo, lelo asi pamulandu wa kuyela sile Masunde.

Loma 9:20

Uzye wemo, wewe weni uwakupazyanya na Leza? Uzye inyungu inguzya nakamata iti, “Uzye pacani wamatile mu mwata uu?”

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

Galatiya 6:3

Muntu umwi ndi akwelenganya ukuti mucindamisye kuluta auze, na lino asi vivyo ala wene akuitumpoka.

Kolose 2:8

Mutaleka umuntu nanti umwi amutumpike na mazwi a uwelewele. Mazwi yao yangaloleka kuya a mano, lelo kusambilizya kwao ukwa misango ya vintu vyamu nsi visi vya pali Klistu.

1 Timoti 1:6

Antu yamwi yasya vii yalondela vyakulanzyanya kwa uwelewele.

Tito 1:10

Pano kwaya antu aingi yacisanguka, maka maka yao asenusi kufuma ku mipepele ya Ciyuda, nupya yano yakasomba antu yauze ku mvwango yao yaula mano.

Yakobo 1:26

Uzye muntu umwi akaelenganya vino wene umupefi wakwe Leza? Ndi cakuti wene asyapindulula lulimi lwakwe, ale nu upefi wakwe uwasilesile nupya akaisomba umwisikulu.

Yakobo 2:17

Vivyo kwene ivili nu utailo. Utailo ndi usyakutungulula ku kucita milimo isuma ala wene ufwe!

Yakobo 2:26

Caleka, vino mwili uwaula mupasi ala ufwe, vivyo kwene nu utailo uwaula milimo isuma nao ufwe.