Yakobo 2:13 - Amazwi Yakwe Leza 2013

¹³ Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

Yakobo 2:13 ပူးပေါင်းရင်းမြစ်များ

Utandiko 42:21

nga yavwanzyanya yati, “Cumi ndakai twavunukwa pamulandu wakwe vino twacisile ku muto witu lino twaweni vino ali mu ntazi, nga na vino wapapatanga kuti tuwake umi wakwe. Lelo swemo tutuvwile kupapata kwakwe. Cii icingalenga kuti tuye mu ntazi ndi ii.”

2 Milandu 28:11

Ale lyene tezini vino namamunena! Tini akazi kinu yano mwasenda wa anyepwe kuti yaswilile kumwao, pasi pano ndi mutacisile vivyo ukali wakwe Yawe umamuponela.”

Masamu 18:25

Yawe uwacumi ku antu acumi, wene akailanga ukuya uwacumi kuli yayo akaele.

Masamu 85:10

Ukutemwa na ucumi vilakomenkana. Uololoke nu mutende vilazengelana.

Mapinda 21:13

Wiyo akafundika umu matwi lino alanda yakumulilila, nawe kwene kusi alamusakamala lino alapunda inkuta, ati, “Tutulwe!”

Mapinda 22:16

Ukucuzya umulanda, kuli kumulundilapo ukama. Nu kupeela umukama uwila kuli kumucita umulanda.

Ezaya 27:11

Akula insaala zyuma nu kukozoka, yamangu yiza yazyoca. Pano umutundu uu utaya na mano. Ali cino na Leza, kaumba wauko atalayaela uluse. Kaumba wao atalayuvwila amizu foo.

Yelemiya 9:24

Ndi umwi akasi kuyuvwa, alinzile wayuvwa apakumanya nene nu kwiluka vino naya, pamulandu wakuti nene indi Yawe wino akacita uluse. Nupya nkacita vyaulungami ni vyaololoke umu nsi, pano vii vili vintu vino vikanzanzya. Ivyalanda ne Yawe.”

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Mika 7:18

Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Mateo 5:7

Alongo antu yano yakaya na mizu ku auze. Pano Leza nawe alaya na mizu kunoyali.

Mateo 6:15

Lelo ndi musyakwelela antu maifyo yao, So nawe kwene atalamwelela maifyo inu.

Luka 16:25

“Lelo Abulaamu avwanga ati, ‘Cuza wane, iusya vino mu nsita ya umi wako wapezilwe vintu vyonsi visuma, lino Lazalo wene wapilwe vintu vyonsi viipe. Lelo ndakai wene kuno watatekeziwa, lino wemo ukucula cuze.

Luka 6:37

“Mutapingula auzo, nga Leza nawe atalamupingula. Mutavunuka auzo, Leza nawe atalamuvunuka. Mwaelela auzo, namwe Leza alamwelela.

Yakobo 3:17

Lelo mano yano yakafuma kwiyulu nkolelo yakatwazwa kuya asanguluke, acuvwano, mutembo nu kuyelezyanya. Yene yakatulenga kukwatisya mizu nga nu kucita vicitwa visuma. Yene yakatulenga kuntakwata vikanza nanti usomvi.

Yakobo 5:4

Mutacili mulipile aomvi malipilo yao, yano onsi akuomba mu vyalo vinu. Uvwini kuilizyanya kwao! Kulilizika kwakwe yao akakonganika vino yakamuzombwela kwati kuvwika kuli Leza, uwa maka onsi.

Yakapingula 1:7

Adonibezeki avwanga ati, “Yamwene amakumi cinimbali yano yatakweti ivyala ni vikando vikulu yasolanga amalakasi aponanga ukwi tebulo lyane. Leza watacita icilanduzi kunondi pali vino nayacitile.” Lyene iyamusenda ku Yelusalemu, akuno aya afwila.

Yakapingula 5:27

Sisela avopama pa makufi yakwe. Apona pansi alambalala cele pa ngazo zyakwe. Apa ngazo zyakwe avopama nga apona, apona pa musili, ala umufwe.