Yakobo 1:25 - Amazwi Yakwe Leza 2013

²⁵ Lelo wino wensi akaceceta ningo mu masunde afumaluke yano akalenga antu kuya antungwa, ndi watwalilila kusumba mano kunoyali kwaula kuvwa sile nu kwilila, lelo akacita vino yene yakulanda, muntu wiyo Leza alamupolelela muli vino akacita.

Yakobo 1:25 ပူးပေါင်းရင်းမြစ်များ

Masamu 106:3

Yasyuka akasunga vino akapingula, akacita pe ivilungame!

Masamu 119:32

Ndasimwilila uku kuyela amalamulo yako, pano ulampeelela kweneko ukwiluka.

Masamu 119:45

Indikalilila lyonsi umuntungwa, pano nkaezya ukuyela amasunde yako.

Mapinda 14:15

Umuntu iciwelewele wene akataila muli vyonsi kwene, lelo uwa mano wene akawaka imipitile yakwe.

Ezaya 8:20

Umu cumi vii ali vino yalalanda. Lelo mwemo muce mwayasuka muti, “Uvwini vino Yawe akumusunda!” Ala mwemo mutauvwa kuli yano yakumuuzizya imilandu uku mipasi. Vino yakumunena vitalamuombela icisuma nanti conga.

Luka 11:28

Lelo Yesu amunena ati, “Alongo ayao akauvwa mazwi yakwe Leza nu kuyayela.”

Yoane 13:17

Ndakai mwati mumanya vintu vii, nga ndi mukuvicita mulaya alongo.

Yoane 8:36

Caleka Mwana ndi wamukulula, mu cumi mulaya antungwa.

Milimo 13:43

Lino antu ali pa ukongano yasalangana, Ayuda na Akulukuwa aingi asenusi yalondela Paulo na Banaba. Atumwa yavwanga kunoyali nu kuyakomelezya kuti yatwalilile kwemelela mu cikuku cakwe Leza, wino uwali nu luse panoyali.

Milimo 2:42

Mu nsita zingi antu yakonkowizye kusambilila ku atumwa, nu kutoola imbali mu utandano nga nu mukumokoola umukate wa wina nga nu mu mapepo.

Milimo 26:22

Lelo Leza wangazwa kufika ni lelo kwene. Acino njimi pano kuti mpeele umboni pa manso ya antu onsi, apina na akama. Cino nkavwanga icili cimwi kwene na cino yakasema pamwi na Mose yavwanzile ukuti cili nu kucitika.

Loma 11:22

Pali cii, twalola vino Leza uwa luse nupya umukali. Wene umukali ku antu yano akapona, lelo kuli mwemwe uwa luse ndi mwatwalilila mu vintu vikalenga kuti aye nu luse. Pano limwi namwe kwene mungaputulwa.

Loma 2:13

Pano kusi uku kuvwa sile Masunde ukukalenga kuti antu yaye aololoke pa manso yakwe Leza, lelo ukukucita vino Masunde yataka ukukalenga.

Loma 7:12

Caleka, Masunde yene amuzilo, alungame nupya asuma.

Loma 8:15

Pano Mupasi wino Leza wamupeela asi mupasi wakumucita azya nu kumucita intete. Lelo Mupasi akamucita ukuya ana yakwe Leza nga nu kupitila mu maka yakwe, tukalilila Leza tuti, “Tata, Tata!”

Loma 8:2

Pano maka ya Masunde yakwe Mupasi Wamuzilo yao akatuletela umi muli Klistu Yesu, yatukulula kwi sunde lya maifyo ni mfwa.

1 Kolinto 15:58

Caleka, mwe inane akundwe, komelikini nupya tekelini mutanenuka. Cincilini lyonsi lino mukutumikila Mwene. Mwamanya ukuti mukuombela Mwene mutaya kucula sile.

2 Kolinto 13:5

Muyezye mweisikulu pakuti muilole ndi mu cumi mukwikala mu utailo. Lelo ndi Klistu asyaikala muno muli, ale lyene mwaposiwa.

Galatiya 2:4

nanti angala yamwi yalondanga ukuti avino ciye. Antu yaa, iizanga kwati nayo yataila, lelo yene yasokelelanga mwiumba litu wa nengu, pakuti yangalondelezya untungwa uno twakwata muli Klistu. Yene yalondanga kutucita azya.

Galatiya 5:1

Untungwa auno tukweti pano Klistu watukulula. Lyene ndakai twikale antungwa nupya tutakaye azya ya Masunde.

Galatiya 6:2

Mwaazwana kusenda visendo, nga mu musango kwene uu, mukaayela Masunde yakwe Klistu.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

1 Timoti 2:15

Lelo mwanaci wene alatuulwa kupitila mu kuvyala ana, cikulu atwalilile kuya uwakutailwa, akatemwa auze, uwamuzilo, nupya wino waicefya.

1 Timoti 4:16

Uisunge nupya ucenjele mu kusambilizya kwako. Utwalilile kucita vintu vii, pano ndi wacita cii, ale lyene ulaituula wemwisikulu nga na yao akukuvwa.

Ayebulai 12:15

Cenjelini kuti mutafutatila cikuku cakwe Leza. Mutaleka umuntu umwi akolane wa cimuti cilule cino cikakula nu kuleta intazi zingi kwi sungwe lyaciko.

Yakobo 2:12

Mwavwanga nu kucita vintu wa antu yano yalapingwilwa kwi sunde lino likatulenga kuya antungwa.

1 Petulo 2:16

Mwaikala wa antu antungwa, nupya mutaomvya untungwa winu pa kuipeela insambu kuti mwaifya. Lelo mwaikala wa yaomvi yakwe Leza.

1 Yoane 2:24

Lyene namwe lekini ilandwe lino muvwile kufuma ku utandiko likalilile mu myenzo inu. Vino muvwile kufuma ku utandiko ndi vikalilila mu myenzo inu namwe lyonsi kwene mulikala mu Mwana na muli Tata.

Umbwilo 14:13

Nupya nuvwa izwi kufuma mwiyulu likuti, “Lemba ukuti, Alongo ayao yano kufuma ndakai yakufwila mu kutumikila Mwene!” Mupasi Wamuzilo nawe ati, “Endi! Yene yalailyokezya kupuza ku kuombesya kwao, pano milimo yao isuma ikuyalondela.”

Umbwilo 22:14

Alongo ayao yano yakafula mingila yao nu kuiswefya, pakuti yaye ni nsambu ya kulya vizao kufuma ku muti uno ukapeela umi nga nu kwingila pa mpongolo zya musumba ukulu.

1 Samueli 12:14

Ndi cakuti mumaoopa Yawe nu kumutumikila nu kumuuvwila nu kuyela amasunde yakwe, nga ndi cakuti mwemwe pamwi nu mwene wino akumuteeka mwaya acumi kuli Yawe Leza winu, ale lyene ivintu vyonsi vilamuzipila.