Yakobo 1:22 - Amazwi Yakwe Leza 2013

²² Mutaisomba mweisikulu pa kuvwa sile mazwi yakwe Leza. Lelo mulinzile kucita vino mazwi yalanda.

Yakobo 1:22 ပူးပေါင်းရင်းမြစ်များ

Ezaya 44:20

Umu cumi, icili conga nu kulya amakala. Amano yao auwelewele yayalozya kuze kuze sile. Yene yasiiluka foo, cakuti yavwanga yati, “Icintu cii cino ndemile icaufi nupya icaciwelewele.”

Yelemiya 11:6

Lyene Yawe avwanga kunondi ati, “Yanga ku misumba yaku Yuda nu mu misolo yamu Yelusalemu. Kuume imbila yane kuku, unene antu yuvwe amazwi aupangano uu nu kuyalondela.

Obadiya 1:3

Mwatumpikwa ni myenzo inu yacilumba cilumba. Umusumba winu ukulu wamutumpika, pano mukwelenganya ukuti mwacingililwa pamulandu wakuti wene wakuulwa pakasi ka myamba itali iya milunda. Imuivwanzya mweisikulu muti, ‘Uzye aweni angatupulumula nu kutufwanta pansi?’

Mateo 12:50

Pano wino wensi akacita kulonda kwakwe Tata uwa mwiyulu, wene ali mwina wane, na kaci wane na mayo.”

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Luka 11:28

Lelo Yesu amunena ati, “Alongo ayao akauvwa mazwi yakwe Leza nu kuyayela.”

Yoane 13:17

Ndakai mwati mumanya vintu vii, nga ndi mukuvicita mulaya alongo.

Loma 2:13

Pano kusi uku kuvwa sile Masunde ukukalenga kuti antu yaye aololoke pa manso yakwe Leza, lelo ukukucita vino Masunde yataka ukukalenga.

1 Kolinto 15:33

Mutaisomba mweisikulu. Yacuza aipe yakaonona miyele isuma.

1 Kolinto 3:18

Muntu nanti umwi ataitumpika. Umwi uwa munomuli ndi akwelenganya vino uwa mano kulingana ni vintu vya muno nsi, nkolelo alinzile aye wa muwelewele, pakuti mucumi aye uwa mano.

1 Kolinto 6:9

Cumi mwamanya ukuti yakaifya yatalakumako ku Wene wakwe Leza. Mutaitumpoka! Antu akacita ulenzyo, nanti akapepa tuluwi, nanti akacita ivya winyi,

Galatiya 6:3

Muntu umwi ndi akwelenganya ukuti mucindamisye kuluta auze, na lino asi vivyo ala wene akuitumpoka.

Galatiya 6:7

Mutaisomba mweisikulu. Kusi umwi angatumpika Leza. Muntu akazombola kulingana na vino wakomela.

Filipi 4:8

Mukumalila, inane lekini myenzo inu izulemo kwelengenya vintu visuma vilinzile kutasiwa, ivya cumi, ivya mpomvu, visanguluke, viyembe, nga ni vyakucindikwa.

Kolose 3:17

Vyonsi vino mukucita nanti kulanda, nanti mukuomba milimo, mulinzile mucitile mwi zina lya Mwene Yesu, lino mukutaizya Leza Tata muli Klistu.

2 Timoti 3:13

nga antu aipe, nupya asomvi yene yalipisya kuluta, yala yakusomba antu yauze nga na isikulu kwene.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

Yakobo 1:26

Uzye muntu umwi akaelenganya vino wene umupefi wakwe Leza? Ndi cakuti wene asyapindulula lulimi lwakwe, ale nu upefi wakwe uwasilesile nupya akaisomba umwisikulu.

Yakobo 4:11

Mutapelana milandu, inane. Wino wensi akapeela mwina Klistu muze mulandu nanti kumupingula, ala wene akusula masunde nu kwezya kuyapingula.

Yakobo 4:17

Caleka, umuntu wino asyacita cisuma cino amanyile ukuti alinzile kucita ala ali nu mulandu uwa kwifya.

2 Petulo 2:13

nupya yalacitilwa viipe pa viipe vino yacitila antu yauze. Yene yakaelenganya ukuti icisuma kuitumpa mu vyamuzangalwe mu nsita zya musanya kuti yazanzye imbunu zyao. Yene yakacita vya winyi, nupya yakamucita insonyi nu kucita usomvi lino yakulya pamwi namwe.

1 Yoane 1:8

Ndi twati tusi na maifyo, ale twaisomba sweisikulu, nga ni cumi cisi munotuli.

1 Yoane 2:3

Ndi tukayela masunde yakwe Leza, ale lyene tukusininkizya vino twamumanya.

1 Yoane 3:7

Mwe ana yane, mutaleka umwi amusombe. Wino wensi akacita vyaololoke, wene waya umololoke ndi vino Klistu ali.

3 Yoane 1:11

We mukundwe utezya kuya namalolela ya vintu viipe. Lelo uye namalolela ya vintu visuma. Wino akacita visuma wene uwakwe Leza. Wino akacita viipe wene atatala walola Leza.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Umbwilo 22:7

Yesu akuti, “Uvwini! Nkwiza zuwa! Alongo ayao yano yakayela mazwi ya usemo amu lupapulo luu.”