Yakobo 1:10 - Amazwi Yakwe Leza 2013

¹⁰ Mwina Klistu mukama nawe alinzile kusansamuka lino Leza wamupoka ucindami. Pano akama yalafwa wa maluwa amu mpanga.

Yakobo 1:10 ပူးပေါင်းရင်းမြစ်များ

Yobo 14:2

Waya wi luwa ilikasapatuka nu kuonza, nga liwela linyala nu kuuma. Waya wa cinzingwa, icisiikalila pano cili.

Masamu 102:11

Amanda yane yaile yakusila wa cinzingwa, nkufoota sile wi sote.

Masamu 103:15

Umuntu wene umi wakwe waya wi sote, akawalula nu kukula wi luwa lya mpanga.

Masamu 37:2

Yalafoota zuwazuwa wi sote lyume, nu kuuma wa mulemvwe.

Masamu 39:6

nu kukolana wakolana ni cinzingwa! Navino akacita, umu cuumi ivyasile sile vyonsi. Wene akaitulikila ivyuma, lelo ukwaula ukumanya wino alavilila penepo.

Ezaya 40:6

Izwi lyuvwika iliti, “Laizya.” Nga nani inuzya inti, “Uzye namalaizya cani?” Izwi lili nalyo ilinena iliti, “Laizya ukuti antu yonsi icili conga ni sote. Ukuyemba kwao kwakolana na maluwa ya mpanga.

Ezaya 40:7

Isote likauma na maluwa nayo yakafoota, lino Yawe wapuutapo umupu wakwe. Cumi kwene na antu kwene yaya wi sote.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Ezaya 66:2

Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.

Mateo 5:3

“Alongo antu yano mu myenzo yao yakailola vino yene apina. Pano Uwene wa mwiyulu uwakwao.

Mateo 6:30

Leza akazwika isote lyamu mpanga, ililipo ilelo na mutondo lisontekwa umoto. Uzye wene atalalusya kuzwika mwemwe, mwe ya utailo unono?

1 Kolinto 7:31

na yao akaculuzya vintu, yalinzile kwikala kwati yatiikako myenzo yao. Pano insi ii, ndi vino ndakai ili, italikalilila.

Filipi 3:8

Kusi cintu cingaya nu muzano kuluta kumanya Klistu Yesu Mwene wane. Pamulandu wakwe Klistu nemo nasumba vyonsi kuya wa vikona, kuti muzano wane uye a Klistu

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

Yakobo 4:14

Mutamanya nanti vino umi winu ulaya pa mutondo! Mwemo mukoline wa cunsi, cino cikaloleka pa kasita kanono nupya icita kuloleka.

1 Petulo 1:24

Cili ndi vino calembwa mu malembelo cati, “Antu yonsi yakoline wi sote nga nu lulumbi lwao lukoline wa maluwa amu mpanga.” Isote likauma, na maluwa nayo yakalukuta,

1 Yoane 2:17

Caleka insi ii ya pansi ikupita, pamwi nu lunkumbwa ululi mwenemo. Lelo umuntu wino akacita kulonda kwakwe Leza akaikalilila manda pe.