Yakapingula 9:24 - Amazwi Yakwe Leza 2013

²⁴ Ni cintu cii cacitike pakuti cisikane na cino Abimeleki wacisile, ica kukoma ana amakumi cinimbali yakwe Gidyoni, nga nupya cisikane na vino aikazi yaku Syekemu yamukomelezyanga.

Yakapingula 9:24 ပူးပေါင်းရင်းမြစ်များ

1 Yamwene 2:32

Yawe amavunuka Yoabu pa utazi wa katwe uno wene wacita, pamulandu wakuti wene wakomile antu yaili ku lupanga, ukwaula kuti tata Davidi amanye. Antu yayo yoili amulusile umu kucita ivisuma a Abineli umwana umonsi wakwe Neli nupya musika mukalamba uwa vita vya ina Izlaeli, na Amasa umwana wakwe Yeteli nupya musika mukalamba uwa vita vya ina Yuda.

1 Yamwene 2:33

Si Yawe avunuke Yoabu na amu mupanda wakwe amanda pe. Lelo alete umutende pa amu mupanda wakwe Davidi amateekanga pa cilimba cakwe amanda pe.”

Esita 9:25

Lelo walanga namwene Esita watwala umulandu uo ku mwene, umwene nawe avino wapile ilamulo mu malembelo, ilyakuti Hamani pamwi na ana yakwe yakulikwe uku vimuti.

Masamu 7:16

Ali cino fwandi uyi wakwe umweneco ali uno ukamulya. Ukuzekemwa kwakwe, ali kuno kukamuletelela.

Masamu 7:17

Endi nemo namalumbanyanga Yawe pamulandu wa ulungi wakwe. Namaimbililanga Yawe Wapapelapela, inyimbo zyakumulumbanya.

Mpendwa 35:33

Mutakowezya impanga ino mukaikala mwenemo. Utazi wa katwe ukakowezya impanga. Nupya kutangaya kucitila impanga ulutambi lwa kufuta amaifyo pa kuzwisya uwazi, suka sile wiyo kwene uwazwisizye uwazi wa muntu ali wino angalipa uwazi wakwe pa kuuzwisya pa mpanga iyo.

Malango 27:25

“ ‘Katipwe kuli Leza wiyo wensi aalatola mafukakanwa kuti akakome umuntu asi uwa mulandu.’ “Lyene antu yonsi yalalanda yati, ‘Ee mukwai! Kaciye vivyo kwene!’

Yakapingula 1:7

Adonibezeki avwanga ati, “Yamwene amakumi cinimbali yano yatakweti ivyala ni vikando vikulu yasolanga amalakasi aponanga ukwi tebulo lyane. Leza watacita icilanduzi kunondi pali vino nayacitile.” Lyene iyamusenda ku Yelusalemu, akuno aya afwila.

Yakapingula 9:25

Antu aku Syekemu yika aonsi akuteyamila Abimeleki pa tunsonsi twa myamba, nga nayo yazanzanga nu kwiila wensi uwapisile umu nzila ilya. Abimeleki nawe yamunenyile pa cintu cii.

1 Samueli 15:33

Samueli nawe pali pakuvwanga ati, “Vivi kwene vino ulupanga lwako lwasya yanyina ana ukwaula ana, avino nyoko nawe amaya umwanaci uwaula umwana pa anaci yonsi.” Alino Samueli akoma Agagi pa manso yakwe Yawe ku Giligali.