Yakapingula 8:4 - Amazwi Yakwe Leza 2013

⁴ Pa nsita ilya walanga Gidyoni na antu yakwe imyanda itatu yatiyalamba mpiti Luzi lwa Yodani. Ala yatiyatonta, lelo yatwalilile kucocovya anisi yao.

Yakapingula 8:4 ပူးပေါင်းရင်းမြစ်များ

2 Kolinto 4:16

Swemo tusyanenuka. Mili itu ikucucuka, lelo sweisikulu tukukomeleziwa mu myenzo cila wanda.

Galatiya 6:9

Acino mutatonta mu kwazwana. Pano ndi musikutonta, lyene muli nu kupelwa cilambu lino nsita ilafika.

Yakapingula 7:25

Iyalema Olebu na Zeebu, aene yaili ya ina Midyani. Iyakoma Olebu apiwe lyakwe Olebu, na Zeebu iyamukomela pa cifenelo ca matingi cakwe Zeebu. Iyatwalilila kucocovya aina Midyani nga iyaletela Gidyoni imitwe yakwe Olebu na Zeebu, wino pa nsita ilya wali ku ufumondaka wa Luzi lwa Yodani.

Yakapingula 8:3

Nanti cili vivyo, mwemo mwakomile Olebu na Zeebu, aene yalya yaili ya ina Midyani ukupitila sile mu maka yakwe Leza. Uzye icani cino nemo nacita cino antu yangakolanya na cino mwemo mwacisile?” Lino wene wavwanga vii, nayo iyawezya umwenzo.

1 Samueli 30:10

Davidi watwalilile ulendo wakwe na antu imyanda ini, pamulandu wakuti antu yauze imyanda iili walanga yatiyatonta wakwe cimwi cakuti iyaposiwa ukulamba uluzi.

1 Samueli 30:8

Davidi auzya Yawe ati, “Uzye incocovye azanzi yaa? Uzye namaya nkayazane?” Yawe nawe amwaasuka ati, “Yacocovye, nga umaya ukayazane nu kupokolola antu yonsi pyu.”