Yakapingula 8:33 - Amazwi Yakwe Leza 2013

³³ Pacisila ca mfwa yakwe Gidyoni, aina Izlaeli nupya kwene yatali acumi kuli Leza nga iyapepa tuleza Tubaali. Iyaipangila Baali Beliti ukuya ali leza wao.

Yakapingula 8:33 ပူးပေါင်းရင်းမြစ်များ

2 Yamwene 12:2

Umu umi wakwe onsi, Yoasyi wacitanga ivisuma ivyakuzanzya Yawe, nu wamusundanga vyonsi vii asimapepo Yeoyada.

Yelemiya 23:27

Uku viloto vyao, yakalandilana nu kwelenganya ukuti yalalenga antu yane ukwilila izina lyane, ndi vino ivikolwe vyao vilile izina lyane umu kulondela Baali.

Yelemiya 3:9

Wene amaangupazya uzelele wakwe, wasuka wakowezya ni mpanga. Wacitanga uzelele ku mawe nu ku miti.

Yoswa 24:31

Aina Izlaeli yatumikilanga Yawe mu nsita yonsi lino Yoswa na ikolo amukulilile yali nu umi. Aikolo kwene yaya yamanyile imilimo yonsi ino Yawe wacitile aina Izlaeli.

Yakapingula 10:6

Nupya kwene aina Izlaeli yiifya kuli Yawe pa kupepa maunkolanya yakwe Baali na yakwe Asyitaloti, nga na tuleza tuze twa ina Alamu, nu twa ina Sidoni, nu twa ina Moabu, nu twa ina Amoni, nu twa ina Filisti.

Yakapingula 2:12

Aina Izlaeli iyatazyela Yawe, Leza wa vikolwe vyao, wino wayafumizye umu Eguputo. Iyalondela nu kupepa tuleza tuze utwa antu atenzi umu mpanga iyazingulwike. Apa kufukamila tuleza tutu yene iyalenga Yawe ukusoka.

Yakapingula 2:17

Lelo nalyo kwene aina Izlaeli yatuvwilanga intunguluzi zizi. Pasi pano yene yacisile ngati uzelele pa kufukamilanga tuleza tuze nu kutupepa. Ivikolwe vyao vyayezile amalamulo yakwe Yawe, lelo antu amu mukulo uu yene zuwazuwa yata ukuyela.

Yakapingula 2:19

Lelo lino intunguluzi ilya yafwa, yene iyaswilila ku miyele iipisye ukuluta iya vikolwe vyao, yala yakulondela nu kutumikila nu kupepa tuleza tuze. Yene iyakana ukuta ivicitwa vyao ivyankota ni miyele yao iyakutalama.

Yakapingula 3:7

Aina Izlaeli yilila Yawe Leza wao, yiifya kunoli nu kupepa Baali na Asyela, tuleza tuluwi tutu.

Yakapingula 8:27

Zaabu kwene wiyo awino Gidyoni wapangileko efodi, nga amuika mu musumba wa Ofula, umusumba wakwe. Aina Izlaeli yonsi iyafutatila Yawe iyatandika ukuya kuku ku kupepa akaluwi kaka. Icintu cii lyene iciya iciteyo kuli Gidyoni na amu ng'anda yakwe.

Yakapingula 8:32

Gidyoni, umwana wakwe Yoasyi, akota pa myaka isuma. Asuka afwa, iyamuzika mwi cele lyakwe isi Yoasyi, ku Ofula, umusumba wa luko lwakwe Abiezeli.

Yakapingula 9:27

Yonsi kwene iyafumila ku vyalo vyao ivya matingi, iyakulula amatingi, iyapanga waini nga iyacita icimulo cakuzevya. Yaya yingila mu ng'anda ikulu yakwe leza wao, muno yalile nu kumwa nga iyatipwila Abimeleki.

Yakapingula 9:4

Iyamupeela ulupiya lwakwe siluva ukulingana amakumi cinimbali ukufuma mu ng'anda ikulu yakwe Baali Beliti. Ulupiya kwene lulo luli luno Abimeleki aomvya ku kulembelapo awelewele, yamapuzu akuti yamulondela.

Yakapingula 9:46

Lino intunguluzi zyonsi izyali pa lupungu lwaku Syekemu zyuvwa vivyo, iziya ku kuzina mu ng'anda ikulu yakwe Eli Beliti.