Yakapingula 8:23 - Amazwi Yakwe Leza 2013

²³ Gidyoni ayanena ati, “Nemo ntalaya umwene winu, nanti umwana wane kwene. Yawe alinzile kuya umwene winu.”

Yakapingula 8:23 ပူးပေါင်းရင်းမြစ်များ

Masamu 10:16

Yawe ali kateeka wa pee na pee. Yayo akapepa tuleza tuze yalalowa umu mpanga yakwe.

Masamu 149:2

Izlaeli kazangile muli wiyo uwa muumvile. Antu amu Zioni kayazangile umu Mwene wao.

Ezaya 33:22

Pano Yawe ali kapingula witu. Yawe ali kapela wa masunde, Yawe ali Mwene witu. Aliwe akatutuula.

Ezaya 63:19

Lelo wemo ukutucita sile wanyawanya, kwati asi wewe watuteeka. Kwati tutatala twaamwa antu yako.

2 Kolinto 1:24

Swemo tusi angalizi pa utailo winu akumunena vino mungataila. Tukuomba pamwi namwe kuti muye a nsansa, pano utailo winu ukome.

1 Petulo 5:3

Mutaezya kukulizya yao yano mukasunga, lelo muye cilangililo pakasi ki uvi.

Yakapingula 10:18

Alino antu nga ni ntunguluzi zyamu Gileadi yavwanzyanya yati, “Wino wensi alatandikilapo kuzanza aina Amoni alaya intunguluzi ya ikazi amu Gileadi.”

Yakapingula 2:18

Lyonsi lino Yawe wapeela aina Izlaeli intunguluzi, wene wali pamwi ni ntunguluzi ilya nga ayatuula ku anisi yao umu nsita yonsi iya umi wa ntunguluzi ilya. Pasi pano Yawe wali na mizu panoyali lino yakunyunguluka pa kuzunyiwa nu kucuziwa na anisi yao.

Yakapingula 8:22

Pacisila cakwe cico aina Izlaeli pali pakunena Gidyoni yati, “Vino wewe watukulula ku lucu lwa ina Midyani, fwandi wewe kwene umaya intunguluzi itu, nupya avino cilaya nu ku amu mupanda wako kwene.”

1 Samueli 10:19

Lelo mwemo mwatimukana Leza winu, wino akamutuula ku ntazi zinu zyonsi na kuli vyonsi vino vikamusakamika. Mwemo mwavwanga mwati, ‘Awe! Tupele sile umwene uwakuti atuteeka.’ Acino fwandi yangini mutantame pa manso yakwe Yawe umu mitundu inu ni miiko inu.”

1 Samueli 12:12

“Lelo lino mwemo mwaweni ukuti Naasyi umwene wa ina Amoni wamukatukila, mwanenyile imuti, ‘Awe! Tukulonda umwene uwa kututeeka,’ nanti angala umwene winu wali a Yawe Leza winu.