Yakapingula 8:10 - Amazwi Yakwe Leza 2013

¹⁰ Zeeba na Zalemuna yali ku Kalekoli pamwi ni vita vyao. Apa vita vyonsi vya mitundu yamu lwanga, ivyasile vyali namanye amazimbi ikumi na yasano. Ivita ivyakomilwe vyali amazimbi umwanda na makumi yaili.

Yakapingula 8:10 ပူးပေါင်းရင်းမြစ်များ

2 Yamwene 3:26

Lino umwene wa ina Moabu walola ukuti yatiyamucimvya, atoola antu imyanda cinimbali alwanga ni mpanga, ali muno azina, atuwilizya apakupita mu anisi nu kupuuka umwene wa ina Asilya. Lelo aposiwa ukucita cico.

2 Milandu 13:17

Abiya pamwi na antu yakwe iyakomola aina Izlaeli wakwe cimwi, cakuti aina Izlaeli afwile yali imyanda isano.

2 Milandu 28:6

Mu wanda sile onga Peka umwana umonsi wakwe Lemaliya akoma antu 120,000 aku Yuda, pamulandu wakuti yene yalanga yafutatila Yawe, Leza wa vikolwe vyao.

2 Milandu 28:8

Aina Izlaeli yasenda akazi kao aku Yuda wa anyepwe, ni mpendwa yao yali 200,000, anaci pamwi na ana aonsi na anaci kwene. Yasenzile ni visampwe nyanya, vino yatwazile ku Samaliya.

Ezaya 37:36

Lyene umungeli wakwe Yawe aya mu nsakwe ya asilika ya ina Asilya. Akoma mwenemo asilika ukulingana 185,000. Cino waca sile akatondo, awe antu yalola ivyala vyao vyativilala ntangali ntangali.

Ezaya 9:4

Pano lyene watuputula umunyololo wao uwayacuzyanga. Watuvunola nu mukota uno wayanyambilanga apa viye. Watucimvya ndi vino wacimvizye aina Midyani.

Yakapingula 20:15

Pa wanda ulya amu mutundu wakwe Benjamini yakonganika asilika amazimbi amakumi yaili na mutanda yano yali na malupanga ukufuma mu misumba yao, ukwikapenepo antu imyanda cinimbali asolwilwe ukufuma mu ikazi yamu Gibeya.

Yakapingula 20:17

Aina Izlaeli asyala, ukufumyako aina Benjamini, nayo yakonganika antu amazimbi imyanda ini yano yali na malupanga, nupya yonsi kwene yali asilika.

Yakapingula 20:2

Intunguluzi zya antu yonsi amu mitundu iya ina Izlaeli apano zyali pa ukongano uu uwi uvi lya antu yakwe Leza. Asilika yonsi pamwi apitanga pa ngazo yali amazimbi imyanda ini, yao alwilanga ni mpanga.

Yakapingula 20:25

Ni ila kwene lii, lino aina Benjamini yafuma mu Gibeya ku kwiza lungatana nayo, iyakomola aina Izlaeli nayauze ukulingana amazimbi ikumi na cinani, yonsi kwene ala yatiyaipangasya impanga.

Yakapingula 20:35

Yawe acimvya amu mutundu wakwe pa manso ya ina Izlaeli, nga pa wanda ulya aina Izlaeli yakomile amu mutundu wakwe amazimbi amakumi yaili na yasano nu mwanda onga, yonsi kwene ala yatiyaipangasya impanga.

Yakapingula 20:46

Pa wanda ulya asilika aina Benjamini amazimbi amakumi yaili na yasano yakomilwe, yonsi kwene yali ivita ivipame.

Yakapingula 6:5

Yene yiiza kumwi ni viteekwa vyao na mataalu yao, kwati amakanta. Yene pamwi ni ngamila zyao yali avule nupya atangapendwa. Yizile yonona impanga ilya.

Yakapingula 7:12

Aina Midyani, na ina Amaleke, nga na amu mitundu yamu lwanga ala yatiyalimba mu cifoloma consi kwati amakanta ku wingi, nupya yakweti ingamila izivule wa musensenga uwamu nkumba yakwe yemba.

Yakapingula 7:13

Lino Gidyoni wafika, auvwa umonsi umwi akunena cuza wakwe ati, “Inalola umukate uwapangilwa nu usu wakwe baale ala ukukunkulukila mu nkambi itu nu kupuma mwi taalu. Itaalu nalyo pali pakupona pa musili.”

Yakapingula 7:22

Lino antu yakwe Gidyoni yacili lizya intandala zyao, Yawe alenga ivita vya anisi yao kuti vizanzane ni mpanga. Ivyutuka kulungama ku Zaletani ivifika nu ku Beti Syita, mpaka nu ku musumba wa Abeli Meolaa pipi nu ku Tabati.

Yakapingula 8:11

Gidyoni alondela umuseo lwaku lutwe lwa lwanga, ku ufumondaka wa Noba na Yogobeya, nga mukupumikizya azanza ivita vya anisi.