Yakapingula 7:2 - Amazwi Yakwe Leza 2013

² Yawe anena Gidyoni ati, “Antu yano uli nayo yavulisya, nupya asi amuno ningacimvizya aina Midyani. Pakuti aina Izlaeli yataca yifye kunondi apakuitasya ukuti yaituula aisikulu ku maka yao,

Yakapingula 7:2 ပူးပေါင်းရင်းမြစ်များ

Utandiko 46:2

Usiku Leza avwanga kunoli mu cilolwa, amwama ati, “Yakobo, Yakobo!” Nawe aasuka ati, “Endi, indi pano.”

2 Milandu 14:11

Lyene Asa apepa kuli Leza wakwe ati, “We Yawe, kusi umwi akoline nawe wiyo angatutuula. We Yawe, Leza witu, si ule utwazwe, pasi pano amuli wewe sile muno tusintilile amaka. Umwi zina lyako amuno twatitwizila apakulwisya iumba lya vita lilyo ilikalamba. Iye we Yawe, wewe Leza witu nupya kusi nanti wenga angakucimvya.”

Ezaya 10:13

“Pano wene akailumbanya ati, ‘Anene nenga nakwatisya amaka na mano ukwikapo nu kucenjela. Nene napasa yanande ya mitundu ya antu nu kusampa ivyuma vyao. Nali wakwe cipambasi wa ng'ombe, lino nalyatolanga antu yalya.

Ezaya 2:11

Akuno uli uwanda umwi umu pipi, uno antu avilumba yalafusiwa amanso yao, uwanda uno ivilumba vyao vilasila. Awewe wenga sile we Yawe, wemuno ulacindamikwa mu wanda ulya.

Ezaya 2:17

Ali wanda uno ivilumba vya muntu ali wensi na munyele alamukangoka. Mu wanda ulya ali lino wewe wenga mpo we Yawe yalakulumbanya.

Yelemiya 9:23

Yawe wavwanga wati, “Uwamano atayuvwa pa mano yakwe, nanti uwamaka atayuvwa pa maka yakwe, umukama nawe atayuvwa pa vyuma vyakwe.

Ezekelo 28:17

Ukaitakizya mu mwenzo pamulandu wa kuyemba kwako, nu kucindama kwako kwakulenzile kuya wa ciwelewele. Caleka ninkufwanta pansi pa manso yakwe yamwene nga yakambone.

Ezekelo 28:2

“We mwana wa muntu, nena intunguluzi yakwe Tuli uti, Yawe Simwandalali walanda akuti wemo mu cilumba camu mwenzo wako walanda wati wewe uli Leza. Nikala wa mwene pa cilimba cakwe yaleza umwi ziya muli yemba. Lelo wewe muntu, usi leza awe, nanti angala ukwelenganya ukuti wewe wamano wakwe leza.

Danieli 4:30

avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”

Habakuku 1:16

Acino lyene yakapela impolelwa ku masumbo yao, nu kocela ubani ku mato yao. Pamulandu wakuti vikwene ivikayapeela ivisuma nu kulya ningo.

Zakaliya 12:7

“Ne Yawe ndaleka ivita vyaku Yuda vikatale vikacimvye anisi, apali pakuti umucinzi uno ana yakwe Davidi yalakwata pamwi na ikazi amu Yelusalemu, utakacile umucinzi uno Ayuda yauze yonsi yalakwata.

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Mpendwa 31:4

Muli cila mutundu wa ina Izlaeli mutume asilika izimbi lyonga ankondo.”

Loma 11:18

Caleka mutalinzile kusuula yao aputwilwe wa misambo ilya. Uzye pacani mungaitutumika? Mwemo mwemwe misambo. Mwemo musyatungilila misisi. Lelo misisi ikatungilila mwemwe.

Loma 3:27

Uzye lyene tungailumba pacani? Pasi! Uzye lyene ale apamulandu cii? Uzye apamulandu wakuti tukayela Masunde? Awe! Lelo apamulandu wakuti twataila.

2 Kolinto 4:7

Swemo tukoline wa nyungu muno cuma cii casungwa. Maka ya umi yakafuma kuli Leza, asi kuno tuli.

Efeso 2:9

Citali uku maka inu nanti kuombesya, lelo uwila wakwe Leza pakuti kutaya umwi uwakuitumika pali cico.

Malango 32:27

Lelo nsilonda ukuti anisi yao yace yayuvwa yati, ali yano yacimvizye antu yane, kwati asi anene nemwisikulu natinjafulula.’

Malango 8:17

Caleka, lyene mutalinzile mwaelenganya ukuti mwaipangila icuma ku maka inu nu kukoma kwa makasa inu.

Malango 8:18

Mwaiusya ukuti Yawe Leza winu aliwe akamupeela amaka akuya akama. Wene akacita cii pamulandu wakuti ni lelo kwene acili uwacumi ku upangano uno wene wacisile ni vikolwe vinu.

Yakobo 4:6

Lelo cikuku cino Leza akatukwatila cene ica maka kuluta. Cili ndi vino malembelo yakati, “Leza akakanya umuntu wensi uwa cilumba, lelo akaya ni cikuku ku muntu uwaicefya.”

1 Samueli 14:6

Yonatani anena umusenda mpamba wakwe ati, “Iza, tulambuke tuye ku nkambi iya viyantu vivi vino vitasilamulwa. Limwi Yawe angatwazwa. Pano kwene kutaya nanti cimwi icingalesya Yawe ukutupeela amaka ya kucimvya, ciye tuvule nanti tucepe.”