Yakapingula 7:19 - Amazwi Yakwe Leza 2013

¹⁹ Gidyoni ni umba lyakwe umwanda onga yiiza ku lutwe lwa nkambi ilya pa nsita inono sile lino usiku pakasi utali ufike, ala asilika yauze yakalinda yacitandika sile uluti lwao. Lyene iyalizya intandala zyao nu kutama imisazi ilya iyali mu minwe yao.

Yakapingula 7:19 ပူးပေါင်းရင်းမြစ်များ

Masamu 2:9

Ulayavyengola ni ntuwa ya cela, nu kuyatamola wakwe vino yakatamola inyungu.’ ”

Masamu 90:4

Pano imyaka izimbi lyonga, kuli wewe yaya wa wanda onga sile, kwati uwanda wa mutundo uwapisile, kwati insita yonga iya usiku.

Kufuma 14:24

Ku macaca Yawe wino wali mwi kumbi nu mu cimbilimbili ca moto alolekesya pa vita vya ina Eguputo, alenga kuti yuvwe intete nga yalonda kupuuka.

Mateo 25:6

“Lelo usiku pakasi yuvwa kulaizya kukuti, ‘Siwinga wiza! Fumini mumukomanye!’

1 Tesalonika 5:2

Mweisikulu mwamanya ningo ukuti Wanda lino Mwene aliza ulaya kwati kwiza kwa mwivi usiku.

Umbwilo 16:15

“Uvwini! Nkwiza wa mwivi! Walongo awiyo wino akulola nu kucingilila vizwalo vyakwe pakuti atakapite tupu nu kuya ni nsonyi pa lwalala!”

Yakapingula 7:16

Alino Gidyoni apalukanya antu yakwe imyanda itatu mu mpuka zitatu nga apeela intandala na kalweso umwaula cimwi kuli cila muntu, nga mukasi ya kako mwali sile ulwenge lwa moto.

Yakapingula 7:18

Lino impuka yane nga nani kwene twalizya intandala zitu, lyene namwe mulinzile kulizya intandala zinu ukuzinguluka insakwe ilya yonsi nga mupunde muti, ‘Ulwakwe Yawe na lwakwe Gidyoni’ ”

Yakapingula 7:20

Alino impuka zyuze ziili izicita cili conga kwene. Yonsi kwene iyalema amalukozyo yao mu minwe yao iya kwimani, ni ntandala mu minwe yao iya kwilunji, nga iyapunda yati, “Ulupanga ulwakwe Yawe nga nu lwakwe Gidyoni!”