Yakapingula 6:5 - Amazwi Yakwe Leza 2013

⁵ Yene yiiza kumwi ni viteekwa vyao na mataalu yao, kwati amakanta. Yene pamwi ni ngamila zyao yali avule nupya atangapendwa. Yizile yonona impanga ilya.

Yakapingula 6:5 ပူးပေါင်းရင်းမြစ်များ

Lwimbo lwakwe Solomoni 1:5

Mwe anaci amu Yelusalemu, endi nanti nemo nafita, lelo nene muyembe. Nemo nafita wa mataalu aku Kedali, lelo nayemba wa nsalu zyakucingilikizya zyamu ng'anda yakwe Solomoni.

Ezaya 13:20

Mutalatala mwikalemo nanti ukuvyalilwamo umuntu, umulalondekanila amanda. Umwina Alabya atalatala akuulemo Itaalu lyakwe, na yakacema yatalatala yaleke amaufyo yao yapuzile mwenemo.

Ezaya 60:6

Ingamila zimaizanga kunuli, iciufyo. Zimafumanga uku Midyani nu ku Efa. Zyonsi sile ni zyaku Syeba ziliza ala zyatizisenda zaabu nu ubani. Umu cumi antu yalalumbilizya vino Leza wacita.

Yelemiya 46:23

Yakutema umutengo wakwe, Ivyalanda Yawe. Utange uyapende foo. Yene avule, yalusile na makanta ku wingi. Ala imintapendwa.

Yelemiya 49:29

Amataalu yao na maufyo yao yonsi visendini. Insalu zyao ni viya vyao vyonsi, ukwikapo ni ngamila zyao visendini ale mukuyapundilila mukuti, ‘Opa, Opa,’ konsi konsi!

Yelemiya 49:32

Ingamila zyao zilaya izyakupokolola. Imfwele zyao zino zitaivulila zilaya izyakusenda. Yano yapela ivinsumpa ndayasansantila mu ntunga zyonsi ziini, ndayaletela isyamo lino lilafuma mu nsi yonsi. Ivyalanda ne Yawe.

Yelemiya 51:14

Yawe Wamaka yonsi walaya umwisikulu ukuti alavuzya antu avule wakwe makanta mu Babiloni, lelo yalakuta impooma yaluzango apa kukulwisya.

Malango 28:33

Antu amu luko luze luno mutamanya yalamupoka ivyakulya vyonsi pyu vino mwaombile pa maka pa kuvikuzya. Mwemo mulapelwapo sile ukwaula amalipilo, suka sile ukumucuzya nu kumufyengelekezya penepo

Yakapingula 7:12

Aina Midyani, na ina Amaleke, nga na amu mitundu yamu lwanga ala yatiyalimba mu cifoloma consi kwati amakanta ku wingi, nupya yakweti ingamila izivule wa musensenga uwamu nkumba yakwe yemba.

Yakapingula 8:10

Zeeba na Zalemuna yali ku Kalekoli pamwi ni vita vyao. Apa vita vyonsi vya mitundu yamu lwanga, ivyasile vyali namanye amazimbi ikumi na yasano. Ivita ivyakomilwe vyali amazimbi umwanda na makumi yaili.

Yakapingula 8:21

Alino Zeeba na Zalemuna iyanena Gidyoni yati, “Katuka sile utukome wewe kwene! Ivyaya umonsi, ivilinzile kuya na maka yakwe.” Acino Gidyoni akatuka, akoma Zeeba na Zalemuna, alino atoola ni viyembelo ivyali mu nsingo zya ngamila zyao.

1 Samueli 30:17

Uwanda uwalondelela, lino sile kwandatuka, Davidi ayazanza alwa nayo mpaka ilanzi iliwa. Kusi nanti umwi uwapuswike, suka sile alumendo imyanda ini akwezile pa ngamila nu kupuuka.