Yakapingula 6:39 - Amazwi Yakwe Leza 2013

³⁹ Lyene Gidyoni anena Leza ati, “Utansokela we Yawe, si kandande iila nalyuze lyonga sile. Napapata leka nezye iila lyonga ukuomvya amavumbu. Li lyene leka amavumbu yaye aume, lelo pa musili ponsi paye apatipate.”

Yakapingula 6:39 ပူးပေါင်းရင်းမြစ်များ

Utandiko 18:30

Abulaamu avwanga ati, “Napapata Mwene utasoka, nzumilizye ndande nupya. Ndi mu musumba ulya mwazanwa antu amakumi yatatu akacita vyawololoke, uzye ulaonona?” Yawe aasuka ati, “Ntalacita cico ndi ningazanamo antu amakumi yatatu.”

Utandiko 18:32

Abulaamu avwanga ati, “Napapata Mwene utasoka nupya, lelo nzumilizya mvwange lyonga sile. Ndi mu musumba ulya mwazanwa sile antu ikumi akacita vyawololoke, uzye ulaonona?” Yawe aasuka ati, “Ntalonona umusumba ulya ndi ningazanamo antu ikumi akacita vyawololoke.”

Ezaya 50:2

Uzye pacani cino ntazanyilepo nanti wenga lino nizile? Uzye pacani cino kutali nanti wenga wakwasuka lino nalaizye? Uzye ikasa lyane lyali ilipi ilyakuposiwa kumutuula? Uzye ntakwata amaka akumutuula? Apakukalipa kwane sile, nemo ningakamya yemba ni nguzi cakuti ni nswi zyonsi izyaya mwenemo zikamilwe, apamulandu nu kuulizya amanzi, zifwe nu kufwa uku lusala.

Mateo 21:43

“Caleka namunena vino isyuko lya kuya mu Wene wakwe Leza lilapokwa kufuma kunomuli nu kupelwa ku antu yauze, yano alacita milimo ino akalonda.” [

Mateo 8:12

Lelo antu yano yange yaye mu wene yene yalasumbwa kunzi mu mfinzi, mumo muno yalalila nu kulumanya ncecete pamulandu wa kuwaika.”

Milimo 13:46

Lelo Paulo na Banaba yavwanga nu kupama yati, “Cali campomvu kuti tutandikile kukosola mazwi yakwe Leza kunomuli. Lelo pakuti mwayakana nu kuipingwila vino mutalingine kuya nu umi wape, swemo tumamusya nu kuya ku Akulukuwa.

Milimo 22:21

Mwene anena ati, ‘Pitanga, Pano namakutuma kutali ku Akulukuwa.’”

Milimo 28:28

Paulo atwalilila ati, “Mulinzile kumanya vino ilandwe lyakwe Leza ilya ufyusi lyatumwa ku Akulukuwa. Yene yalalyuvwa!” [

Yakapingula 6:38

Nacendi avino cizile ciya. Akatondo lino Gidyoni wazyuka, afena amavumbu yalya, nga ulumi ilufenwa ulwakuzuzya imbakuli.

Yakapingula 6:40

Usiku ulya Leza acita vivi kwene. Amavumbu sile yali aume, nga pa musili ponsi pali apatipate.