Yakapingula 6:33 - Amazwi Yakwe Leza 2013

³³ Lyene aina Midyani, na ina Amaleke, nga ni mitundu yamu lwanga iyuminkanya ivita nga iyalamba Luzi lwa Yodani. Alino iyakuula insakwe mu Cifoloma ca Yezileele.

Yakapingula 6:33 ပူးပေါင်းရင်းမြစ်များ

Utandiko 29:1

Yakobo atwalilila nu ulendo wakwe, alungama ku mpanga yaku ufumondaka.

1 Yamwene 18:45

Apa kasita sile akanono, umwiyulu imufita na fititi pamulandu na makumbi ya mvula. Alino cimuza icitandika kupunga. Imvula nayo pasi pakuvula, itandika nu kutonya. Aabu ali pakukwela mwi celeta lyakwe nga atentemuka nu kuswilila ku musumba wa Yezileele.

1 Yamwene 21:1

Kwali umuntu umwi waku Yezileele wino izina lyakwe a Naboti. Wene wakweti calo ca matingi ku Yezileele, pipi ni sano lyakwe Aabu, umwene waku Samaliya.

1 Yamwene 4:30

Solomoni wali uwamano ukuluta antu yamano yonsi aku ufumondaka, nu ku Eguputo kwene.

1 Milandu 5:19

Iyakatusya inkondo nu kulwa na aina Hagili, Yetuli, Nafyisi na ina Nodabu.

Yobo 1:3

Wakweti imfwele amazimbi cinimbali, ingamila amazimbi yatatu, yamasaye izimbi lyonga nga na yapunda imyanda isano. Wakweti na aomwi aingi sana. Wali umuntu mukama wakwe cimwi ukuluta antu yonsi amu mpanga zyaku ufumondaka.

Masamu 3:1

Iye mwe Yawe, nkweti anisi aingi wakwe cimwi! Yayo akankatukila yavula sana!

Ezekelo 25:4

Pamulandu wakuti mwemo mwatemwa, nani ndaleka ukuti antu amitundu iyaya mu lwanga iyaku ufumondaka yakize yakamucimvye. Mu mpanga inu yaliza yakuulemo insakwe, nu kwikala amuno yakikale. Yaliza mu kumuliila ivyakulya nu kumumwela iziya.

Oseya 1:5

Mu wanda ulya ndonona ulamba wa vita vya Izlaeli mu Cifoloma ca Yezileele.”

Yoswa 17:16

Amu mupanda wakwe Yosefu nayo yaasuka yati, “Impanga ya myamba itange itukumane. Ukulunda pali cico, aina Kenani yonsi akaikala mu Beti Syani ni mizi yakweyo nga na ikazi amu Cifoloma ca Yezileele yakwata amaceleta ya vyela.”

Yoswa 19:18

Impanga ino yapilwe yafisile ku Yezileele, nu ku Kesuloti, nu ku Syunemu,

Yoswa 3:16

amanzi ukufuma ukupela ya luzi iyata ukupita. Amanzi iyatulumana kufika na papela ya cituntu kulingana intampulo izingi ukuwelela icisila, ukufika na lwaku musumba wa Adamu, pipi nu ku Zaletani. Pa nsita ili imwi kwene amanzi yano yakonkolokanga yakuya kuli Yemba wa Alaba (kuli kuti Yemba wa Musilya) iyata ukupita iyaputuka. Acino antu iyalambila ku mbalama yuze kulungatana nu musumba wa Yeliko.

Yakapingula 6:3

Lyonsi lino aina Izlaeli yalima ivilimwa vyao, aina Midyani yiiza pamwi na ina Amaleke nga na amu mitundu yuze yamu lwanga iyayazanza.

Yakapingula 7:1

Katondotondo, Yelubaali (kuli kuti Gidyoni) nga na antu yakwe yonsi iyakuula insakwe ku kafukoka ka Halodi. Insakwe ya ina Midyani yayelile ku katutu ukufuma pano yali umu cifoloma pipi nu Mwamba wa Mole.

Yakapingula 7:24

Gidyoni atuma inkombe konsi ku mpanga yakwe Efulemu, ya myamba, yakalande yati, “Tantamukini nu kwiza lwisya aina Midyani. Muyacilikizye konsi ukuli amanzi lino yatacili yafike kweneko. Muye ku ncende zyonsi ukufika nu ku Beti Bala, nu ku Luzi lwa Yodani kwene.” Awe mukwai aina Efulemu yene iyafika iyandalila ni ncende zya manzi zyonsi ukufika ku Betibala nu ku Luzi lwa Yodani kwene.

Yakapingula 7:8

Acino Gidyoni ata aina Izlaeli yonsi asyala, nga iyaswilila kumwao. Lelo asunga yaya kwene imyanda itatu, ayano iyatola intandala ni nyambi zya vyakulya ni vyakumwa ivya yauze. Insakwe ya ina Midyani yali pisika lya nkambi yao mu cifoloma.