Yakapingula 6:31 - Amazwi Yakwe Leza 2013

³¹ Lelo Yoasyi anena yonsi amukatukile ati, “Uzye mukuvwangila Baali? Uzye mukumucingilila? Ali wensi akumuvwangila alakomwa lino kutali kuce pa mutondo. Baali ndi mucumi a leza, kaicingilile umwisikulu. Kavuwa kakwe akano katikatamolwa.”

Yakapingula 6:31 ပူးပေါင်းရင်းမြစ်များ

1 Yamwene 18:27

Lino ilanzi lyafika umutwe pakasi, Eliya atandika kuyatumfya, ati, “Mwapundisya apa kupepa! Baali wene a leza! Limwi muno kasanya watalala akulota, nanti limwi wataya ku vyalo, nanti ali pa lwendo ku kutandala. Manye wene akaswile, acino yangini mukamuzyule.”

1 Yamwene 18:29

Ali vino yakonkinye ukuzamboka pa nsita ntali ukwaula kuti Baali wiyo ayaasuke. Nanti impwelo zisi zyakuvwika foo.

1 Yamwene 18:40

Eliya pali pakuvwanga ati, “Lemini yakasema yakwe Baali! Mutaleka nanti wenga apuuke! Lino yayalema, Eliya pali pakuyasenda ku Cifoloma ca Kisyoni nga akuno ayakomela.”

Kufuma 23:2

Utawila kuli cele wensi lino yakucita iviipe. Utazumilizyanya nayo lino yakuvwanga umboni waufi uno ukaonona ulungami pakuti uzanzye aingi.

Ezaya 41:23

Vwangini calimwi tuvwe ivilaya uku nkolelo, apakuti tumanye icipuma ndi cakuti namwe mwemwe tuleza! Si aleni citinipo cimwi icisuma nanti cimwi iciipe, icakuti cituzungusye cituletele ni ntete!

Ezaya 46:1

Ikwene ili mpela ya tuluwi twamu Babiloni. Beli watainamila pansi, Nebo nawe watakontama. Yatiyatulonga pali yapunda nu kutusenda wa viya, apa viteekwa ivitakweti amaka.

Ezaya 46:7

Yene yakatukatusya apa viye vyao, nga yatusenda. Alino yaya yatwika pamwi nu kwikala yikala papo kwene, pano tutange twezye nu kuisezya penepo. Nanti angala wenga pano yali angapapata uli kunotuli, awe cumi tutange twasuke nupya tutange tumupususye foo.

Yelemiya 10:11

Mwe antu fwandi muyanene ukuti tuleza ututaumvile iyulu nanti insi, tulalowa. Tutalatala tuvwike muno nsi awe.

Yelemiya 10:5

Utuluwi twa musango uu tukoline ni vintu vyakofezyako ivyunyi umu vyalo vya viimbi. Vyene visivwanga nupya ivyakusenda sile, pamulandu wakuti vitangapita. Fwandi mutavyoopa. Vyene vitange vimucitile akantu akaipe nanti kamwi, nupya vitange vimutumbwile icisuma nanti cimwi.”

Mpendwa 14:6

Nga Yoswa umwana umonsi wakwe Nuni na Kalebu umwana wakwe Yefune, yao ali pali yano yaile ku kwendezya impanga, iyalepula vyakuzwala vyao pakulanga ulanda,

1 Kolinto 8:4

Acino lyene nanti angala vyakulya vikapelwa impolelwa ku tuluwi, swemo twamanya vino kutaya nanti kaluwi konga muno mu nsi kano kaya nu umi. Twamanya vino kwaya Leza wenga sile.

Efeso 5:11

Mutaya nu utandano na yakacita ya milimo yamu mfinzi. Lelo mu cifulo cakwe cii mulinzile kuleta milimo iyo ku luswepo.

Yakapingula 6:30

Antu amu musumba ulya pali pakunena Yoasyi yati, “Fumya umwana wako, kuti tumukome! Wene watatamola kavuwa kakwe Baali nu kuputola icimanyililo cakwe Asyela icali pambali yakako.”

Yakapingula 6:32

Ukufuma lili kwene iyatemela Gidyoni izina lyakuti Yelubaali, pamulandu wakuti Yoasyi wavwanzile ati, “Ka Baali aicingilile umwisikulu. Kavuwa kakwe akano katikatamolwa.”

1 Samueli 12:11

Alino Yawe atuma Yelubaali, na Balaki, na Yefuta, na Samueli, nga amutuula ku makasa ya anisi inu, nga namwe imwikala mu mutende.