Yakapingula 6:25 - Amazwi Yakwe Leza 2013

²⁵ Usiku ulya Yawe anena Gidyoni ati, “Tola cipambasi wakwe so, nga na cipambasi namuze uwa myaka cinimbali. Utamole kavuwa kakwe so kano wakuulile Baali, nga uputule ulucesi lwa cimanyililo cakwe Asyela, Leza mwanaci wilya, ululi pambali ya kavuwa kako.

Yakapingula 6:25 ပူးပေါင်းရင်းမြစ်များ

Utandiko 35:2

Caleka Yakobo anena amu ng'anda yakwe na yonsi ali nawe ati, “Sumbini tuleza twa inamasi tuno muli nato, muisangulule muzwale ivizwalo visuma.

1 Yamwene 18:21

Eliya pali pakupalamila ku antu yaya yonsi nga ayanena ati, “Uzye alilaci lino mulelenganya vino muli nu kucita? Ndi cakuti Yawe ali Leza winu, fwandi ali wino mwapepa! Lelo ndi cakuti Baali ali leza winu, fwandi ali wino mwapepa!” Lelo antu yatavwanzile nanti izwi lyonga.

Yobo 22:23

Ndi wala waweluluka kuli Leza Wamaka yonsi, waicefya nu kuizilizya umukasi ka ng'anda yako,

Masamu 101:2

Imiyele yane imayanga iyakwe ukayele. Uzye ulawela lilaci kunondi? Nemo ukwane namaikalanga ni misango isuma.

Kufuma 34:13

Mwawisya tuvuwa twao, monone amawe yao amuzilo yano iimika, nupya muwisye incesi zyakwe Asyela.

Mateo 10:37

Wino wensi uwatemwa isi na nyina kuluta nene wene ataine kuya mulondezi wane. Na wino wensi uwatemwa umwana umonsi nanti kaci kuluta nene, wene ataine kuya mulondezi wane.

Mateo 6:24

“Pasi umuntu angaombela aene yaili; pano angapata wenga nu kutemwa umuze, nupya angayela wenga nu kusula umuze. Mutangaombela Leza nga ni vyuma.

Milimo 4:19

Lelo Petulo na Yoane yaasuka yati, “Mwemwe pingulini icilungame pa manso yakwe Leza, ukuyela mwemwe nanti Leza.

Milimo 5:29

Petulo na alondezi yauze yaasuka yati, “Tulinzile ukuyela Leza, kuluta kuyela antu.

Malango 7:5

Acino muce momolole utuvuwa twao, mutamole viumbili vya mawe, nu kuputola incesi zyakwe Asyela, kaleza kanaci, nga nu koca utuluwi twao tonsi.

Yakapingula 2:11

Lyene aina Izlaeli iyacita inkota pa manso yakwe Yawe nu kutumikila tuleza tu Baali.

Yakapingula 3:7

Aina Izlaeli yilila Yawe Leza wao, yiifya kunoli nu kupepa Baali na Asyela, tuleza tuluwi tutu.

Yakapingula 6:26

Alino ukuulile Yawe Leza wako kavuwa pa ntonje ya mutumba uwo wa malivu. Lyene utoole cipambasi wakwe ciili umoce wensi pyu wa wila wakoca, ni nkwi izyakuomvya ivimpilinsya kwene vyakwe Asyela vino watuputola.”