Yakapingula 6:21 - Amazwi Yakwe Leza 2013

²¹ Lyene umungeli wakwe Yawe avungulula ikasa lyakwe nga akatusya insongo ya ntuwa ino walemile, akumya ku nyama nu ku mukate usi na citutumusi. Alino umoto iufuma mwi we nu koca inyama yonsi kumwi nu mukate. Lyene umungeli wilya pali pakongoloka.

Yakapingula 6:21 ပူးပေါင်းရင်းမြစ်များ

1 Yamwene 18:38

Lyene Yawe Leza ali pakulenga kuti umoto upone pa kavuwa, iwoca impolelwa, inkwi, amawe nu musili, nga iumika na manzi yaya ali mu kamufolo.

1 Milandu 21:26

Davidi akuulila Yawe kavuwa kuku kwene nga aocelapo amawila yakoca na autandano. Apepa kuli Yawe, nga Yawe nawe amwaasuka apakutuma umoto ukufuma mwiyulu, nga uponela pa kavuwa ka mawila yakoca.

2 Milandu 7:1

Walanga sile umwene Solomoni wamala ukupepa, umoto ufuma nu kwi yulu, oca ivyamawila vino yalanga yatiyapeela nga lyene nu ucindami wakwe Yawe uyengese wiza ulimba Ng'anda ikulu yakwe Leza yonsi.

Ezaya 38:7

Ezaya apali pa kunena Hezekiya ati, “Yawe amamupeela icimanyililo ca kulanga ukuti wene alafikilizya ulayo wakwe.

Aina Levi 9:24

Mukupumikizya Yawe atuma umoto iwoca uwila wakoca ni viputulwa vya mafuta vino vyali pa kavuwa. Lino antu yalola cii, iyapunda pamwi yonsi, nga yafukama pansi yafupime.

Yakapingula 13:19

Acino Manoa atoola akana ka mbuzi, nu wila wa cakulya, nga aocela Yawe impolelwa pa ciliwe. Nga Yawe acita ivizungusyo ala Manoa nu muci wakwe yakulola,

Yakapingula 13:20

icimbilimbili ca moto icitumukila mupela umwiyulu ukufuma pa kavuwa kaka, nu mungeli wakwe Yawe akwela mu cimbilimbili ca moto. Alino Manoa nu muci, apakulola cii, iyapona pansi yafupime.

Yakapingula 6:20

Umungeli apeela ilamulo kunoli ati, “Ika inyama nu mukate apiwe lii, nga upongolwele umusunyi papela yaviko.” Gidyoni pali pakucita vivyo.