Yakapingula 6:11 - Amazwi Yakwe Leza 2013

¹¹ Lyene umungeli wakwe Yawe aiza ku muzi wa Ofula nga aikala mwisika lya muoko, umuti wakwe Yoasyi, uwamu luko lwakwe Abiezeli. Gidyoni umwana wakwe ala akupuula ingano mu umfisolo umwakufenela amatingi, pakuti aina Midyani yatamulola.

Yakapingula 6:11 ပူးပေါင်းရင်းမြစ်များ

Utandiko 16:7

Mungeli wakwe Yawe akomanya Haga mu lwanga pa kafukoka ka manzi mu museo uwaya ku Syuli.

Utandiko 48:16

Si mungeli wino uwampuswisye mu mauzanzo onsi apolelele alumendo yaa! Si zina lyane ni zina lya vikolwe vyane Abulaamu na Isaki likalilile pa alumendo yaa! Si yavyale ana avule na kuti amu mupanda wao yaye avule!”

1 Yamwene 19:19

Eliya ali pakufuma penepo nu kuya zana Elisya, umwana umonsi wakwe Syafati, ala akulima na pulao. Apa nkolelo yakwe Elisya pali penepo yamasaye anyefilwe mu makoli ikumi na yaili, yayo alimanga na pulao. Wene ale akulima sile ni koli lyakwe yamasaye ilyalenga ikumi na yaili, ilyasyalikile. Eliya ali pakuzula icikuwalo cakwe azwika Elisya.

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Mpendwa 26:30

Ana yakwe Gileadi mu nko zyao aeya: Iezeli nu luko lwakwe lwa ina Iezeli, Heleki nu luko lwakwe lwa ina Heleki,

Ayebulai 11:32

Uzye vyuze vino ningalanda vyani? Nati nulilwa insita yakulanda pali Gidyoni, Balaki, Samusoni, Yefita, Davidi, Samueli na yakasema.

Yoswa 17:2

Acino impanga iya ku uwondaka wa Luzi lwa Yodani yankanyiziwe kuli yauze asyala amu mutundu wakwe Manase ukulingana na vino uluko lwao lwali. Kwali ana yakwe Abiezeli, na yakwe Heleki, na yakwe Asilieli, na yakwe Syekemu, na yakwe Hefeli nga na yakwe Syemida. Yakwene ali aonsi nayauze amu mupanda wakwe Manase umwana wakwe Yosefu ukulingana ni nko zyao.

Yoswa 18:23

Avimu, Pala, Ofula,

Yakapingula 13:3

Umungeli wakwe Yawe aloleka kunoli nga amunena ati, “Wewe ng'umba utakwata umwana, nga lelo ulasenda indilwa nu kuvyala umwana.

Yakapingula 13:6

Lyene umwanaci wilya apita aya anena iya wakwe ati, “Umuntu wakwe Leza umwi wali wiza kunondi. Imilolekele yakwe ikoline ni ya mungeli wakwe Leza, iyakoofya wakwe cimwi. Ntamuzizye kuno afumile, nanti aliwe atanenyile izina lyakwe.

Yakapingula 5:23

Umungeli wakwe Yawe avwanga ati, “Tipwilini Melozi. Tipwilini yao akaikala mwenemo, pamulandu wakuti yene yatizile ku kwazwa Yawe, kwiza wa asilika aku mulwisizya.”

Yakapingula 6:12

Alino umungeli wakwe Yawe aloleka kuli Gidyoni nga avwanga ati, “Yawe ali nawe, we cita cikanzane!”

Yakapingula 8:2

Lelo Gidyoni ayuzya ati, “Uzye cino nacisile icani icitange cilingane navino mwemo mwacisile? Nanti vinono sile vino mwe ina Efulemu mwacisile vyene ivya mpomvu ukuluta vino uluko lwane lonsi lwacita.

Yakapingula 9:5

Alino alungama ku ng'anda yakwe isi Ofula, nga kuku kwene apapela yi we lyonga, akoma aina yonsi, ana yakwe Gidyoni aonsi amakumi cinimbali. Lelo Yotamu umwana umonsi nupya nkwangu wakwe Gidyoni wafisime nga yatamukomile.