Yakapingula 6:10 - Amazwi Yakwe Leza 2013

¹⁰ Namunenyile inti, ‘Nene indi Yawe Leza winu, nu kuti mutalinzile kupepa tuleza twa ina Amoli, yano ndakai mukwikala mu mpanga yao. Lelo mwemo mwakanyile ukuvwa amazwi yane.’ ”

Yakapingula 6:10 ပူးပေါင်းရင်းမြစ်များ

2 Yamwene 17:13

Yawe watumile inkombe zyakwe uku kuyasoka aina Izlaeli na ina Yuda, pamwi na yakasema ati, “Zenzukini, nu kulondela amasunde yane, aakazanwa mu vipope vino napiile ivikolwe vino na vino namulandile ukupitila muli yakasema yane.”

2 Yamwene 17:33

Fwandi tuti yapepanga Yawe, nu kupepa tuleza twao ukulingana ni ntambi zya mpanga zyao muno yafuma.

2 Yamwene 17:7

Icalenzile ukuti Samaliya awe, umulandu ni mpulupulu zya ina Izlaeli izyakwifya kuli Yawe umwene wao, uwayakulwile ku mwene waku Eguputo, nupya ayatungululula nu kuyawaka ukuti yafume mu Eguputo. Nayo iyatandika ukupepa tuleza tuze, ni nsonyi foo.

Neemiya 9:29

Wemo uyasoka kuti nupya yatandike ukusunga masunde yako. Lelo yene yacita icilumba, yakana kuyela amasunde yako. Nanti angala kulondela amasunde ili nzila yakupeelelwamo umutende. Antu yaya yatalama, nupya yakana ukuyela.

Kufuma 34:12

Mutacita cipangano na antu ya, ku mpanga ino mukuyako, pano limwi mungaiteya lukose lwakulenga kuti mwaifya kuli Yawe.

Kufuma 34:14

“Mutapepa leza muze ali wensi, pano Yawe wino izina lyakwe a cauzuwa, a Leza wa uzuwa mucumi.

Mapinda 5:13

Nemo ntuvwilile amazwi yakwe yakasambilizya yane, natalamile yanakambuza yane.

Yelemiya 10:2

Wene wavwanga wati, “Mutasambilila imisango ya antu amu mitundu yuze. Mutazakaza vimanyililo vya mulwelele, nanti angala imitundu yuze ikavyoopa.

Yelemiya 17:23

Ivikolwe vyao vituvwile vino nemo navinenyile, vitasumvileko amano awe. Lelo vyatalime vyakanyile ukunguvwa nu kutontela amasunde yane.”

Yelemiya 3:13

Cikulu sile umanye uyi uno wacita, apakusangukila Yawe Leza wako, apakucina umwisika lya vimuti ivivumbilikizye, alino na pakukana uvwa izwi lyane.’” Ivyalanda ne Yawe.

Yelemiya 3:25

Katuletulambalale sile pansi pamulandu ni nsonyi. Ukuzewana kwitu kakule kutucitepo cimwi. Swemo kumwi ni vikolwe vitu twaifya kuli Yawe, ukutandikila sile uku wance witu, ukwizafika nu wanda wilelo. Twakana nu kuvwa ukwi zwi lyakwe Yawe, Leza witu.”

Yelemiya 42:21

Fwandi ali cino nimunena mu wanda wilelo. Lelo mwemo mwatimukana ukuvwa amazwi yakwe Yawe Leza winu. Mutazumile umulandu nanti onga uno ntumilwe ukwiza munena.

Yelemiya 43:4

Acino Yoanani umwana umonsi wakwe Kaleya pamwi ni ntunguluzi zya vita zyonsi na antu yonsi, yakana ukuvwa ku mazwi yakwe Yawe ukuti yasyale mu mpanga ya Ayuda.

Yelemiya 43:7

Fwandi ali vino yaya ku Eguputo, pamulandu wakuti yakanyile ukuvwa ku mazwi yakwe Yawe, yasuka yafika nu ku Tapenesi.”

Yelemiya 9:13

Yawe nawe angasuka ati, “Icaticilenga kuti cii cicitike umulandu wakuti antu yane yatiyasuula amasunde yane yano nayapeela. Yene yasinjeela awe, nupya yasicita na vino nayanenyile ukucita.

Zefaniya 3:2

Wemo usiyela umuntu nanti wenga, nupya usizumila ukusundwa. Usitaila muli Yawe, nanti ukupalama kuli Leza.

Loma 10:16

Lelo asi onsi azumila Ilandwe Lisuma. Na Ezaya kwene umwisikulu wavwanzile ati, “Mwene, uzye aweni uwataila vino twakosozile?”

Ayebulai 5:9

Na lino wacisilwe umufumaluke, wizile aya intulo ya ufyusi wa manda pe kuli yonsi akamuyela.

Yoswa 24:15

Lelo ndi mutakasi ukutumikila Yawe, lyene sololini ilelo kwene wino mumatumikilanga, nga cakuti a tuleza tuno ivikolwe vinu vyatumikilanga ku mbalama ya Luzi lwa Yodani, nanti tuleza twa ina Amoli, yano pali ndakai mukwikala mu mpanga yao. Lelo nemo na amu ng'anda yane, tumatumikilanga Yawe.”

Yakapingula 2:2

Acino namwe kwene mutakezye kupangana na antu amu mpanga ii, lelo muce monone utuvuwa twao.’ Nga nalyo kwene mwemo mwakana ukunjela. Uzye pacani cino mwacita cino namulesizye?

Yakapingula 6:9

Namukulwile ku uzya wa ina Eguputo nu ku maka yakwe yao yonsi amunyasile mu mpanga kwene ilya.