Yakapingula 5:31 - Amazwi Yakwe Leza 2013

³¹ Acino we Yawe sungaleka anisi yako yonsi yafwe, lelo sungaleka yacuza yako yaengesa wa kutunka kwi lanzi! Nga mu mpanga ilya mwali umutende pa myaka amakumi yani.

Yakapingula 5:31 ပူးပေါင်းရင်းမြစ်များ

2 Samueli 18:31

Lyene umuzya umwina Kusyi afika nga anena umwene ati, “Nkweti ilandwe ilisuma ilyakukunena we musambazi umwene wane! Ilelo Yawe watakupeela ucimvyo pali yonsi yano yakusangukile!”

2 Samueli 18:32

Umwene nawe auzya umwina Kusyi wilya ati, “Uzye umulumendo Abusalomu umucingililwe?” Umwina Kusyi wilya aasuka ati, “Si cange cizipe ivicitike kunoli vicitikile anisi ya musambazi umwene wane na kuli yonsi yano yakusangukila.”

2 Samueli 23:4

wene akoline wa micalalazi yi lanzi akatondo lino kusi amakumbi, ilanzi lino likalenga isote ukukula ningo, pacisila lino imvula yatonya.”

Masamu 19:6

Likatunka uku mpela yi yulu, ilipita ukufika nu kumpela yuze. Kutaya nanti conga icisiuvwa ukukaya kwaliko.

Masamu 20:8

Yene yalapumika nu kupona pansi. Lelo swemo tulimilila sika nu kuzyansya!

Masamu 37:6

Alalenga nu kuti usuma wako wayengesa wa luswepo, nu ulungami wako ulawala wakasanya apakasi kamutwe.

Masamu 89:36

Navwanga ukuti wene alakwata amu mupanda mpaka umuyayaya, ni cilimba cakwe ica wene cilayelelela pee, ndi vino ilanzi likalilila pee apa manso yane.

Masamu 89:37

Uwene wakwe ulaya uwakuyelelela umuyayaya wa mwezi, kambone wane uwacumi umwiyulu.”

Masamu 91:14

Leza akuti, “Nemo namatulanyanga yao antemwa, nu kutaasya yayo amanya.

Masamu 92:10

Lelo nemo awewe wankomya, naya sile wa mbo. Wampolelela nu luzango.

Masamu 92:9

Pano anisi yako, we Yawe, yalalowelela, na yakaifya yonsi nayo yalapaswa.

Masamu 97:10

Yawe watemwa antu yano yapata iviipe, akasungilila imyenzo ya antu yakwe, nu kuyapususya umu minwe ya aipe.

Masamu 97:8

Zioni watauvwa, watazanga. Ni mizi yaku Yuda ikuzanga, apamulandu wa mipingwile yako we Yawe.

Kufuma 20:6

Lelo nkalanga kutemwa ku nkulo mazimbi zino zyantemwa nu kuyela amasunde yane.

Mapinda 4:18

Inzila ya antu asuma, yaya wa luswepo lwa pamacaca, lulo ulukakulilako mpaka ilanzi ilisanzama.

Danieli 12:3

Antu akwata amano nayo yalaengesa wa kuswepa kwa mwiyulu, nga na yayo asambilizya antu avule ukucita ivisuma yalaengesa wa ntanda amanda pe.”

Oseya 6:3

Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”

Mateo 13:43

Lyene antu akacita ivyawololoke yene yalaengesa wi lanzi mu Wene wakwe Isi. Ali na matwi yakuuvwa, auvwe!

Loma 8:28

Nupya twamanya ukuti mu vintu vyonsi Leza akaomba kuti vizipile yao amutemwa. Yao ali yano Leza waama pano lyali lili pange lyakwe.

1 Kolinto 8:3

Lelo Leza wene asyatwisika umuntu wino wamutemwa.

Efeso 6:24

Cikuku cakwe Leza ciye na antu yonsi yano atemwa Mwene witu Yesu Klistu nu kutemwa kwa pe.

Malango 6:5

Uwatemwa Yawe umwene Leza wako nu mwenzo wako onsi, nu umi wako onsi, na maka yako yonsi.

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

1 Petulo 1:8

Mwamutemwa nanti angala mutamulola, nupya ndakai musyamulola lelo mwamutaila. Lyene mukazanga, nga kusi mazwi angalondolola luzango lwinu lwa kutuulwa,

Umbwilo 1:16

Wene walemile intanda cinimbali mwi kasa lyakwe lilunji, nga mu mulomo wakwe mufuma lupanga lukali koili. Nu usyu wakwe wali suyengese wi lanzi lyafika mutwe papela.

Umbwilo 18:20

Zangini, mwe muno mwikala mwiyulu pamulandu wakononwa kwakwe! Zangini mwe antu yakwe Leza pamwi na atumwa na yakasema! Pano Leza watamuvunuka pali vino wamucitile!

Umbwilo 6:10

“We Mwene witu, wewe wamuzilo nupya uwa cumi! Uzye ukufika lilaci lino ulapingula nu kuvunuka antu yano akaikala pano nsi, yano atukoma?”

Yakapingula 3:11

Umu mpanga ilya mwali umutende pa myaka amakumi yani, nga lyene Otinieli umwana umonsi wakwe Kenazi aca afwa.

Yakapingula 3:30

Uwanda ulya aina Izlaeli yacimvizye aina Moabu, cakuti mu mpanga ilya mwali umutende pa myaka amakumi cinani.