Yakapingula 5:23 - Amazwi Yakwe Leza 2013

²³ Umungeli wakwe Yawe avwanga ati, “Tipwilini Melozi. Tipwilini yao akaikala mwenemo, pamulandu wakuti yene yatizile ku kwazwa Yawe, kwiza wa asilika aku mulwisizya.”

Yakapingula 5:23 ပူးပေါင်းရင်းမြစ်များ

Neemiya 3:5

Aina Tekoa nayo yazifya imbali yuze iyalondelelapo. Lelo asambazi yao yakanyile ukuomba kweneko imilimo ino yakangalila yao yayapile.

Masamu 94:16

Aweni angimilila nu kumvwangila uku aipe?

Yelemiya 48:10

Watipwa umuntu wiyo wino akaomba umulimo wakwe Yawe ukasu ukasu! Watipwa umuntu wino akalesya ulupanga lwakwe ukuzwisya uwazi!

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Loma 15:18

Ndapama nu kulanda sile pali vino Mwene Yesu Klistu wacita kupitila munondi pa kutungulula Akulukuwa mu kuyela Leza. Wene wacita cii mu mazwi nga nu mu micitile,

1 Kolinto 16:22

Muntu umwi ndi asyatemwa Mwene, Atipwe! Malanata! Mwene witu, iza!

1 Kolinto 3:9

Pano sweswe aomvi alemana pamwi mu kuombela Leza, nga namwe mwemwe calo cakwe Leza. Nupya mwemwe cikulwa cakwe Leza.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

Yakapingula 13:3

Umungeli wakwe Yawe aloleka kunoli nga amunena ati, “Wewe ng'umba utakwata umwana, nga lelo ulasenda indilwa nu kuvyala umwana.

Yakapingula 2:1

Umungeli wakwe Yawe afuma ku Giligali aya ku Bokimu nga avwanga ati, “Namufumizye mu Eguputo nu kumutungulula ku mpanga ino nalavile kupeela ku vikolwe vinu. Mvwanzile inti, ‘Intalatala mfutatile upangano wane uno napangine namwe.

Yakapingula 21:5

Alino aina Izlaeli iyuzya yati, “Uzye mu mitundu yonsi ya ina Izlaeli aweni atizile mu kukongana pa manso yakwe Yawe?” Pano yalavile nu mulapo ukalamba ukuti wensi atalazanwa ku ukongano kuli Yawe ku Mizipa alinzile ku komwa.

Yakapingula 21:8

Lyene iyuzya yati, “Uzye umutundu cii uwa ina Izlaeli uno utaile ku kukongana kuli Yawe ku Mizipa?” Yazanyile ukuti kutali umutundu umwi ukufuma ku Yabesyi Gileadi uwizile ku nkambi ku kukongana.

Yakapingula 4:6

Uwanda umwi Debola atuma akuya ama Balaki umwana wakwe Abinoamu ku musumba wa Kedesyi, umu mpanga ya Nafutali. Amunena ati, “Yawe Leza wa ina Izlaeli watakupeela ilamulo lii ati, ‘Tola aonsi amazimbi ikumi ukufuma mu mutundu wakwe Nafutali na wakwe Zebuluni nga uyatungulule ku Mwamba wa Taboli.

Yakapingula 5:13

Lyene acumi yiiza ku ntunguluzi zyao, antu yakwe Yawe yiiza kunoli aiteyanye ukulwa.

Yakapingula 6:11

Lyene umungeli wakwe Yawe aiza ku muzi wa Ofula nga aikala mwisika lya muoko, umuti wakwe Yoasyi, uwamu luko lwakwe Abiezeli. Gidyoni umwana wakwe ala akupuula ingano mu umfisolo umwakufenela amatingi, pakuti aina Midyani yatamulola.

Yakapingula 8:5

Lino yafika ku Sukoti, Gidyoni anena aonsi aikalanga mwenemo ati, “Napapata pelini ivita vyane imikate. Yene yatiyatonta. Nemo ndondelile Zeeba na Zalemuna, yamwene ya ina Midyani.”

Yakapingula 8:6

Lelo intunguluzi zyamu Sukoti izivwanga ziti, “Uzye pacani cino tungapelelela ivita vinu ivyakulya? Mwemo mutacili muleme Zeeba na Zalemuna!”

Yakapingula 8:8

Lino Gidyoni wafuma kuku pali pakuya ku Penueli, nu kulenga ivintu vili vimwi kwene ku antu akweneko. Lelo aikazi yaku Penueli iyamwasuka wakwe vino aina Sukoti yamwaswike.

1 Samueli 17:47

Nu muntu wensi pano alamanya ukuti Yawe asilonda amalupanga nanti amasumo pa kutuula antu yakwe. Wene akacimvya umu ulwi, nga alapeela mwensi kwene umu makasa itu.”

1 Samueli 18:17

Saulo pali pakunena Davidi ati, “Lola, Melabi umwana wane kaci, nyinalenzi pa yauze. Ali wino namakutwalizya. Cikulu sile ukatale ukandwisizye umukusipa nu kulwa inkondo zyakwe Yawe.” Pano Saulo welenginye ati, “Insikulonda ukukoma Davidi. Lelo aina Filisti ali yano yace yasuke yamukome.”

1 Samueli 25:28

Napapata unjelele ne muomvi wako pamulandu uli onsi uno nakutala. Pasi pano Yawe nawe alakulasika utesi uwa manda pe, pamulandu wakuti ukulwilila Yawe inkondo zyakwe. Nupya kusi icilumbelo nanti cimwi icilakuponela lino ucili umumi.

1 Samueli 26:19

Fwandi lyene musambazi uvwa ku muomvi wako. Ndi cakuti Yawe uwakunena kuti wandwisya, ale lyene cizipe apokelele impolelwa iya kumuzanzya. Lelo ndi cakuti antu ayano yakukutunka, lyene icitipu cakwe Yawe ciyaponele! Pano yene yatiyanzinga umu mpanga yakwe Yawe nu kuntwala ku mpanga ya inamasi muno ningapepa sile tuleza tuze.