Yakapingula 5:22 - Amazwi Yakwe Leza 2013

²² Lyene imfwalasi ziiza zila zikuciloka, izilyatola umusili ni nkamba zyaziko.

Yakapingula 5:22 ပူးပေါင်းရင်းမြစ်များ

Yobo 39:19

“Ale lelo Yobo, uzye awewe walenga kuti imfwalasi iye na maka? Nanti uzye awewe wayikila umukovyo apa nsingo?

Masamu 20:7

Yamwi yene yataila umu maceleta na yamwi umu mfwalasi yao. Lelo swemo twataila mwi zina lyakwe Yawe Leza witu!

Masamu 33:17

Imfwalasi itange iye iya kutailako apakupusuka foo. Amaka yakweyo atupu yatange yakutuule foo.

Ezaya 5:28

Inceto zyao pasi pakusongola. Yene yatiyazumba na malapwa yao. Inkamba zya mfwalasi zyao zyakoma wi we. Alino imipeto ya maceleta yao ikuzinguluka wakwe nkungulupya.

Yelemiya 47:3

Apa kuvwa imitinti ya mfwalasi ni congo ca maceleta, nu kukolokonsya kwa mipeto, awe cumi icaulanda. Ya isi ya ana kusi kwiusya ana yao. Amakasa yao yatiyatemboka.

Yelemiya 47:4

Pasi pano lyene uwanda watiwiza uwakulovya aina Filisti yonsi, uwanda wakucilikilako asyala yonsi yano yangazwilizya aina Tuli na Sidoni. Yawe ali pipi nu konona aina Filisti, insyazi zyamu nkumba yakwe Kulete.

Yelemiya 8:16

Ukufuteka kwa mfwalasi zya anisi yao kuuvwika ukufuma kuli Dani. Ni cilulumo cakwe yacipambasi ya mfwalasi yano yakulila catensya impanga yonsi. Anisi itu yiza ku konona impanga itu kumwi na vyonsi ivyaya mwenemo, ni misumba itu kumwi na ikazi ya mwenemo.”

Ezekelo 27:14

Aina Beti Togalima yakukauzyanga imfwalasi zya milimo, ni mfwalasi zya nkondo, nga ni nyumbu zyakuculuzya.

Mika 4:13

Yawe akuti, “Mwe antu amu Zioni, katukini muye mukalwisye anisi inu! Ndamucita ukuya antu amaka ungati a masaye uwa mpembe zya cela, ni nkamba zya mukuwa. Ulavungola antu amu mitundu ivule, “nu kutuula kuli ne Yawe ivintu vino yalonsile umu ukakasi. Ni cuma cao ulacipeela ku Mwene wa nsi yonsi.”