Yakapingula 5:18 - Amazwi Yakwe Leza 2013

¹⁸ Lelo antu yakwe Zebuluni iyaya mu uzanzo wa kufwa. Avino cali nu ku antu yakwe Nafutali ukwayelile inkondo.

Yakapingula 5:18 ပူးပေါင်းရင်းမြစ်များ

Utandiko 35:23

Ana yakwe Leya aonsi yali a Lubeni (iyeli lyakwe Yakobo), Simeoni, Levi, Yuda, Isakali na Zebuluni.

Utandiko 35:25

Ana aonsi yakwe Bilaa muzya wakwe Lakeli yali a Dani na Nafutali.

Esita 4:16

“Yanga ukakonganike Ayuda yonsi amu musumba wakwe Susa, nga mumpepele kweneko. Mutaezya ukulya nanti ukumwa apa manda yatatu, usiku nanti umusanya kwene. Nani kwene kumwi na aomvi yane akazyana avino tumacita. Lino cii cacitika, lyene ndaya ku musambazi, nanti caindwa ukulingana ni sunde. Ndi cakuti indi nu kufwa, kankafwe.”

Masamu 68:27

Apano yali yakwe Benjamini akaluko kanono, ayano yakolezile nga alino palondelela intunguluzi zya Ayuda, pamwi ni uvi lyao. Nga pali alio napo palondelelela intunguluzi zya ina Zebuluni ni zya ina Nafutali.

Milimo 20:24

Lelo ntasakamile pa umi wane, pano nkulonda sile kuti imale umulimo uno Mwene Yesu wampile ukucita, uwa kukosola Ilandwe Lisuma lya pamulandu wa cikuku cakwe Leza.

1 Yoane 3:16

Twamanya vino kutemwa kwaya pano Klistu wapile umi wakwe pamulandu witu. Uli mulandu uno naswe kwene tulinzile kupeela umi witu pamulandu wa antu yauze.

Umbwilo 12:11

Aina itu yamucimvizye ku wazi wa Mwana wa mfwele, nu ku mazwi ya umboni uno yapile. Yene yaipezile cuze cakuti yatoopanga nanti kufwa.

Yakapingula 4:10

Balaki aama amu mutundu wakwe Zebuluni nu wakwe Nafutali ku Kedesyi, nga na onsi amazimbi ikumi iyamulondela. Debola apita nawe.

Yakapingula 4:14

Lyene Debola anena Balaki ati, “Pitanga! Yawe akukutungulula! Ilelo watakupeela ucimvyo pali Sisela.” Acino Balaki atentemuka ukufuma pa Mwamba wa Taboli pamwi ni vita vyakwe amazimbi ikumi.

Yakapingula 4:6

Uwanda umwi Debola atuma akuya ama Balaki umwana wakwe Abinoamu ku musumba wa Kedesyi, umu mpanga ya Nafutali. Amunena ati, “Yawe Leza wa ina Izlaeli watakupeela ilamulo lii ati, ‘Tola aonsi amazimbi ikumi ukufuma mu mutundu wakwe Nafutali na wakwe Zebuluni nga uyatungulule ku Mwamba wa Taboli.

Yakapingula 6:35

Atuma inkombe ku mpanga yonsi yakwe Manase ku kuyama kuti yamulondele. Atuma inkombe ku mutundu wakwe Asyeli, na wakwe Zebuluni, na wakwe Nafutali, nga nayo kwene yiiza iyuminkana na aliwe.