Yakapingula 5:17 - Amazwi Yakwe Leza 2013

¹⁷ Umutundu wakwe Gileadi wikalanga ku ufumondaka wa Luzi lwa Yodani, nu mutundu wakwe Dani wasile pipi ni vyombo. Umutundu wakwe Asyeli wikalanga mu nkumba yakwe yemba. Iusyala mu vituntu vyakwe yemba.

Yakapingula 5:17 ပူးပေါင်းရင်းမြစ်များ

Utandiko 35:25

Ana aonsi yakwe Bilaa muzya wakwe Lakeli yali a Dani na Nafutali.

Amosi 4:3

Mulalompokela wenga wenga umu nzota zya malinga, alino lyene yalamusumbila lwaku Mwamba wa Halimoni.” Avino Yawe wavwanga.

Yoswa 13:25

Impanga ino wayapeezile aei, Yazeli, imisumba yonsi yaku Gileadi nga na citika wa mpanga ya ina Amoni ukufika nu ku Aloeli, lwaku ufumondaka wa Laba.

Yoswa 13:31

na citika wakwe Gileadi, na Asyitaloti na Edilei (imisumba yaku wene yakwe Ogi umwene waku Basyani). Ili mpanga ino yapile amu mupanda wakwe Makili, uluko nu luko.

Yoswa 22:9

Acino amu mutundu wakwe Lubeni, na wakwe Gadi nga nu mutundu pakasi wakwe Manase iyasya aina Izlaeli pa Syilo mu Kenani kuti yaswilile ku Gileadi, impanga yao, ali kuno iyacita icifulo cao, ukulingana navino Yawe wapile ilamulo ukupitila muli Mose.