Yakapingula 4:4 - Amazwi Yakwe Leza 2013

⁴ Pa nsita ilya Debola, umuci wakwe Lapidoti wali a kasema nupya watumikilanga aina Izlaeli wakwe kapingula wao.

Yakapingula 4:4 ပူးပေါင်းရင်းမြစ်များ

2 Yamwene 22:14

Alino simapepo Hilikiya pamwi na Aiikamu, Akiboli, Syafani na Asaiya iyaya yuzya Hulida, kasema wilya umwanaci, uwali umuci wakwe Syalumu umwana wakwe Tikiva, umwana umonsi wakwe Haliasi. Syalumu kwene wali ali kasunga wa vyakuzwala vyakwe yasimapepo ivyali umu Ng'anda ikulu yakwe Yawe. Antu yayo fwandi ali pakulandila Hulida umulandu. Umwanaci wi wikalanga umu Yelusalemu, mwi pamba lyakwe ciili.

Neemiya 6:14

Nga nemo pali pakupepa inti, “We Leza wane, iusya Tobiya na Sanibalati apa vintu vino yacisile, alino na kasema umwanaci Noadiya pamwi na yakasema yauze yano yezizye ukungofya.”

Kufuma 15:20

Milyamu kasema, kaci wakwe Aaloni watozile kangoma nga anaci yonsi aina Izlaeli yamulondelela pacisila ala yakulizya tungoma twao yakucina.

Ezekelo 13:17

Nupya Yawe anena ne Ezekelo ati, “We mwana wa muntu, apa yantu yako lolapo yamangu aka ituntumba sile ivyakusema. Yanga ukayasoke pali vino yakacita.

Mika 6:4

Nemo namufumizye mu mpanga ya Eguputo. Namupuswisye ku uzya umu mpanga muno mwali azya. Alino ntuma Mose, Aloni, na Milyamu kuti yamutungulule.

Luka 2:36

Kwali kasema umwi umwanaci wi zina lyakwe Ana, mwana Faniweli uwamu luko lwakwe Aseli. Wene wali mukoloci cuze, nupya watenzi niya imyaka cinimbali kufuma ku kutwalwa kwakwe.

Milimo 21:9

Wakweti ana akazyana asimbe yani yao akosolanga Landwe lyakwe Leza.

1 Kolinto 11:5

Lelo mwanaci ali wensi wino akapepa nanti kusema mazwi yakwe Leza kwaula kuvimba cimwi ku mutwe wakwe ala wene akuzewanya umutwe wakwe. Wene atapusine nu mwanaci wino watapela lukuzu ku mutwe wakwe.

Galatiya 3:28

Caleka pasi upusano pakasi ka Ayuda na Akulukuwa, azya na antungwa, aonsi na anaci. Mwensi mwaya wenga pa kutaila kwinu muli Klistu Yesu.

Yakapingula 4:3

Yabini wakweti amaceleta imyanda fundimbali a vyela. Wene wateesile aina Izlaeli mu uluku. Caleka aina Izlaeli iyakuuta kuli Yawe kuti ayazwe.

Yakapingula 4:5

Wikalanga umwisika lya kancindu kamwi kakwe Debola akayelile apakasi ka musumba wa Lama nu wa Betele, mu mpanga ya myamba yakwe Efulemu. Lyene aina Izlaeli nao yayanga kuku kunoli ku kupingulwa.

Yakapingula 5:1

Uwanda ulya Debola na Balaki umwana wakwe Abinoamu yimvile ulwimbo luu: