Yakapingula 4:14 - Amazwi Yakwe Leza 2013

¹⁴ Lyene Debola anena Balaki ati, “Pitanga! Yawe akukutungulula! Ilelo watakupeela ucimvyo pali Sisela.” Acino Balaki atentemuka ukufuma pa Mwamba wa Taboli pamwi ni vita vyakwe amazimbi ikumi.

Yakapingula 4:14 ပူးပေါင်းရင်းမြစ်များ

Utandiko 19:14

Lyene Loti aya kuli yasivyala ali nu kutwala ana yakwe ati, “Pitisini mufume muno musumba, pano Yawe akulonda konona cifulo ci.” Lelo yene yelenganya ukuti imyawe.

Utandiko 44:4

Lino yatali yafike kutali ukufuma mu musumba, Yosefu anena muomvi wino wali akangalila uwamu ng'anda yakwe ati, “Simula, londelela antu yalya. Ndi wayazana uyuzye uti, ‘Musambazi wane wacisile cisuma kunomuli, uzye pacani cino mwamuwezezya uyi pa usuma?

2 Samueli 5:24

Lyene zuwazuwa lino uvwa inswaswa apapela ya muti, uye ukaiteyanye. Nemo ne Yawe namaya nkakukolelele pa kukoma ivita vya ina Filisti.”

Ezaya 52:12

Lelo mutafumamo mukupamviwa, mutafuma wa mbutusi. Yawe alamukolelela. Leza winu alamucingilila.

Mika 2:13

“Leza alacingula inzila nu kuyatungulula ukufuma mu uzya. Yene yalapangula impongolo zya musumba nga yafume antungwa. Umwene wao aliwe alayatungulula pa kufuma, Yawe aliwe alayakolelela.”

Malango 9:3

Lelo ilelo mumasininkizya ukuti Yawe Leza winu aliwe akamukolelela wa cimbilimbili ca moto icikaonona. Wene ali nu kuyacimvya cakuti mulayazinga nu kuyonona pyu zuwazuwa, wakwe vino wene walavile.

Yoswa 10:8

Yawe anena Yoswa ati, “Utayoopa awe, pasi pano natinjapeela mu makasa yako. Kusi umwi munoyali amakuposya.”

Yoswa 7:13

“Ale fwandi katuka ukasangulule antu. Uyanene uti, ‘Isangululini mweisikulu apakuiteyanya pali vino vilacitika mutondo. Uyanene uti kuu kuli kulanda kwakwe Yawe, Leza wa ina Izlaeli ukwakuti, Pakasi kinu mukweti ivintu vino namunenyile ukonona, mwe ina Izlaeli mwe! Mulaposiwa ukulwa na anisi inu suka sile mwatala monona ivintu vivyo.’

Yakapingula 19:28

Alino amunena ati, “Zyuka twapita.” Lelo kutali ukwasuka nanti akumwi. Caleka amukatusya nu kumwika pali punda wakwe nga iyatenuka yaswilila ukwakwe.

Yakapingula 4:10

Balaki aama amu mutundu wakwe Zebuluni nu wakwe Nafutali ku Kedesyi, nga na onsi amazimbi ikumi iyamulondela. Debola apita nawe.

Yakapingula 7:9

Umu nsita ya usiku ulya Yawe anena Gidyoni ati, “Katukini muye mukazanze insakwe yao. Namupeela ukucimvya pali aliyo.

1 Samueli 9:26

Iyakatuka pa macaca nga Samueli aama Saulo api paala lili ilipapatane, amunena ati, “Zyuka uiteyanye. Nkulonda inkupakasye uwapita.” Awe mukwai Saulo nawe akatuka, nga aliwe na Samueli iyakolezyanya iyafumila ukunzi.