Yakapingula 3:27 - Amazwi Yakwe Leza 2013

²⁷ Lino wafika kuku mu mpanga ya myamba yakwe Efulemu, alizya intandala kuti aame ivita vya ina Izlaeli ku kulwa. Lyene ayatungulula iyatentemuka umwamba pamwi nawe.

Yakapingula 3:27 ပူးပေါင်းရင်းမြစ်များ

2 Samueli 20:22

Lyene umwanaci wilya aya ku antu yonsi amu musumba ulya nga ayanena umpandamano wakwe. Alino nayo iyaputula umutwe wakwe Syeba umwana wakwe Bikili nga iyausumbila apali Yoabu, ukucilusya ilinga. Alino Yoabu alizya intandala kuti ciye icimanyililo ku antu yakwe kuti yafuntuke ku musumba ulya, nga nayo iyaswilila kumwao. Yoabu nawe aswilila ku Yelusalemu ku mwene.

2 Yamwene 9:13

Papo kwene wensi uwa munoyali asenda ikoti lyakwe nga alyanza papela ya masitepu apakuti apano Yeu aize aimilile penepo. Nga yatandika nu kulizya intandala yapunda yati, “Yeu ali mwene!”

Neemiya 4:14

Apacisila cakulola ukuti yacili yakuvwa intete, inkatuka nu kunena asambazi ni ntunguluzi zyao pamwi na antu yauze inti, “Mutoopa anisi yaa. Mwiusye ndi vino Yawe umukulu nupya uwa koopa. Acino lwisizini antu inu, ana inu, aci inu nga na mang'anda inu.”

Yoswa 17:15

Yoswa nawe aasuka ati, “Ndi cakuti muvuzile wakwe cimwi nupya ndi cakuti impanga yakwe Efulemu ya myamba yacepesya itange imukumane, lyene yangini mu mutengo mu mpanga ya ina Pelizi na ina Lefaimu mukasete imiti.”

Yoswa 17:18

Impanga ya myamba imaya iyakwinu. Nanti mungaya imiti uli, muli nu kuiseta pakuti mwikale mwenemo ukutandikila ku lutwe longa mpaka ukufika nu ku lutwe luze. Nanti aina Kenani yakweti amaceleta ya vyela, nanti yangaya akome, mwemo mungayazinga mwenemo.”

Yakapingula 10:1

Pacisila ca mfwa yakwe Abimeleki, Toola umwana wakwe Puwa nu mwizikulu wakwe Dodo aiza ku kukulula aina Izlaeli. Wene wafumile mu mutundu wakwe Isakali nga wikalanga ku Syamili mu mpanga ya myamba yakwe Efulemu.

Yakapingula 17:1

Mu manda yalya kwaliko umuntu wino yatemile izina yati a Mika, uwafumile ku mpanga yakwe Efulemu, impanga ya myamba.

Yakapingula 19:1

Mu manda yalya lino aina Izlaeli yatali yakwate umwene, umwina Levi uwikalanga mu mpanga ya myamba yakwe Efulemu atoola umuci namuze ukufuma ku Betelemu mu mpanga yakwe Yuda.

Yakapingula 3:26

Eudi wapusile pa nsita ilya yonsi lino yalolelanga. Aya apuzya pa tuluwi twa mawe nga autukila ku Seila.

Yakapingula 5:14

Iyafuma ku mpanga yakwe Efulemu, yiiza ku cifoloma, ku nsizi yakwe Benjamini na amu luko lwakwe. Yamusika akalamba ya vita yatentemwike ukufuma ku Makili, intunguluzi zyatentemwike ukufuma ku Zebuluni.

Yakapingula 6:34

Lyene Umupasi wakwe Yawe iwikila pali Gidyoni, nawe alizya intandala kuti aame aonsi amu luko lwakwe Abiezeli yamulondele.

Yakapingula 7:24

Gidyoni atuma inkombe konsi ku mpanga yakwe Efulemu, ya myamba, yakalande yati, “Tantamukini nu kwiza lwisya aina Midyani. Muyacilikizye konsi ukuli amanzi lino yatacili yafike kweneko. Muye ku ncende zyonsi ukufika nu ku Beti Bala, nu ku Luzi lwa Yodani kwene.” Awe mukwai aina Efulemu yene iyafika iyandalila ni ncende zya manzi zyonsi ukufika ku Betibala nu ku Luzi lwa Yodani kwene.

1 Samueli 13:3

Yonatani wacimvizye inkambi ya ina Filisti ku Geba, nga na ina Filisti iyuvwa pali cii. Lyene Saulo pali pakulizya intandala umu mpanga ilya yonsi avwanga ati, “Lekini Ayebulai yonsi yuvwe!”