Yakapingula 3:15 - Amazwi Yakwe Leza 2013

¹⁵ Lyene aina Izlaeli iyalilila kuli Yawe, nga nawe ayatumila umuntu uwayatuuzile. Umuntu wi wali a Eudi, umwana wakwe Gela, uwamu mutundu wakwe Benjamini. Eudi waomvyanga ikasa limani. Aina Izlaeli yatumile Eudi kuli Egiloni umwene waku Moabu, ala asenzile amawila akumupeela.

Yakapingula 3:15 ပူးပေါင်းရင်းမြစ်များ

2 Samueli 20:10

Amasa ataiwasile ku lupanga luno Yoabu wakweti umu minwe, nga Yoabu amutota nalo umunda, nga na mala iyafumfumuka pansi. Amasa afwa papo kwene ukwaula kuti yamutote lili. Lyene Yoabu na Abisyai umwina wakwe iyacocovya Syeba umwana umonsi wakwe Bikili.

2 Samueli 20:9

Yoabu anena Amasa ati, “Mwinane, mupozile!” Alino Yoabu alema ivilezu vyakwe Amasa ukwi kasa lyakwe ilya kwilunji kuti amutonsole.

1 Milandu 12:2

Yene yali aina Benjamini umwafumile Saulo, nupya yali anyela sana uku kulwa ni nceto na malapwa. Yamanyile ivya kufiika amalegeni ukwimani nu kwilunji kwene.

1 Milandu 8:3

Amu mupanda wakwe Bela a: Adali, Gela, Abiudi,

1 Milandu 8:5

Gela, Syefufani nga na Hulamu.

2 Milandu 9:24

Yamwene yonsi yamuletelanga ivya mawila, iviya vyakwe siluva na vyakwe zaabu, ivyakuzwala, ivyanzo ni vinyamuti vinunkile, imfwalasi alino ni nyumbu. Imyaka yonsi avino yacitanga.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Masamu 78:34

Lino wakomilepo yamwi asile penepo, yamwi ali pakuwelulukila kunoli, iyazenzuka nu kuzenzuka nupya iyamupepa wakwe cimwi.

Masamu 90:15

Leka amanda itu akuzanga, yalingane na manda yano watuvunwike mwenemo, yavule wa manda yano twapisile umu ntazi.

Mapinda 18:16

Uwila ukayulila kapeela inzila zyonsi, nu kumutwala pa mulola wa antu akama.

Mapinda 19:6

Umuntu mukankala, antu aingi yakamulyombeka, nupya umuntu kapekape acuza wakwe yonsi.

Mapinda 21:14

Umuntu umwi ndi cakuti watakusokela, mupele cimwi ca wila, umalola vino umwenzo wakwe uma myalala. Alino ni citonsya milandu cino watwala umu umfisolo kuli similandu muzo, naco cikafusya icipyu.

Ezaya 36:16

Ala mwandi mutacuvwa kuli Hezekiya. Umwene mukalamba wa ina Asilya akuti, ‘Mungala muifumile sile mwenga mu musumba, mwize mucimbe kunondi. Lyene ale mumaililanga sile mwenga amatingi inu na masamvu inu nu kuimwela sile amanzi mu vifula vinu.

Yelemiya 33:3

We Yelemiya, ndaizya sile nani namakwasuka, namakunena ni milandu ikulu nupya iyankama ino wemo utamanya.

Yakapingula 2:16

Alino lyene Yawe ayapeela intunguluzi izyakuti zyayataasya lino yazanzwa na azanzi yalya.

Yakapingula 20:16

Mwi umba kwene lilyo umwali antu imyanda cinimbali asolwilwe, yao akaomvya kamani. Cila wenga muli ya yali namalunga pakuomvya amalegeni ukwaula kupusa nanti ulunyele.

Yakapingula 3:14

Egiloni umwene waku Moabu ateeka aina Izlaeli pa myaka ikumi na cinani.

Yakapingula 3:16

Eudi waisulile na calimwi ulupanga ulunyolwe konsikonsi, nupya ulwatalimfile ukulingana mita wenga. Awe alunyepelela lwa kwi lunji lyakwe avimbilikizyapo ningo ni laya lyakwe.

Yakapingula 3:9

Lyene aina Izlaeli yalilile kuli Yawe, nga nawe ayatumila umuntu uwayatuuzile. Umuntu wii wali a Otinieli, umwana wakwe Kenazi, umuto wakwe Kalebu.

Yakapingula 4:3

Yabini wakweti amaceleta imyanda fundimbali a vyela. Wene wateesile aina Izlaeli mu uluku. Caleka aina Izlaeli iyakuuta kuli Yawe kuti ayazwe.

1 Samueli 10:27

Lelo intalanganyi zimwi zivwanga iziti, “Uzye umuntu kwene wii angatutuula uli?” Yene yasuuzile Saulo nupya yatamuletile nanti uwila umwi. Lelo wene wasuuzile sile.