Yakapingula 3:12 - Amazwi Yakwe Leza 2013

¹² Aina Izlaeli nupya yiifya pa manso yakwe Yawe. Pamulandu wakwe cii, Yawe aleka Egiloni umwene waku Moabu aye na maka ukuluta aina Izlaeli.

Yakapingula 3:12 ပူးပေါင်းရင်းမြစ်များ

2 Yamwene 5:1

Lyene Naamani wali a musika mukalamba uwa vita vya ina Asilya. Wene wali umuntu umwi uwacindikwe sana nu mwene wa ina Asilya, pamulandu wakuti kupitila munoli Yawe wapile ucimvyo ku ina Asilya. Wene wali umusilika umukalambane sana, lelo wakweti tembwe.

Kufuma 9:16

Lelo pakuti nkulange maka yane kuti uye umumi pakuti antu munsi yonsi yandumbanye.

Ezaya 10:15

Lelo nemo ne Yawe nkuvwanga inti, ‘Uzye impasa ingalanda ukuti yaluta wino akaiomvya? Nanti uzye mukalalu wacindama ukuluta wino akamuomvya? Insonzo isisenda umuntu, foo. Lelo umuntu aliwe akasenda insonzo.’”

Ezaya 37:26

Ee, kwene nanti ungalanda vyonsi vivyo, uzye wemo utatala uvwa ukuti ne Yawe Leza anene nateinye vivyo vyonsi mpiti? Ala anene kwene nasuka nafikilizya napali ndakai kwene. Anene nakupiile amaka akuwisya imisumba ya malinga, apakuti pangasyala sile imitumba ya vitalang'anda.

Ezekelo 38:16

Uliza uzanze antu yane aina Izlaeli, ulakolana ni kumbi ilyati livimbilikizya impanga. Amanda kwene yayo, anene ndakuleta we Gogi, ukukwiza lwisya impanga yane, apakuti imitundu ikamanye, lino ndalanga ucindami wane pa manso yao muli wewe, we Gogi.

Danieli 4:22

“Musambazi, wewe uli cimuti cici, citali nupya camaka. Wemo watuya umukulu wakwe cimwi cakuti ukulu wako wafika nu mwiyulu, na maka yako autesi yafika nu ku mpanga zyakutali umu nsi yonsi.

Danieli 5:18

“Iye mwene, ala Leza wapapelapela walasike so Nebukadineza pa cilimba ca wene, aya umwene mukulu amupeela na amaka nu lulumbi nu usambazi.

Oseya 6:4

Lelo Yawe akuti, “Mwe aluko lwakwe Efulemu, uzye icani cino namamucitila? Namwe mwe aluko lwakwe Yuda, uzye icani cino namamucitila? Ukutemwa kwinu kuli wakwe kungwi, wino akasalangana umu katondo, kukoline nu lumi ulukakuntika katondotondo.

Yoane 19:11

Yesu amunena ati, “Utangaya ni nsambu panondi, suka ndi nsambu yapeelwa kunuli kufuma kuli Leza. Caleka wino uwatapela nene kunuli ali ni iifyo likulu kuluta.”

Yakapingula 2:11

Lyene aina Izlaeli iyacita inkota pa manso yakwe Yawe nu kutumikila tuleza tu Baali.

Yakapingula 2:14

Nawe Yawe pasi pa kusokela aina Izlaeli nga ayapeela mu makasa ya azanzi nayo iyayasampa vyonsi vino yakweti. Wene wayisile mu maka ya anisi yao ukuzinguluka konsi, nga yatali na maka akuyacimvya nupya.

Yakapingula 2:19

Lelo lino intunguluzi ilya yafwa, yene iyaswilila ku miyele iipisye ukuluta iya vikolwe vyao, yala yakulondela nu kutumikila nu kupepa tuleza tuze. Yene iyakana ukuta ivicitwa vyao ivyankota ni miyele yao iyakutalama.

Yakapingula 3:11

Umu mpanga ilya mwali umutende pa myaka amakumi yani, nga lyene Otinieli umwana umonsi wakwe Kenazi aca afwa.

1 Samueli 12:9

“Lelo yene yilile Yawe Leza wao. Icaleka wene ayapeela mu makasa yakwe Sisela, musika mukalamba uwa vita vya mwene waku Hazoli, nu mu makasa ya ina Filisti, nu mu makasa ya mwene wa ina Moabu, yayo yonsi ayalwisizye.