Yakapingula 3:1 - Amazwi Yakwe Leza 2013

¹ Zii zili nko zino Yawe wasile kuti zyaezya aina Izlaeli, yao atamanyile ivya kulwa inkondo pa nkondo izyacitike mu Kenani.

Yakapingula 3:1 ပူးပေါင်းရင်းမြစ်များ

1 Yamwene 9:21

kuli kuti amu mupanda wao asiile mu mpanga ilya, yano aina Izlaeli yaposiwe kulovya. Antu kwene yaa ali yano Solomoni ayacita azya akuombela umulaza ukufika na pilelo kwene.

2 Milandu 32:31

Nanti sile lino na alasi yaku Babiloni yatumile uku kumuuzya ivyapa cinjelengwe cimwi icacitike umu mpanga ilya, Yawe wamutazyezile apakumwezya nu kulola ivili umu mwenzo wakwe.

Yobo 23:10

Lelo kwene Leza wamanya imipitile yane yonsi. Ndi cakuti angatemwa ukumvukuta umwi lungu, awe cumi angalola sile kuno niza nafuma mpee, wakwe zaabu.

Kufuma 15:25

Mose apapata kuli Yawe, alino Yawe amulanga kamuti. Mose atoola kamuti akasumbila mu manzi, na manzi yaluluka. Kuku kwene akuno Yawe ayapeela amasunde akuti yalondela mu wikazi wao. Yawe ayezya kuti alole ndi yangayela amasunde yakwe.

Mapinda 17:3

Siluva akaengululwa umu cikopo, zaabu nawe umwi lungu. Lelo Yawe aliwe akaezya imyenzo.

Yelemiya 6:27

We Yelemiya nemo ninkucita wakwe simalungu, nga antu yane nayo wa cela, apakuti uyezye nga umanye imiyele yao.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Yoane 2:24

Lelo atayataile pano wamanyile vino antu yaya.

Malango 7:22

Yawe Leza winu alazinga antu amu nko zizi panono panono lino mwemo mukuya pa nkolelo. Mutalaya na maka aku yonona lilyo kwene, pasi pano ndi caya vivyo, ale lyene ivilyanyi vyamu mpanga vilasanda viye uzanzo kunomuli.

Malango 8:16

Wene wamupeezile mana mu lwanga kuti mulye, ivyakulya vino ivikolwe vinu vitatazile vilye. Wene wamuletile intazi kuti amwezye, pakuti lino zyasila amupeele ulongo nga na vyonsi vimuzipile.

Malango 8:2

Mwaiusya vino Yawe Leza winu wamutungulwile mu lwendo luu lutali nzila yonsi mu lwanga pa myaka iyapita amakumi yani, ala akumutumila intazi kuti amwezye nga alole ndi mumayelanga amalamulo yakwe.

1 Petulo 1:7

Mulimo wa kweziwa ukusininkizya cumi ca utailo winu. Wakwe vino zaabu, wino akaononeka, yakamwezya pa kumoca mu moto kuti yalole ndi umukome, avino nu utailo winu uno waluta pali zaabu ndi waposya mukweziwa, lyene mulatasiwa nu kupelwa lulumbi nu mucinzi pa wanda uno Yesu Klistu alasokololwa.

1 Petulo 4:12

Mwe yacuza akundwe, mutazunguka pa kupita mu macuzi aipe apa kweziwa, kwati cintu cimwi cisyacitika camuponela.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

Yakapingula 1:1

Pacisila ca kufwa kwakwe Yoswa, aina Izlaeli yuzya Yawe yati, “Uzye umutundu cii pa mitundu itu umatandikilapo ukulwisya aina Kenani?”

Yakapingula 2:10

Lino antu amu mukulo ulya yafwa yonsi, inkulo iyalondelile penepo yilile Yawe na vyonsi vino Yawe wacitile aina Izlaeli.

Yakapingula 2:23

Acino Yawe azumilizya inko zizi kusyala mu mpanga ilya. Wene atazizinzile lilyo kwene nanti ukuzipeela mu makasa yakwe Yoswa.

Yakapingula 3:2

Yawe wacisile cico pamulandu wa kusambilizya cila nkulo zya ina Izlaeli ivya kulwa inkondo, makamaka kuli yao atamanyile vino yalwanga ku mpiti.