Yakapingula 21:4 - Amazwi Yakwe Leza 2013

⁴ Katondotondo uwanda uwalondelilepo antu yalya iyakuula kavuwa kuku nga iyapeelelapo amawila yakoca na mawila autandano.

Yakapingula 21:4 ပူးပေါင်းရင်းမြစ်များ

2 Samueli 24:18

Pa wanda ulya Gadi aya kuli Davidi nga amunena ati, “Tumbela uye ku lwano lwa kupuulila lwakwe Alauna umwina Yebusi ukakuulile Yawe kavuwa.”

2 Samueli 24:25

Davidi akuulila Yawe kavuwa kuku nga apeela amawila yakoca na mawila ya utandano. Alino Yawe aasuka ipepo lyakwe lino wapepelile impanga, nga ni mpungo iyaponile impanga ya Izlaeli ita.

1 Yamwene 8:64

Uwanda kwene uo, ali uno Solomoni apaatwila kuli Yawe incende iyali apa musolo pakasi, kuti iye iya kupeelelapo amawila yakoca, amawila ya mbezu nga na mafuta ya mawila ya utandano. Wene wacisile vivyo pamulandu wakuti kavuwa ka mukuwa kali akanono kano yatange yapeelelepo kuli Yawe amawila Yaa yonsi.

Oseya 5:15

“Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”

Malango 12:5

Muce mwapepela Leza winu pa ncende ino umwisikulu alasolola ukufuma mukasi ka mitundu inu pakuti apano yonsi yakakonganila ku kumulumbanya.

Ayebulai 13:10

Swemo tukweti kavuwa pano yasimapepo akatumikila vya mwi taalu yatangalyapo.

Yakapingula 20:26

Lyene aina Izlaeli, antu yonsi kwene, iyaswilila ku Betele, nga kuku pasi pakulosya pa manso yakwe Yawe. Uwanda ulya yatalile nanti kamwi ukufika nalino ilanzi lyawa nga yapeela Yawe amawila yakoca nga na mawila ya utandano.

Yakapingula 21:3

“Pasi paulanda! We Yawe, Leza wa ina Izlaeli! Uzye pacani cino icintu cii cacitika mu mpanga ya ina Izlaeli, kuti ilelo umutundu wakwe Benjamini uye pipi nu kulowa mu mpanga ya ina Izlaeli?”

Yakapingula 6:24

Acino Gidyoni akuulila Yawe kavuwa kuku nga akatemela izina ati, “Yawe uli mutende kwene.” Na kavuwa kaka apano kacili ku Ofula, umusumba wa luko lwakwe Abiezeli.

Yakapingula 6:26

Alino ukuulile Yawe Leza wako kavuwa pa ntonje ya mutumba uwo wa malivu. Lyene utoole cipambasi wakwe ciili umoce wensi pyu wa wila wakoca, ni nkwi izyakuomvya ivimpilinsya kwene vyakwe Asyela vino watuputola.”

1 Samueli 7:17

Alino lyene aswilila ukwakwe ku Lama, kuno nako kwene watumikilanga wakwe kapingula. Ku Lama kwene akuli kuno Samueli wakuulile Yawe kavuwa.